Otum 26:22 - Ohwihwim Olehe

²² Ambo ma-me o bli olum anye he, Ahogbrẽ a la a kpo a ghwo la me. Okyku eka he, ame e tspi ahe okyku o zgi egŋe ba Ahogbrẽ egi ayi areyaŋ a mbo. Ekplo ba ame e lu hi, moarehwi ba Ahogbrẽ a hom otum ta la Omusa, moa a lu ma alo é kpo.

Otum 26:22 Referans Kwoze

Otum 24:14

Ame e bmi ta la odlo he egi ayi boŋ. Ame e lu Ahogbrẽ moadigi ma, nga ame e la e sõ Ozhẽ moa a la a lu mi ma alo o wo o ba akpro. Nga ame e bmi ta la ekployaŋ a mbo moa a ta odaŋ ba Omusa, ta la akpekpa moarehwi ba Ahogbrẽ a hom mo otum.

Eyohana 5:46

Agimi e bmi ba adlidzi ta la Omusa angyiŋ e mbi, agimi e bmi ba adlidzi pa la me, okyku eshi a ta oshpa eshri me.

Otum 10:43

Moarehwi ba Ahogbrẽ a hom otum vye a lu eshri baŋ a lu mi ma areyaŋ a mbo la a bmi ba adlidzi ka la ŋa, moa a kyu ŋa abgo odlobi baŋ okro ekʼpo ba eshko baŋ.

Oluka 24:44

Ambla he nga, a nyuŋ mo a lu mi le, Ame e lu edgu ayakplo he angyiŋ e da gimi omba ba ame e yi e wo ka la gimi. Ekployaŋ a mbo ba moa a ta eshri me odaŋ ba Omusa, ta la akpekpa moarehwi ba Ahogbrẽ a hom mo otum, ta la Akpa ba Ohlueshko, o dzu omgbybi ba alo é bli.

Oluka 24:27

Eyesu a lu ekployaŋ a mbo moa a ta Akpa ba Ahogbrẽ eshri baŋ a da mo. A zga esĩ ta la Akpekpa ba Omusa a ta, nga a gre akpekpa pyeŋ moarehwi ba Ahogbrẽ a hom mo otum a ta.

Otsotsa 15:3

Moa a la a fu abmo ba Omusa la a wo awaghrẽ ba Ahogbrẽ ta la abmo ba Anwye Ekylu lo. Moa a fu abmo a lu mi le, Adigi-odne, Ahogbrẽ la a wo ekʼpo pyeŋ, Otum boŋ o kpo o wo ogagre nga o wo egbregbre nzenze! Aŋo Anyuŋ-areŋ ba moarehwĩ ba obiŋ hi pyeŋ, Ozhẽ boŋ o wo shasha nga o wo adlidzi o gre eshri!

MoaOroma 3:21

Ambo ohuhuhi ozhẽ ba Ahogbrẽ a la a shri opyapyaŋ a shri a zga agʼbaha baŋ pa la moarehwi o wo tsoŋ a mo. Alo o wo ozhẽ ba odaŋ angyiŋ mbo. Odaŋ pa la moarehwi ba Ahogbrẽ a hom otum a mbo, moa a zgi egŋe eshri lo.

Otum 28:23

Moa a sla onda ta la Oblus, nga moare nzenze a ba okro Oblus onda lo. A zga endigiŋ ma-me okyukyku Oblus a la a tsa mo, nga a nyum oshpa eshri Oreŋ ba Ahogbrẽ a da mo. A zga gble okyku o da mo a yga odlo Eyesu. A fa ayakplo ba odaŋ ba Omusa, ta la ayakplo ba akpekpa moarehwi ba Ahogbrẽ a hom mo otum.

Otum 26:17

Ame é shla ŋo abgo moarehwi ba Esrayila, ta la abgo moa la a wo moaEyahuda mbo. Moahi lo, ame é hom ŋo otum okro mo.

Otum 26:6

Moa a sõ me ombgu ohuhuhi okyku ba ame e wo la okayio-zhẽ ohwihwim ba Ahogbrẽ a hwim pa la moadigi.

