Otum 3:21 - Ohwihwim Olehe

²¹ O dzu omgbybi baŋ a dzu Ongyeŋ ayga o tsa baŋ a nyiŋ ekployaŋ a mbo, eka ba Ahogbrẽ a lu a da moarehwi baŋ a hom otum ogbyigbyi.

Otum 3:21 Referans Kwoze

MoaOroma 8:21

Moa la a ka ayi ozhẽ ba ondakyeŋ moa a shla ekployaŋ a mbo abgo ba ovovrẽ, nga okyku o da mo a hwiŋ odzudum moanwye ba Ahogbrẽ.

Otum 1:11

Moa a zhĩ a lu mi le, Agimi arehwĩ ba Egalili, okyku eshi agimi e tspi ahe e la e ka ahrẽ? Eka bimi eka ba moa a sko Eyesu a gre Ongyeŋ, ekakahelo, aŋa á ba a sa á zgi Ongyeŋ lo a ba.

Otsotsa 22:6

Ambla he nga anwyeadga lo a lu odlo pa la me a lu mi le, Odlo he lo o wo adlidzi angyiŋ nga o wo odlo la o raŋ o gre ba moa a bmi ta la lo. Nga Adigi-odne Ahogbrẽ la a la a shri Ogbgaodzi baŋ a shri a da moarehwĩ baŋ a hom mo otum angyiŋ, a hom anwyeadga baŋ otum okro ba moawaghrẽ baŋ okyku o da mo a yi eka ba ekplo la é ba e kpo é ta adzadzi.

Oluka 1:70

Ogbyigbyi Ahogbrẽ a da moarehwi ba esesla ban a hom otum a lu eka he lo.

2 Ebitru 3:2

Ame e klo bimi e tne aga odlo ba moarehwĩ ba esesla ba Ahogbrẽ a hom mo otum ogbyigbyi a lu. Nga okyku o da gimi e tne aga odaŋ la o zgi okro ba Adigi-odne ta la Areoshla bi. Odaŋ he lo, moarehwĩ bimi la a nyum oshpa angyiŋ a shri lo a shri a ba.

2 Ebitru 1:21

Okyku eshi oshpa ba okaolu he lo o ba ondakyeŋ la okaobmye ba arehwĩ o ka mbo. Ambo Ogbgaodzi angyiŋ o tsa moarehwĩ o da mo a lu oshpa ekplo la e zgi okro ba Ahogbrẽ.

Otum 10:43

Moarehwi ba Ahogbrẽ a hom otum vye a lu eshri baŋ a lu mi ma areyaŋ a mbo la a bmi ba adlidzi ka la ŋa, moa a kyu ŋa abgo odlobi baŋ okro ekʼpo ba eshko baŋ.

Otsotsa 18:20

Ekployaŋ a mbo la e wo Ongyeŋ, e kpo ovye okyku ba moa a jygi osku he lo! Agimi arehwĩ ba Ahogbrẽ pa la moa la a nyum oshpa, pa la moarehwĩ ba Ahogbrẽ a hom mo otum, e kpo ovye! Okyku eshi Ahogbrẽ a sõ ashe lo ombgu okyku ayakplo ba osku he lo o kpo gimi!

Otum 3:19

Agimi e ghwo obiŋ nga e ba egi ayi Ahogbrẽ, okyku o daŋ a kyu gimi abgo odlobi bimi,

Otum 3:20

okyku o da gimi e hwiŋ oshye ba eso okro ba Adigi-odne, nga okyku o daŋ a hom Eyesu otum okro bimi, aŋa angyiŋ a wo Emisiya baŋ a sheŋ a sla okyku gimi bgu.

MoaIbrani 1:1

Ayga Ahogbrẽ a da moarehwĩ baŋ a hom mo otum a lu odlo pa la moadigi engyi oshushku ezhẽ andandandim.