Otum 3:13 - Ohwihwim Olehe

¹³ Ahogbrẽ ba Ebrahim, ta la Eshaku, ta la Eyakubu, Ahogbrẽ moadigi angyiŋ a shri ekʼpo baŋ a shri a da Eyesu Anwye-odne baŋ. Agimi e yga ŋa e shri e da moandakʼpo, nga agimi e tla ŋa egi ayi ba Ebilatu omba ba Ebilatu a klo o kyu ŋa abgo.

Otum 3:13 Referans Kwoze

Otum 7:32

Adigi-odne a kpla egba ka la ŋa a lu mi le, Ame angyiŋ e wo Ahogbrẽ moadigimi, Ahogbrẽ ba Ebrahim ta la Eshaku, ta la Eyakubu. Eyli e kpo Omusa e gre eshri nga, aŋa a ka akla lo a gbu mbo.

Amatiyu 22:32

Ame angyiŋ e wo Ahogbrẽ ba Ebrahim ta la a ba Eshaku, ta la a ba Eyakubu. Ohe lo o tsa baŋ a wo Ahogbrẽ moa la a wo la esõ ma, a wo Ahogbrẽ moa la a kpu mbo.

MoaIbrani 2:9

Ambo agi e ka Eyesu angyiŋ a la a ri ekʼpo lo! Okyku omba ple moa a da ekʼpo baŋ e siŋ ekʼpo moanwyeadga fi, okyku okro okpoghwo ba Ahogbrẽ a kpu okyku moarehwĩ pyeŋ. Ohuhuhi agi e ka ŋa la a wo anyuŋ-areŋ la ekekʼpo ta la anyuanyuŋ okyku ewu baŋ a kpo okro eku.

Eyohana 19:15

Moa a ta akhi a lu mi le, E bga ŋa! E bga ŋa! E gŋe ŋa egŋe aki! Ebilatu a zhĩ mo a lu mi le, Agimi e klo ba ame e gŋe anyuŋ-areŋ bimi egŋe aki? Moandakʼpo olu ba Ahogbrẽ a tno ma a lu mi le, Ekeza sha angyiŋ a wo anyuŋ-areŋ bi!

Eyohana 19:12

Omba ba Ebilatu a gŋo eka he nga, a zga eso ba o kyu ŋa abgo. Ambo MoaEyahuda a ta akhi a lu mi le, O wo boŋ o kyu ŋa abgo tli le, aŋo o wo akyeŋazba ba Ekeza angyiŋ mbo! Areyaŋ a mbo la a sko eŋa a zga anyuŋ-areŋ le a wo afpu Ekeza angyiŋ!

Eyohana 18:40

Moa a tno ŋa ma la enzi angyangyeŋ, a lu mi le, O mbo, agi e klo ŋa angyiŋ mbo. Agi e klo Abaraba! Abaraba he lo a wo anyuŋ asi angyiŋ.

Otsotsa 1:18

Ame angyiŋ e wo are la a wo la esõ ma! Ame e mbi e kpu, ambo aŋo o ka, ambo ame e wo la esõ gbagbu gbagbu-amo ma. Ame e wo la ekʼpo eshri ba eku, ta la obiŋ ba moarehwĩ la a sheŋ a kpu a wo ma.

Otsotsa 1:5

ta la okro ba Eyesu Ekristi la a wo egŋe ba adlidzi. Aŋa angyiŋ a wo Anwye ba moa a mbre ŋa ori, nga ba moa a kso ŋa eku. Aŋa angyiŋ a wo are la a ri ekʼpo eshri moareŋ ba obiŋ hi pyeŋ. Aŋa a la a klo gi. Nga ibu ba eku baŋ angyiŋ a shla gi abgo ba odlobi bi, nga a da gi e dzu oreŋ ba moandakʼpo olu ba Ahogbrẽ okyku o da gi e kpo Ahogbrẽ baŋ la a wo Adaŋ, otum. Esesla ta la ekʼpo, e dzu e ba Eyesu Ekristi gbagbu gbagbu-amo! Amin.

Otum 22:14

A nyuŋ me a lu mi le, Ahogbrẽ moadigi angyiŋ a sla ŋo okyku o doŋ o ka eso baŋ o bmye, nga okyku o doŋ o ka Anwye baŋ la a wo odlodzi, nga okyku o doŋ o gno enzi baŋ.

Eyohana 12:16

Ambo moanwyeotum baŋ a ka ohe lo a bmye omba he lo mbo. Ambo ambla ba Eyesu a sheŋ a vre a dzu okro ayimom ba esesla baŋ, moa a tne aga ba Odlo Ahogbrẽ o lu eka he lo, nga moa a sheŋ a kpo eka he lo okyku ŋa.

