Otum 26:23 - Ohwihwim Olehe

²³ Moa a lu mi ma Emisiya á kpo ewu, nga aŋa angyiŋ á ba a wo arehwĩ ba oriori la á ba a kso ongybi. Ana á nyum oshpa ba ayimom ba oshla a da moaEyahuda pa la moa la a wo moaEyahuda mbo.

Otum 26:23 Referans Kwoze

Oluka 24:26

O dzu omgbybi ba Emisiya á kpo ewu eka he nga á hwiŋ odzudzu ba ekʼpo baŋ mbo?

Otsotsa 1:5

ta la okro ba Eyesu Ekristi la a wo egŋe ba adlidzi. Aŋa angyiŋ a wo Anwye ba moa a mbre ŋa ori, nga ba moa a kso ŋa eku. Aŋa angyiŋ a wo are la a ri ekʼpo eshri moareŋ ba obiŋ hi pyeŋ. Aŋa a la a klo gi. Nga ibu ba eku baŋ angyiŋ a shla gi abgo ba odlobi bi, nga a da gi e dzu oreŋ ba moandakʼpo olu ba Ahogbrẽ okyku o da gi e kpo Ahogbrẽ baŋ la a wo Adaŋ, otum. Esesla ta la ekʼpo, e dzu e ba Eyesu Ekristi gbagbu gbagbu-amo! Amin.

MoaOkolosi 1:18

Aŋa angyiŋ a wo eshri ba egʼba baŋ, alo angyiŋ e wo Eklisiya. Aŋa angyiŋ a wo ewyi ba esõ ba egʼba he lo. Aŋa angyiŋ a wo Anwyealom ba ori moa a mbre nga ba moa a kso ŋa ongybi, okyku o daŋ sha a hwiŋ okro odzuma ba ori ba ekployaŋ a mbo.

MoaIbrani 2:10

O wo shasha angyiŋ okro ba Ahogbrẽ la a kpo ekployaŋ a mbo nga a la a kpaŋ lo. Aŋa a kpo eka he okyku o da Eyesu a bli shasha okro ba ewu lo, okyku o da moare nzenze a pu ekekʼpo baŋ he lo ka la ŋa. Okyku eshi Eyesu angyiŋ a wo are la a tsa mo ozhẽ ba oshla he lo.

1 MoaOkorinti 15:3

Ame e shri ekployaŋ a mbo ba ame e yga angyiŋ e shri e da gimi. E wo anyuanyuŋ nzenze. O wo adlidzi eka moa a ta Akpa ba Ahogbrẽ ma Ekristi a kpu okyku odlobi bi pyeŋ.

Oluka 2:32

Aŋa a wo ayimom okyku o tsa moa la a wo moaEyahuda mbo ozhẽ boŋ, Nga okyku o shri esesla o shri o kom moarehwi boŋ ba Esrayila.

Eyohana 10:18

Arekyeŋ angyiŋ á sko eso me á sku me mbo, ambo ame angyiŋ é shri lo é di la obmi ba eso me. Ame e wo la ekʼpo ma okyku o shri lo o di, nga ame e wo la ekʼpo ma ba o bla lo o yga. Ame e yga odaŋ he lo ibu Adugu.

Otum 26:18

Aŋo angyiŋ ó ba o hwile ayi mo, nga ó ba o se mo o sku evbu, nga ó ba o shri mo ó ba ayimom, nga aŋo ó zhiŋ mo ekʼpo ba Eshitaŋ ó ba ekʼpo ba Ahogbrẽ. Okyku o wo moa a bmi ba adlidzi pa la me le, moa á kyu mo abgo odlobi mo, nga moa á hwiŋ okro odzuma eshki moarehwi ba Ahogbrẽ a sla mo.

Otum 26:8

Okyku eshi agimi Eyahuda e bmi ba adlidzi ba Ahogbrẽ a la a kso moa la a sheŋ a kpu mbo?

Otum 13:34

Eshri oksongybi baŋ, baŋ á ba a vrẽ nga mbo ku-ku, Ahogbrẽ a lu mi le, Ame é shri owlama ba esesla la ó bre mbo é shri é doŋ. Owlama ba ame e hwim ta la Adawuda.

Otum 3:18

Ogbyigbyi, moarehwi ba Ahogbrẽ a hom otum a lu mi ma Emisiya á kpo ewu. Ahogbrẽ nga a bli odlo lo.

Eyohana 11:25

Eyesu a nyuŋ ŋa a lu mi le, Ame angyiŋ e wo Oksongybi ta la Eso. Areyaŋ a mbo la a bmi ba adlidzi pa la me, á hwiŋ eso o wo baŋ a kpu a mbo.

Oluka 24:46

A nyuŋ mo a lu mi le, Moa a ta akpa a lu mi le, O dzu omgbybi angyiŋ ba Emisiya á ba a kpo ewu nga ba moa á kso ŋa ongybi olum ba otra.

Amatiyu 27:53

Moa a kso a sku engybi, nga ambla ba Eyesu a kso eku, moa la a kso ongybi he lo a gre Osku Ba Esesla, nga moare nzenze a ka mo.

Amatiyu 26:24

Anwye Arehwĩ á kpu eka ba Akpa ba Aho-gbrẽ a lu. Ambo a ba eshri are la á ba a yla Anwye Arehwĩ! O raŋ o gre e mbi moa a mbre are he lo mbo!

Otum 3:24

Eshki moarehwi ba Ahogbrẽ a hom otum, Asamuyila pa la moa la a ba ambla baŋ, moa mvye la a shri oshpa ba ayakplo la a ba a kpo omba he, a shri a ba.

2 MoaOkorinti 4:4

Moa a la a bmi ba adlidzi mbo okyku eshi ahogbrẽ abi ba obiŋ hi a sheŋ a shri oso-ayi a zga egi ayi mo. A nyom mo o ka ayimom la a la a shka ayi eshri mo. Oshpaodzadzi ba ayimom ba esesla ba Ekristi angyiŋ, o la o shri ayimom he lo o ba. Ekristi angyiŋ, a wo emle ba adlidzi ba Ahogbrẽ.