Otum 3:15 - Ohwihwim Olehe

¹⁵ Okyku eka he, agimi e bga Are la a la a kpo eso. Ambo Ahogbrẽ a kso ŋa ongybi, agi nga e wo egŋe okyku ohe lo.

Otum 3:15 Referans Kwoze

Otum 2:24

Ambo Ahogbrẽ a kso ŋa ongybi. Aŋa a sko ewu ba eku a sku ŋa. Eku e kpo e gbu e kom ŋa mbo ku-ku.

Otsotsa 21:6

Nga a lu mi le, Alo o khwo! Ame angyiŋ e wo Alfa ta la Omega, esĩ ta la eygi. Nga ame é fu ami enzhe ami ba esõ é shri é da areyaŋ a mbo ba oŋo o kpo ŋa ototno.

Otum 2:32

Ahogbrẽ a kso Eyesu he lo ongybi. Agi e wo egŋe eshri ohe lo.

MoaIbrani 2:10

O wo shasha angyiŋ okro ba Ahogbrẽ la a kpo ekployaŋ a mbo nga a la a kpaŋ lo. Aŋa a kpo eka he okyku o da Eyesu a bli shasha okro ba ewu lo, okyku o da moare nzenze a pu ekekʼpo baŋ he lo ka la ŋa. Okyku eshi Eyesu angyiŋ a wo are la a tsa mo ozhẽ ba oshla he lo.

1 MoaOkorinti 15:45

Okyku eshi odlo Ahogbrẽ o lu mi le, Adamu arehwĩ ba oriori, moa a kpo ŋa a daŋ a dzu arehwĩ la e wo la ayaŋ ba eso ma, ambo Adamu ba amom-abgo ekpyemgbyeŋ, a wo Ogbga ba Ahogbrẽ la a shri eso a shri a di angyiŋ.

Eyohana 5:26

Eka ba Ada angyiŋ a wo esi ba eso, ekakahelo angyiŋ, aŋa a da Anwye a dzu esi ba eso.

Eyohana 1:4

Odlo o wo eso egʼba baŋ, nga eso he lo angyiŋ e shri ayimom e kom moare.

Otsotsa 22:17

Ogbgaodzi ta la Anwyeshe a lu mi le, Agimi e ba! Nga e da areyaŋ a mbo la a gno odlo he lo, e daŋ a mbo a lu mi le, Agimi e ba! Areyaŋ a mbo ba oŋo o kpo ŋa nga baŋ a klo o wa ami, a ba a yga ami ba esõ he lo a wa ototno.

1 Eyohana 5:20

Agi e yi ba Anwye ba Ahogbrẽ a ba nga a shri okaobmye a da gi okyku o da gi e ka Ahogbrẽ ba adlidzi e bmye. Odzudzu bi pyeŋ o wo ta la Ahogbrẽ ba adlidzi okro ba Anwye baŋ Eyesu Ekristi. Aŋa angyiŋ a wo Ahogbrẽ ba adlidzi, nga esõ he lo angyiŋ e wo esõ ba gbagbu-amo.

MoaIbrani 5:9

Omba ba moa a bli ŋa a khwo, a dzu esĩ ba oshla ba gbagbu-amo, okyku moare pyeŋ la a la a kpaŋ odlo baŋ.

Eyohana 17:2

Okyku eshi aŋo angyiŋ o shri ekʼpo o daŋ eshri moarehwi pyeŋ, okyku o daŋ a shri eso ba gbagbuamo a shri a da moarehwi boŋ o shri o daŋ.

Eyohana 14:6

Eyesu a tno ŋa ma a lu mi le, Ame angyiŋ e wo ozhẽ, ame angyiŋ e wo adlidzi, nga ame angyiŋ e wo eso. Arekyeŋ a sõ okrokyeŋ a yi okro Ada a gbu mbo, o wo le a sõ okro me dne.

Eyohana 4:14

Ambo areyaŋ ambo la a wa ami ba ame angyiŋ é shri é daŋ, oŋo ó kpo ŋa ku-ku nga mbo. Okyku eshi ami ba ame é shri é daŋ he lo á dzu eyi-ami angyiŋ eso baŋ, nga á dzu ami la a wo la eso ma, nga á shri eso ba gbagbu á shri á daŋ.

Eyohana 4:10

Eyesu a tno ashe lo ma a lu mi le, Ekplo ayiekŋe, aŋo o yi ekplo ba Ahogbrẽ a la a shri a di e mbi, nga aŋo o yi are la a vẽ ŋo okyku amihĩ hi e mbi, aŋo o kpo o gbu boŋ o vẽ ŋa okyku ami-hĩ la a wo la eso ma, nga aŋa á shri lo á doŋ.

Otsotsa 22:1

Anwyeadga he lo nga a tsa me ondzu ba ami ba esõ. Alo o wo zhezheŋ eka amihĩ. Alo o zgi emgbakyiŋ oreŋ ba Ahogbrẽ ta la Anwye Ekylu angyiŋ o ba.

Eyohana 10:28

Ame e la e shri eso ba gbagbu-amo e shri e da mo, moa á kpu nga mbo ku-ku. Arekyeŋ a kpo a gbu baŋ a ngʼga mo a sku me abgo mbo.

MoAfisu 1:20

Aŋa a kpo otum ta la alo angyiŋ omba baŋ a kso Ekristi ongybi, nga a daŋ a dzu obgori baŋ Ongyeŋ.

Otum 5:31

Ahogbrẽ nga a daŋ a dzu obgori eka Andakʼpo, ta la Areoshla. Okyku o da moarehwi ba Esrayila a hwiŋ anvaŋ a ghwo obiŋ nga a hwiŋ okyuabgo odlobi mo.

Oluka 24:48

Agimi e wo moaegŋe angyiŋ okyku ayakplo he lo.

Otum 4:2

Eso e tpi mo ayi e gre eshri, okyku eshi moa la a nyum oshpa aha he lo a la a nye moare a lu mi ma Eyesu a kso ongybi, okyku eka he onyenye he lo o tsa ba moare la a sheŋ a kpu á ba a kso.

MoaIbrani 12:2

Agi e tslo ayi bi e shki Eyesu sha. Obmi ba adlidzi bi o wo okro baŋ sha angyiŋ, a zga okũ lo a yi a fu okro lo. Aŋa a da esõ baŋ e zgi okyku egŋe aki lo mbo! Ambo a sheŋ a yi edgu ovye la o dzu o bli ŋa. Okyku eka he, a tne aga akplokyeŋ eshri anzi la o wo ibu eku ba egŋe aki ku-ku mbo. Ohuhuhi nga a dzu obgori ba emgbakyiŋ oreŋ ba Ahogbrẽ angyiŋ.