Eyohana 5:39

Agimi e klo aga Akpa ba Ahogbrẽ okyku eshi agimi e la e ka eka bimi é ba e hwiŋ eso ba gbagbu okyku lo. Akpa ba Ahogbrẽ lo a mbo a lu odlo eshri me!

Eyohana 1:45

Efilibu a ka Enataniyelu nga a lu oshpa a daŋ a lu mi le, Agi e ka are ba Omusa a ta oshpa baŋ akpa ba odaŋ, nga moarehwi ba Ahogbrẽ a hom otum a mbo a sa a ta oshpa baŋ. Aŋa angyiŋ a wo Eyesu anwye Oyusufu ba osku ba Anazarata.

Eyohana 1:17

Ahogbrẽ a da gi e hwiŋ odaŋ abgo ba Omusa, ambo a da gi e hwiŋ okpoghwo ta la adlidzi abgo ba Eyesu Ekristi.

Oluka 24:46

A nyuŋ mo a lu mi le, Moa a ta akpa a lu mi le, O dzu omgbybi angyiŋ ba Emisiya á ba a kpo ewu nga ba moa á kso ŋa ongybi olum ba otra.

Otsotsa 20:12

Nga ame e ka moa la a sheŋ a kpu, moa la a gbu eshko, pa la moa la a wo emakyeŋ ma mbo. Moa pyeŋ a tspi egi ayi ba emgbakyiŋ oreŋ lo. Moa a hwile akpekpa. Ambla he nga moa a sa a hwile akpakyeŋ, akpa he lo angyiŋ a wo akpa ba moa la a wo la esõ ma. Nga moa á sõ moa la a kpu ombgu eka ba ekplo ba moa a kpo, eka ba moa a ta lo akpekpa lo.

Otsotsa 11:18

Esõ e tpi moaevbu ayi nzenze, Okyku eshi alo o wo omba boŋ ó tsa mo olom boŋ angyiŋ. Nga ba moa á ba a sõ moa la a kpu ombgu angyiŋ. Nga alo o wo omba ba o shri egbre o shri o da moawaghrẽ boŋ la a wo moarehwĩ ba Ahogbrẽ a hom mo otum angyiŋ, Pa la moarehwĩ boŋ pyeŋ, moa la a wo agagre pa la moa la a wo afifi, Pa la moa la a kpo eyli boŋ pyeŋ. Omba he angyiŋ o wo odzi ba moa a bga moa la a jygi obiŋ hi!

2 Etimoti 3:11

Aŋo nga o ka eka ba ame e la e kpo avuolo nga e kpo ewu. Aŋo o yi edgu ayakplo pyeŋ la a la a kpo pa la me omba ba ame e wo osku ba Antakiya, ta la Ekoniyom, ta la Elistra. Aŋo o yi eka ba ame e kpo ekŋe e gre eshri! Ambo Ahogbrẽ a shla me abgo ewu he lo pyeŋ.

Amatiyu 26:24

Anwye Arehwĩ á kpu eka ba Akpa ba Aho-gbrẽ a lu. Ambo a ba eshri are la á ba a yla Anwye Arehwĩ! O raŋ o gre e mbi moa a mbre are he lo mbo!

Oluka 16:28

Ame e wo la moanáŋ-alalom atno ma. O daŋ a yi a lu a da mo a nyuŋ a kpo-kpo okyku o da mo a ba okro ba ewu hi mbo.

Otum 13:29

Ambla moa a kpo ŋa ekployaŋ a mbo eka ba Akpa ba Ahogbrẽ a lu, moa a gile ŋa egŋe aki nga moa a ngybi ŋa.

1 MoaOkorinti 15:3

Ame e shri ekployaŋ a mbo ba ame e yga angyiŋ e shri e da gimi. E wo anyuanyuŋ nzenze. O wo adlidzi eka moa a ta Akpa ba Ahogbrẽ ma Ekristi a kpu okyku odlobi bi pyeŋ.

1 MoaOkorinti 15:4

Moa a ngybi ŋa a khwo nga, olum ba otra moa a kso ŋa ongybi eka ba moa a ta Akpa ba Ahogbrẽ.