Otum 26:3 - Ohwihwim Olehe

³ Alo o wo adlidzi angyiŋ, okyku eshi aŋo o yi zhezheŋ eka odzudzu moaEyahuda ta la edgu odlo mo. Okyku eka he ame e vẽ, o wo boŋ o bmi le, aŋo o ngli atuŋ o gno odlo me la eso ble-ble.

Otum 26:3 Referans Kwoze

Otum 6:14

Agi e gno alom he lo, a lu mi le, Eyesu ba Anazarata á kypi Anyuŋ-akulu lo, nga á nyiŋ ayakplo moadigi a la a kpo nga ba Omusa a nye gi!

Otum 26:26

Agriba, aŋo anyuŋ-areŋ, ame e kpo e gbu ba ame e lu odlo he lo osheshye ka la ŋo okyku eshi aŋo o yi lo mvye. Ame e bmi ba adlidzi boŋ o sheŋ o mbga ekployaŋ a mbo o sheŋ o ka bgu. Okyku eshi ekplo la e kpo he lo, e kpo emvygi angyiŋ mbo.

1 MoaOkorinti 13:2

O wo ba alo o kpo o gbu ba ame e nyum oshpa la o gre eso, nga e kpo e gbu ba ame e wo la oyioyi ba obiŋ hi pyeŋ, nga ba ame e ka eshyẽ ekployaŋ a mbo e bmye, nga o wo ba alo o kpo o gbu ba ame e wo la obmi ba adlidzi la o kpo o gbu ba ame e gʼbu akukũ a mbo, ambo o wo ba ame e wo la oklo ma mbo le, ame e wo akplokyeŋ angyiŋ mbo.

Otum 28:17

Ambla ba elum etra nga, Oblus a bzi moaEyahuda moa la a wo moandakʼpo, a da mo a ba a shki. Ambla ba moa a ba a shki a khwo nga, a nyuŋ mo a lu mi le, Agimi anáŋ! Ame e kpo moarehwi bi akplokyeŋ mbo, nga ame e tla odzudzu bi e yga okro moadigi mbo, ambo moa a vu me Orushalima nga a shri me a da moaOroma.

Otum 26:7

Egu bi otsko he lo, moa a la a hlu Ahogbrẽ eshko olulum ta la okyukyku, nga moa a la a ka ayi ozhẽ okyku ohwihwim he lo. Okyku okayiozhẽ he lo angyiŋ, aŋo anyuŋ-areŋ, moaEyahuda a la a klo odlo pa la me!

Otum 25:26

Ambo ame e yi ekplokyeŋ zhezheŋ ba o ta o kom Ekeza eshri odlo he lo mbo. Okyku eka he ame e shri ŋa e ba egi ayi boŋ, aŋo Agriba anyuŋ-areŋ, okyku o da me e hwiŋ ekplo ba o ta-ta ambla boŋ o mbli odlo lo o ka.

Otum 24:10

Ogomna a tsa Oblus abgo ma a lu odlo, nga Oblus a lu odlo a lu mi le, Ame e yi zhezheŋ boŋ o wo are la a sõ ombgu obiŋ hi okyku eyi oshushku. Okyku eka he ame e gno oraŋ o gre eshri okyku o tspi okyku eshri me egi ayi boŋ.

Otum 24:4

Ame e klo o tpi ŋo omba ayi nzenze mbo, okyku eka he ame e vẽ ŋo, aŋo o kpo o ghwo nga, o ngli o gno ela odlo bi lo.

Otum 21:21

Moa a gno oshpa eka bimi e la e nye moaEyahuda la a wo obiŋ moa la a wo moaEyahuda mbo, ma moa a kpaŋ odaŋ ba Omusa nga mbo. Nga ma aŋo o la o nye mo o la o lu mi ma moa a sheŋ moanwye mo ongyum nga mbo, nga ma moa a la a kpaŋ odzudzu moaEyahuda nga mbo.

Otum 26:2

Agriba, aŋo anyuŋ-areŋ! Ame e ka eka ba ame e tsa adzi ba ame e hwiŋ ozhẽ okyku o tspi okyku eshri me egi ayi boŋ, eshri ekployaŋ a mbo ba moaEyahuda a shri a ba eshri me anye he.