Otum 24:16 - Ohwihwim Olehe

¹⁶ Okyku eka he, ame e zga ngre omba mvye okyku o da me e wo la eso ekyle ma egi ayi ba Ahogbrẽ, pa la moarehwi.

Otum 24:16 Referans Kwoze

Otum 23:1

Oblus a ka moa la a sõ ombgu nga a lu mi le, Agimi anáŋ! Eso me e wo zhezheŋ odzudzu me egi ayi Ahogbrẽ ma-me e bli olum anye he.

1 Etimoti 1:5

Ame e jygu odaŋ he lo okyku o da oklo la o zgi esõ la e wo pse, ta la enzi ba esõ la e wo pyapyaŋ, ta la obmi ba adlidzi la o wo obilekyeŋ tsi a mbo mbo.

2 MoaOkorinti 4:2

Agi e mu eshyẽ ba anzi ekployaŋ a mbo e zga agba. Nga agi e kpo otum la obile mbo, nga agi e kŋe odlo ba Ahogbrẽ e bga ta la akpro mbo. Nga agi e dzu ayimom ba adlidzi angyiŋ egi ayi ba Ahogbrẽ, nga agi e zga gble okyku o kpo otum la aga la a wo adzadzi eso ba areyaŋ a mbo.

MoaIbrani 10:22

Agimi e da gi e ba osusku ta la Ahogbrẽ la esõ ekyekyeŋ, la obmi ba adlidzi la ofueha mbo, nga la esõ moa a ndza lo ibu enzi eyi-esõ la o lbi ba odlobi, nga la egʼba ba moa a ndza lo la amihĩ la a wo leleleŋ.

MoaOroma 2:15

Eda mo é tsa eka ba moa a ta ekplo ba odaŋ o klo eso mo. Enzi ba eso mo e tsa ba alo o wo adlidzi angyiŋ, okyku eshi aga mo a la a shrom mo ombabze, nga ombabze alo a la a tsom mo.

2 MoaOkorinti 1:12

Agi e wo la onyomegʼba ma okyku eshi enzi ba eso bi e tsa gi zhezheŋ ba esĩ ba odzudzu bi obiŋ hi ta la ekpom bi ka la gimi, e wo ibu ba ohwilesõ ta la adlidzi ba Ahogbrẽ a shri a di angyiŋ. Nga ohe lo o wo la okaobmye ba arehwĩ angyiŋ mbo, ambo alo o wo ibu ekʼpo ba okpoghwo ba Ahogbrẽ angyiŋ.

1 Ebitru 3:21

Amihĩ lo a wo ekplo la e wo egŋe ba abaptisma, nga alo angyiŋ a shla gimi ohuhuhi. Ohe lo o kpo ozhẽ ba agimi e ndza erum ba egʼba bimi angyiŋ mbo, ambo ozhẽ ba ohwihwim ba agimi e hwim la enzi ba esõ la e wo edzi ta la Ahogbrẽ. Ozhẽ ba oksongybi ba Eyesu Ekristi he lo angyiŋ, abaptisma a shri oshla a shri a da gimi.

Etitu 1:15

Ekployaŋ a mbo e wo kye pa la moa la a wo kye. Ambo ekplokyeŋ e wo kye mbo pa la moa la a wo eshre nga moa a wo la obmi ba adlidzi mbo, okyku eshi aga mo ta la enzi ba esõ mo moa a sheŋ a tpi ayi.

1 MoaOkorinti 4:4

Ame e yi ekplokyeŋ la e wo eshre eso me mbo, ambo alo o tsa ba ame e wo la akpu ma mbo angyiŋ mbo. Adigi-odne sha a kpo a gbu baŋ a sõ me ombgu.

1 Ebitru 3:16

Ambo e kpo lo la esõ ble-ble, nga e fa olbi e shri e di. Agimi e da esõ bimi e dzu kye, okyku o da moa la a dzĩ gimi nga a lu odlo ba ototno eshri ba odzudzu ba odlodzi bimi arehwĩ la e wo moarehwĩ ba Ekristi, okyku o da mo a gbu anzi pa la ayakplo moa a la a lu.

1 Ebitru 2:19

Ahogbrẽ nga á shri owlama á shri á da gimi okyku ohe lo, o wo ba agimi e la e ghwo esõ ta la ewu la e wo ozhẽ mbo, ba moa a la a kpo gimi, okyku bimi e bmi ta la okoklo baŋ.

MoaIbrani 13:18

Agimi e fa olu okyku gi ombamba pyeŋ. Agi e yi zhezheŋ ba agi e wo la enzi esõ la e wo pyapyaŋ egi ayi ba Ahogbrẽ, okyku eshi agi e la e klo o kpo ayakplo la a wo shasha angyiŋ ombamba pyeŋ.

MoaIbrani 9:14

Okyku ozhẽ he lo o wo adlidzi angyiŋ, ozhẽ ba amanzhli ba Ekristi nga a kpo ekplo la e gre eka he nzenze! Ozhẽ ba Ogbgaodzi ba gbagbu-amo, Ekristi a shri eŋa a ndba Ahogbrẽ eka oshriondba la o bli angyiŋ. Amanzhli baŋ nga á sko enzi ba esõ bi á sku otum ba ototno, okyku o da gi e hlu Ahogbrẽ la a wo la esõ ma angyiŋ eshko.

2 Etimoti 1:3

Ame e vye la Ahogbrẽ ba ame e la e kpo otum baŋ la esõ ekyle eka moadigi a mbo a kpo. Ame e vye la Ahogbrẽ ombamba pyeŋ la okyukyku ta la olulum omba ba ame e fa olu e tne aga boŋ.

1 MoaEtasolonika 2:10

Agimi angyiŋ e wo moaegŋe bi. Ahogbrẽ a mbo a wo egŋe bi. Ekployaŋ a mbo ba agi e kpo egi ayi bimi e wo kye, nga e wo shasha, nga akpu a wo ma mbo ku-ku.

1 Etimoti 3:9

O raŋ o gre ba moa a dzu moare la a kom odlo ba adlidzi ba moa a shri a ba la obmi ba adlidzi la enzi esõ la e wo pyapyaŋ.

1 Etimoti 1:19

nga o kpaŋ obmi ba adlidzi boŋ ta la enzi ba esõ la e wo pyapyaŋ. Moabze a la a kpaŋ ekplo la e wo esõ mo mbo, okyku eka he obmi ba adlidzi mo o tpi ayi.

MoaOroma 9:1

Ekplo ba ame e lu he lo e wo adlidzi. Ame e wo arehwĩ ba Ekristi angyiŋ. Ame e sheŋ akpro mbo. Enzi ba eso me, ba Ogbgaodzi o ri ekʼpo eshri lo a mbo, e lu e da me ba ame e sheŋ akpro angyiŋ mbo.

1 MoaOkorinti 10:32

Agimi e nyuŋ eshri bimi e zga adzadzi, okyku o da gimi e tpi egimi ayi pa la moaEyahuda mbo o mbo le moa la a wo moaEyahuda mbo mbo, nga agimi e tpi egimi ayi ta la Eklisiya ba Ahogbrẽ mbo.