Ambo ayga ame e lu odlo ba ototno eshri baŋ, nga ame e kpo ŋa ewu, nga ame e dzĩ ŋa. Ambo Ahogbrẽ a ka me ayiekŋe okyku eshi ame e bmi ba adlidzi mbo, nga ame e ka e yi ekplo ba ame e kpo mbo ku-ku.
Ame e wo la ozgayi ma e gre eshri. Okyku eka he lo angyiŋ, ame e kpo Eklisiya ewu. Eka ba moarehwĩ a sko a zga ma are á dzu are ba odlodzi ozhẽ ba okpaŋodaŋ, nga ame e ka ekplokyeŋ ba ame e sheŋ e nye ma ku-ku mbo.
Ame e kpo e gbu ba ame e zgi egŋe e lu mi ma moa a bmi ta la Ahogbrẽ osheshye. Ambo ekplokyekyeŋ, moa a yi adlidzi zhezheŋ ayga a bmi ta la Ahogbrẽ mbo.
Agi e ka tki, alom he lo a wo are la a wo oyla, nga a la a tpi okro ayi. Aŋa a la a sla eshki moaEyahuda ayi ayaŋ a mbo obiŋ hi. Nga a sa a wo andakʼpo ba eshki moa a bzi lo ma Anazari.
Ambo a tno ma a zhĩ gi a lu mi le, Agimi e kpo eshi eka he? Agimi e wo okũ nga e kpla me eso e gbu okyku eshi? Ame e bmi okyku o da mo a bʼbu me endzi sha Orushalima mbo, ambo ame e bmi okyku o kpu okyku Adigi-odne Eyesu.
Ebitru a nyuŋ ŋa a lu mi le, Ame e wo amgbaŋ ma mbo, ambo ame e shri ekplo ame e wo alo ma e shri e doŋ. Eshko Eyesu ba Anazarata, ame e lu e doŋ, aŋo o kso!
A lu odlo a lu mi le, Ame e wo a ba Eyahuda angyiŋ. Moa a mbre me osku ba Atarsu ba Esilisiya. Ame e tsi engla Orushalima abgo ba Egamaliya. Moa a nye me edgu odaŋ moadigi a fu ma, nga ame a mbo e shri eshri me e da Ahogbrẽ eka bimikyeŋ la e wo ahe anye he.