Otum 3:23 - Ohwihwim Olehe

²³ Areyaŋ a mbo la a ngli a gno ekplo baŋ a lu mbo le, moa á se mo a sku eshki moarehwi ba Ahogbrẽ nga á jygi mo.

Otum 3:23 Referans Kwoze

Eyohana 12:48

Areyaŋ a mbo la a tla me nga a bmi ba adlidzi ta la oshpa me mbo le, arekyeŋ a wo ma la á ba a sõ ŋa ombgu. Odlo ba ame e sheŋ e lu hi angyiŋ ó ba o sõ ŋa ombgu onda mi lo!

Otsotsa 20:15

Areyaŋ a mbo ba moa a ta eshko baŋ akpa ba esõ mbo le, moa a shri ŋa a ta enzheovo.

MoaIbrani 12:25

Agimi e nyuŋ e kpo-kpo nga e tla o ngli atuŋ o gno odlo baŋ a la a lu mbo. Okyku eshi moarehwĩ la a tla o ngli atuŋ o gno odlo ba Ahogbrẽ ba arekyeŋ a la a lu obiŋ hi, moa a gro mbo ku-ku. Nga o wo ba agi e tla odlo ba are la a dzu Ongyeŋ a la a lu he, agi e ka é ra abgo é gro mbo ku-ku!

MoaIbrani 10:39

Agi e wo edgu moarehwĩ la a la a bla a yi ambla nga a la a tpi ayi angyiŋ mbo. Ambo agi e wo la obmi ba adlidzi angyiŋ ma, nga agi e hwiŋ oshla okyku lo angyiŋ.

Otsotsa 13:8

Nga moarehwĩ pyeŋ ba obiŋ hi ba moa a ta eshko mo akpa ba esõ mbo omba ba moa a ka a kpo obiŋ hi a mbo a wo mbo, moa á hlu ŋa eshko. Akpa ba esõ he lo a wo akpa ba Anwye Ekylu ba moa a bga ŋa.

MoaIbrani 2:3

Agi nga é kpo anyu é ba e gro o wo ba agi e tla e tsi oshla ogagre eka he e ghwo ayi? Adigi-odne ababgo baŋ a zga esĩ a su oshla he lo. Nga moare la a gno osu baŋ he lo moa a tsa gi ba alo o wo adlidzi angyiŋ.

Eyohana 8:24

Okyku eka he lo angyiŋ ame e lu ma agimi é kpu la odlobi bimi. Agimi é kpu la odlobi bimi o wo ba agimi é bmi ba adlidzi ba Ame Angyiŋ La E Wo Ma, mbo le.

Amarku 16:16

Are la a bmi ba adlidzi nga moa a kpo ŋa abaptisma á gro. Are la a bmi ba adlidzi mbo, Ahogbrẽ á sõ ŋa ombgu.

Otum 2:41

Moare nzenze eshki lo a gno oshpa lo nga moa a bmi ba adlidzi, nga moa a kpo mo abaptisma. Moa la a zhiŋ onda he lo a wo ezbietra.