Otum 24:10 - Ohwihwim Olehe

¹⁰ Ogomna a tsa Oblus abgo ma a lu odlo, nga Oblus a lu odlo a lu mi le, Ame e yi zhezheŋ boŋ o wo are la a sõ ombgu obiŋ hi okyku eyi oshushku. Okyku eka he ame e gno oraŋ o gre eshri okyku o tspi okyku eshri me egi ayi boŋ.

Otum 24:10 Referans Kwoze

1 Ebitru 3:15

Ambo o raŋ o gre ba agimi e fa olbi e da Ekristi esõ bimi. Nga agimi e daŋ a dzu Adigi-odne. Nga agimi e dzu la aga ombamba pyeŋ okyku o wre ayakplo o da areyaŋ a mbo la a zhĩ gimi ekplokyeŋ eshri okayiozhẽ ba agimi e wo la alo ma.

Otum 26:1

Agriba a nyuŋ Oblus a lu mi le, Ame e shri ekʼpo e doŋ okyku o doŋ o lu odlo okyku eshri boŋ. Oblus a ndba abgo baŋ nga a lu mi le,

Otum 23:24

E nyuŋ enyma e kpo okyku ba Oblus á ba a vre. Nga e shri ŋa e yi okro ogomna Efliki opyapyaŋ.

Otum 21:40

Anyuŋ-andakʼpo lo a bmi, okyku eka he Oblus a vre ambgu nga a ta moare abgo. Omba ba moare a dzu tki nga, a lu odlo la olom moaEyahuda.

Otum 19:33

Moakyeŋ a lu mi ma Alaksanda angyiŋ a da mo a shki, okyku eshi moaEyahuda a daŋ a gre ozhẽ. Okyku eka he Alaksanda a tsa abgo nga, a klo o lu odlo la o shla eshri baŋ egi ayi moare.

Otum 18:15

Ambo odlo he lo o wo eshri ayakplo ta la ashko ba odaŋ bimi angyiŋ. Okyku eka he, agimi e yi e nyuŋ lo e kpo ababgo bimi. Ame é sõ edgu ombgu hi mbo!

Otum 13:16

Oblus a kso angyeŋ nga a si abgo baŋ nga a lu mi le, Agimi anáŋ ba Esrayila pa la moa la a wo moaEyahuda mbo la a wo ahe, la e lu Ahogbrẽ ma, agimi e ngli atuŋ e gno odlo me.

Otum 12:17

A tsa mo obgo moa a dzu tki, nga a lu a da mo eka ba Ahogbrẽ a se ŋa aku. A nyuŋ mo a lu mi le, Agimi e lu e da Eyakubu ta la moanáŋ ahwõ mvye. A lu eka he a khwo nga, a gre eŋa egi ehwõ.

Oluka 18:2

A lu mi le, Oskukyeŋ are la a sõ ombgu a wo ma. A kpo eyli Ahogbrẽ mbo, nga a tsi arekyeŋ a mbo a ghwo ayi mbo.

Oluka 12:14

Eyesu a tno ma a lu mi le, Alom, ayi a shri ekʼpo a da me okyku o da me e gʼba ogu bimi agʼbaha bimi?

Oluka 12:11

Omba ba moa a shri gimi a gre anwyeakulu okyku o sõ gimi ombgu le, o mbo le omba ba moa a shri gimi a gre egi ayi moa-ogomna, o mbo le egi ayi moare la a ri ekʼpo, agimi e da eso e kpla gimi e gbu okyku ekplo bimi é ba e lu okyku o kpaŋ eshri bimi mbo.