Otum 3:12 - Ohwihwim Olehe

¹² Omba ba Ebitru a ka eka he nga, a nyuŋ eshki a lu mi le, Agimi arehwĩ ba Esrayila, okyku eshi agimi e da ekplo he lo e dzu egbregbre ka la gimi nga e la e ka gi dzo? Eka bimi e ka, la ekʼpo bi o mbo okyku bi e wo moarehwi ba Ahogbrẽ angyiŋ agi e da alom hi a dzi?

Otum 3:12 Referans Kwoze

2 MoaOkorinti 3:5

Ekplokyeŋ la e tse ma e wo ka la gi, ba agi e ka eka ba agi e kpo otum he lo e gbu mbo. Oshye ba agi e wo la alo ma o zgi okro ba Ahogbrẽ angyiŋ o ba.

MoaOroma 9:4

Moa a wo moarehwi ba Ahogbrẽ a sla angyiŋ. A da mo a dzu moanwye baŋ, nga a da mo a hwiŋ ogʼba ba ekʼpo baŋ. A hwim pa la mo a khwo nga a shri odaŋ a shri a da mo. Moa a yi ozhẽ adlidzi ba o lu Ahogbrẽ ma, nga moa a yi ohwihwim ba Ahogbrẽ a hwim pa la mo.

Otum 2:22

Agimi arehwĩ ba Esrayila, agimi e ngli e gno odlo he lo! Eyesu ba Anazarata a wo arehwĩ ba Ahogbrẽ a daŋ a kpo ayakplo egbregbre andandandim okyku o tsa gimi. Agimi e yi eka he lo, okyku baŋ a kpo ekployaŋ a mbo ahe ka la gimi.

MoaOroma 11:1

Ame e la e zhĩ, alo o dzu eka ba Ahogbrẽ a tla moarehwi baŋ angyiŋ? O wo eka he angyiŋ mbo! Ame eshrishri me a mbo ame e wo a ba Esrayila angyiŋ. Ame e wo anwye ba ogu ba Ebrahim nga ame e wo a ba ogu ba Ebenjami.

Otum 13:26

Agimi anáŋ, agimi anwye ba Ebrahim, pa la moa la a wo moaEyahuda mbo, la a wo ahe mvye la a la a hlu Ahogbrẽ eshko, moa a shri oshpa ba oshla he lo a kom gi angyiŋ!

Eyohana 7:18

Are la a lu odlo ekyku eshri baŋ, a klo o gbu eshko angyiŋ. Are la a klo o da are la a hom ŋa otum angyiŋ a gbu eshko, are he lo a la a kpo adlidzi, nga a la a kpo ekplokyeŋ bli-bli mbo.

Otum 3:11

Omba ba alom lo a lu Ebitru ta la Eyohana ma la ovyevye a gre enjygu moa a bzi lo ma Enjygu ba Osolomo, moare mvye a knye a lu mo ma a gre lo.

Otum 3:13

Ahogbrẽ ba Ebrahim, ta la Eshaku, ta la Eyakubu, Ahogbrẽ moadigi angyiŋ a shri ekʼpo baŋ a shri a da Eyesu Anwye-odne baŋ. Agimi e yga ŋa e shri e da moandakʼpo, nga agimi e tla ŋa egi ayi ba Ebilatu omba ba Ebilatu a klo o kyu ŋa abgo.

Otsotsa 7:13

Akyeŋ eshki moandakʼpo a zhĩ me a lu mi le, Moayi angyiŋ a wo moarehwĩ la a ygi anzho akyle eka he? Moa a zgi ayaŋ a ba?