Eyohana 7:39

Eyesu a lu odlo he lo eshri Ogbgaodzi ba moa la a bmi ba adlidzi ka la ŋa á ba a hwiŋ. Omba mi lo, moare a hwiŋ Ogbgaodzi a wo mbo, okyku eshi moa a kso Eyesu a gre okro ayimom ba esesla baŋ Ongyeŋ a wo mbo.

Oluka 23:4

Ambla he nga, Ebilatu a nyuŋ moandakʼpo olu ba Ahogbrẽ ta la eshki pyeŋ a lu mi le, Ame e hwiŋ ekplokyeŋ la e tse ma ba moa a sõ alom he lo ombgu ba eku mbo.

Amarku 15:11

Ambo moandakʼpo olu a klo ozhẽ ibu moare okyku o da Ebilatu a kyu Abaraba abgo a sku baŋ a kyu Eyesu abgo.

Amatiyu 28:18

Eyesu a ba osusku pa la a mo nga a nyuŋ mo a lu mi le, Moa a shri ekʼpo pyeŋ Ongyeŋ, ta la obiŋ hi a shri a da me.

Amatiyu 27:2

Moa a ta ŋa aslika, nga moa a shri ŋa a gre okro ba Ebilatu ogomna.

Amatiyu 20:19

Nga moa á shri ŋa á da moa la a wo moaEyahuda mbo, nga moare hi lo á lu ega á ygi ŋa, nga moa á taŋ ŋa andzu, nga moa á kũ ŋa okusa egŋe aki. Ahogbrẽ nga á kso ŋa ongybi olum ba otra.

Amatiyu 11:27

Adugu a kyu ekployaŋ a mbo abgo a shri a ghwo abgo me. Arekyeŋ a yi Anwye lo mbo ku-ku, o wo le Ada sha. Arekyeŋ nga a yi Ada lo mbo, o wo le Anwye sha, pa la moare ba Anwye lo a da mo a ka ŋa a bmye.

Oluka 6:37

O sõ arekyeŋ ombgu mbo okyku o da Ahogbrẽ a sõ ŋo ombgu mbo. O shraŋ moahwõ mbo okyku o da Ahogbrẽ a mbo a shraŋ ŋo mbo. O kyu moahwõ abgo akpu ba moa a la a ta egi ayi boŋ, Ahogbrẽ nga á kyu ŋo abgo odlobi boŋ o kpo egi ayi baŋ.

Eyohana 19:11

Eyesu a tno ŋa ma a lu mi le, Aŋo o wo la ekʼpo eshri me, okyku eshi Ahogbrẽ angyiŋ a shri lo a shri a doŋ. Okyku eka he are la a vu me a shri a doŋ angyiŋ a kpo anyuŋ odlobi la o gre pyeŋ.

Otum 3:12

Omba ba Ebitru a ka eka he nga, a nyuŋ eshki a lu mi le, Agimi arehwĩ ba Esrayila, okyku eshi agimi e da ekplo he lo e dzu egbregbre ka la gimi nga e la e ka gi dzo? Eka bimi e ka, la ekʼpo bi o mbo okyku bi e wo moarehwi ba Ahogbrẽ angyiŋ agi e da alom hi a dzi?

Otum 3:26

Okyku eka he, Ahogbrẽ a sla gimi nga a da Anwye baŋ a ba okro bimi ori, okyku o da gimi e kyu ayakplobi abgo nga e hwiŋ owlama baŋ.

Otum 4:27

Adlidzi angyiŋ, Ehirudu, ta la Obuntu Ebilatu moa a fu eshri osku he angyiŋ pa la moa la a wo moaEyahuda mbo, ta la moarehwi ba Esrayila eshri Eyesu Anwye-odne boŋ ba esesla, a boŋ o daŋ a dzu Emisiya.

Otum 4:30

O wo boŋ Ahogbrẽ o bmi le, o ndba obgo boŋ o shaŋ moa elolo, nga o da gi ekʼpo okyku o da gi e kpo ayakplo egbregbre eshko Eyesu anwye esesla boŋ.

Otum 24:14

Ame e bmi ta la odlo he egi ayi boŋ. Ame e lu Ahogbrẽ moadigi ma, nga ame e la e sõ Ozhẽ moa a la a lu mi ma alo o wo o ba akpro. Nga ame e bmi ta la ekployaŋ a mbo moa a ta odaŋ ba Omusa, ta la akpekpa moarehwi ba Ahogbrẽ a hom mo otum.

MoaOroma 9:5

Moa a zgi ogu moadimo ba ogbyi. Ekristi nga, moa a mbre ŋa ogu mo angyiŋ. Agi e hlu Ahogbrẽ la a ri ekʼpo eshri ekployaŋ a mbo eshko gbagbu-amo! Amin.

Oluka 22:57

Ambo Ebitru a dzu evom gaŋ a lu mi le, Ashe, ame e yi ŋa mbo!