Otum 3:25 - Ohwihwim Olehe

²⁵ Ohwihwim ba Ahogbrẽ a hwim pa la moarehwi baŋ a hom otum okro bimi, o wo okyku gimi angyiŋ. Agimi e hwiŋ owlama okyku ohwihwim ba Ahogbrẽ a hwim pa la moadigimi. Aŋa a hwim ta la Ebrahim a lu mi le, Okro moanwye boŋ ame é da moarehwi obiŋ hi mvye á hwiŋ owlama.

Otum 3:25 Referans Kwoze

Otum 2:39

Okyku eshi Ahogbrẽ a hwim ka la gimi, pa la moanwye bimi, pa la moa la a wo ogyugyuŋ, pa la moare ba Adigi Ahogbrẽ a bzi mo.

MoaEgalasiya 3:8

Odlo ba Ahogbrẽ o sheŋ o ka o tspi ba Ahogbrẽ á ba a shri opyapyaŋ á zga agʼbaha baŋ pa la moa la a wo moaEyahuda mbo ozhẽ ba obmi ba adlidzi. Okyku eka he angyiŋ odlo ba Ahogbrẽ o tsa Ebrahim Oshpaodzadzi o sheŋ o ta. O lu mi le, Okro boŋ, Ahogbrẽ á shri owlama á shri á da moarehwi ba obiŋ hi pyeŋ.

Otsotsa 7:9

Ambla he ame e zhiŋ ayi nga ame e ka eshki nzenze. Arekyeŋ a tsi moare la a wo eshki lo a gbu mbo! Moa a zgi obiŋyaŋ a mbo ta la embreyaŋ a mbo, ta la olomyaŋ a mbo. Nga moa a tspi egi ayi ba emgbakyiŋ ba oreŋ, ta la egi ayi ba Anwye Ekylu. Moa a ygi ariga akyle angyiŋ. Nga moa a kom ánjyge elgi abgo mo.

MoaEgalasiya 3:16

E ka, Ahogbrẽ a hwim ta la Ebrahim ta la anwye baŋ. O dzu, Ta la moanwye baŋ angyiŋ mbo, alo o dzu moarehwi nzenze mbo. Ambo o lu mi le, Ta la anwye boŋ, alo o dzu are akyakyeŋ, aŋa angyiŋ a wo Ekristi.

MoaOroma 4:13

Ahogbrẽ a hwim ta la Ebrahim, pa la moanwye baŋ, baŋ á ba a shri obiŋ hi mvye á shri á daŋ. Ohwihwim he lo, moa a kpo lo okyku ba Ebrahim a kpaŋ odaŋ angyiŋ mbo, ambo okyku baŋ a bmi ba adlidzi angyiŋ. Okyku eka he nga Ahogbrẽ a yga ŋa eka ba arehwĩ ba odlodzi.

MoaEgalasiya 3:29

O wo bimi e wo moanwye ba Ekristi angyiŋ le, agimi e wo moanwye ba Ebrahim angyiŋ. Nga agimi é hwiŋ ekplo ba Ahogbrẽ a hwim a zga ma.

Otsotsa 14:6

Ambla he nga ame e ka anwyeadgakyeŋ a la a knye ahrẽ, ta la Oshpaodzadzi ba gbagbu-amo. A shri lo okyku o su lo o ygi moarehwĩ ba obiŋ hi, pa la moarehwĩ ba obiŋyaŋ a mbo, ta la embreyaŋ a mbo, pa la moarehwĩ ba olomyaŋ a mbo, pa la moarehwĩ pyeŋ.

Otsotsa 5:9

Moa a fu abmo alahe a lu mi le, Aŋo o tse ma boŋ o sko ashye akpa lo, Nga boŋ o ngʼga onono. Okyku eshi moa a bga ŋo, nga ibu ba eku boŋ o kpu he lo angyiŋ, Aŋo o gbmo moarehwĩ okyku Ahogbrẽ. Moarehwĩ he lo a zgi embreyaŋ a mbo, ta la olomyaŋ a mbo, ta la obiŋyaŋ a mbo.

MoaOroma 15:8

Ame e lu e da gimi, Ekristi a zhiŋ a dzu anwye-odne moaEyahuda okyku o tsa moare eka ba Ahogbrẽ a wo la a bli odlo baŋ. Eyesu a kpo eka he lo okyku o bli ohwihwim ba Ahogbrẽ a hwim pa la moadigi,

Otum 13:26

Agimi anáŋ, agimi anwye ba Ebrahim, pa la moa la a wo moaEyahuda mbo, la a wo ahe mvye la a la a hlu Ahogbrẽ eshko, moa a shri oshpa ba oshla he lo a kom gi angyiŋ!

Oluka 1:72

A lu ma aŋa á ka moadigi ayiekŋe, Nga aŋa á bli ohwihwim ba esesla baŋ a hwim.