Otum 26:16 - Ohwihwim Olehe

¹⁶ Aŋo o kso o tspi angyeŋ. Ame e shri eme e tsa okyku o da me e sla ŋo eka anwye-odne me. Ame e klo boŋ o lu o da moahwõ eka ekplo boŋ o ka lo anye he, ta la ekplo ba ame é ba e tsa ŋo omba la ó ba mi.

Otum 26:16 Referans Kwoze

1 Etimoti 1:12

Ame e vye Ekristi Eyesu Adigi-odne la a shri oshye a da me okyku o kpo otum he lo. Ame e vye la ŋa e gre eshri okyku baŋ a sko me a zga eka ba ame e tse ma, nga a sla me okyku o da me e kpo otum baŋ.

MoaEgalasiya 1:12

Ame e yga lo okro ba arehwi angyiŋ mbo, nga arekyeŋ a nye me alo mbo. Ambo Eyesu Ekristi eshrishri eŋa angyiŋ a hwile oshpa lo zhezheŋ a tsa me.

MoaOroma 15:16

nga a da me e dzu awaghrẽ ba Ekristi Eyesu, okyku o da me e nyum oshpa e ygi moa la a wo moaEyahuda mbo. Ame e kpo eka ba andakʼpo olu ba Ahogbrẽ, omba ba ame e la e nyum Oshpaodzadzi la o zgi okro ba Ahogbrẽ o ba, okyku o zhiŋ moa la a wo moaEyahuda mbo, o da mo a dzu oshriondba ba Ahogbrẽ a gno oraŋ ta la lo, nga ba Ogbgaodzi o gʼba lo o zga okyku Ahogbrẽ.

MoaOkolosi 1:25

Ahogbrẽ angyiŋ a da me e dzu awaghrẽ ba Eklisiya. Aŋa angyiŋ a shri otum he a shri a da me okyku o da gimi e hwiŋ owlama. Otum he lo o wo okyku o nyum eshyẽ oshpa lo pyeŋ.

MoaOkolosi 1:23

O raŋ o gre ba agimi e la e kpo otum la adlidzi okũ la o wo oshye, nga o wo zhezheŋ. Nga agimi e da okayiozhẽ ba agimi e hwiŋ omba ba agimi e gno Oshpaodzadzi he lo, o suŋ mbo ku-ku. Ame Oblus, e dzu awaghrẽ okyku oshpa he lo angyiŋ. Oshpaodzadzi he lo ba moa a sheŋ a nyum lo a ygi areyaŋ a mbo obiŋ hi.

MoaEgalasiya 2:2

Ame e gre okyku Ahogbrẽ a tsa la ame e yi. Eshki ba agi e kpo pa la moandakʼpo ambambga, ame e wre edgu oshpa ba ame e la e nyum e ygi moa la a wo moaEyahuda mbo e da moandakʼpo lo. Okyku eshi ame e klo ba otum me ba ayga ta la otum me ba ohuhuhi, ba alo o tpi ayi ototno mbo.

Otum 23:11

Okyukyku onda he lo nga, Adigi-odne a tspi egi ayi Oblus a nyuŋ ŋa a lu mi le, Aŋo Oblus o ghwo eso! Aŋo o sheŋ o zgi egŋe me Orushalima bgu, nga aŋo ó kpo ekaka-helo Oroma.

2 Etimoti 4:5

Ambo aŋo, o vu eŋo o ghwo ozhẽyaŋ a mbo. Aŋo o ta esõ boŋ akpyli, nga o kpo eka ba are la a nye moare Oshpaodzadzi he lo, nga o kpo otum boŋ pyeŋ eka ba awaghrẽ ba Ahogbrẽ.

1 Etimoti 4:6

O wo boŋ o la o nye moanáŋ eka he angyiŋ le, aŋo ó dzu anwyeotum ba adlidzi ba Ekristi Eyesu, omba boŋ o la o vgi esõ boŋ la edlo ba obmi ba adlidzi ta la onyenye ba adlidzi boŋ o lu lo ma.

1 MoaEtasolonika 3:2

Nga omba lo agi e hom Etimoti otum, aŋa a wo anigi la a la a kpo otum ka la gi otsotse okyku Ahogbrẽ. Aŋa a la a nyum Oshpaodzadzi eshri ba Ekristi. Agi e hom ŋa otum okyku o daŋ a shĩ gimi nga okyku o daŋ a kpo a ghwo la gimi ozhẽ ba obmi ba adlidzi bimi,

MoaOkolosi 1:7

Agimi e gno lo abgo ba Ebafara, aŋa angyiŋ a wo anwye-odne bi ba agi e klo ŋa. Aŋa nga a wo are la a kpo otum la adlidzi okyku Ekristi okyku gimi angyiŋ.

2 MoaOkorinti 5:18

Ayakplo he lo pyeŋ, Ahogbrẽ angyiŋ a kpo lo. Okro Ekristi aŋa a zhiŋ gi la e wo moafpu ŋa a da gi e dzu moakyeŋazba. Nga a da gi otum bi e zhiŋ moahwõ e da mo a dzu moakyeŋazba a mbo ko-ko.

2 MoaOkorinti 4:1

La okayiekŋe ba Ahogbrẽ angyiŋ, aŋa a shri otum he a shri a da gi. Okyku eka he, agi e da egʼba e shki gi ami mbo.

MoaOroma 1:5

Okro baŋ Ahogbrẽ a hwile me ozhẽ okyku o da me e dzu are la a nyum oshpa okyku Ekristi, okyku o tsa moarehwi ba obiŋ hi mvye okyku o da mo a bmi ba adlidzi nga a yga lo.

Otum 22:10

Ame e zhĩ e lu mi le, Adigi, ame e kpo eshi? Adigi-odne a tno ma a lu mi le, Aŋo o kso nga o yi Adamasku eshyẽ, nga moa á lu ekployaŋ a mbo ba Ahogbrẽ a klo boŋ o kpo á da ŋo.

Otum 21:19

Oblus a shko mo a khwo nga, a tsi oshpa ba ekployaŋ a mbo ba Ahogbrẽ a kpo okro otum baŋ egi ayi moa la a wo moaEyahuda mbo.

Otum 20:24

Ambo ame e sko eso me e da lo e dzu ekplokyeŋ mbo. Okyku eshi ame e klo o bli otum ba Adigi Eyesu a shri a da me, ba ame e kpo. Otum ozgi egŋe Oshpaodzadzi ba okpoghwo ba Ahogbrẽ.

Otum 6:4

Agi e klo eka he okyku o da gi e hwiŋ anvaŋ okyku e fa olu nga e nyum oshpa.

Otum 1:25

okyku o daŋ a sko otum ba onyumoshpa ba Eyahuda a dzu a zga nga a gre okro baŋ a wo ba alo.

Otum 1:17

Eyahuda he lo, a wo akyeŋ eshki bi. Moa a sla ŋa okyku o da gi e kpo otum otsotse.

Oluka 1:2

Moa a ta oshpa ba moa a ka ayakplo he lo okũ oriori a lu a da gi, nga moa a nyum oshpa lo.

Otum 26:15

Ame e zhĩ e lu mi le, Aŋo ayi angyiŋ Adigi-odne? Adigi-odne a tno ma a lu mi le, Ame angyiŋ e wo Eyesu boŋ o la o kpo me ewu.

MoAfisu 3:3

Ahogbrẽ nga a hwile ohwihwim baŋ a hwim a ghre, nga a da me e yi lo. Ame e ta engla ple sha angyiŋ eshri lo.