Otum 23:11 - Ohwihwim Olehe

¹¹ Okyukyku onda he lo nga, Adigi-odne a tspi egi ayi Oblus a nyuŋ ŋa a lu mi le, Aŋo Oblus o ghwo eso! Aŋo o sheŋ o zgi egŋe me Orushalima bgu, nga aŋo ó kpo ekaka-helo Oroma.

Otum 23:11 Referans Kwoze

Otum 19:21

Ambla ba ayakplo he a kpo nga, Oblus a zga eso ba o yi Amasidoniya nga o yi Egrise, nga o bla o ba o yi Orushalima. Oblus a lu mi le, Ambla ba ame e gre a mi lo bgu le, ame é bre é yi Oroma.

Otum 18:9

Okyukyku ondakyeŋ nga, Oblus a ka okoka. Ibu okoka he lo, Adigi-odne a nyuŋ ŋa a lu mi le, O kpo eyli mbo, ambo aŋo o nyum oshpa nga o zga eso boŋ gble.

2 Etimoti 4:17

Ambo Adigi-odne a dzu pa la me nga a shri oshye a da me, nga ame e hwiŋ oshye ba o nyum oshpa mvye e ygi moa la a wo moaEyahuda mbo pyeŋ. Nga moa a shla me anyu ba émbdze.

Amatiyu 14:27

Eyesu a nyuŋ mo osho-shoŋ a lu mi le, Agimi e kpo eyli mbo, ame angyiŋ!

MoaEfilibi 1:13

Okyku eka he nga, moare la kʼpu odne ba areŋ pa la moare la a wo ahe pyeŋ, a yi ba ame e lom aku okyku ba ame e wo awaghrẽ ba Ekristi angyiŋ.

Amatiyu 9:2

Moarekyeŋ a shri alomakyeŋ la a mom egʼba, moa a shri ŋa akpakpa nga a shri a ba okro Eyesu. Eyesu a ka ba obmi ba adlidzi mo o wo la osheshye. Okyku eka he a nyuŋ alom la a mom egʼba lo a lu mi le, Anwye me, o da esõ boŋ e gbu obiŋ! Ame e kyu ŋo abgo odlobi boŋ.

Otum 22:18

Otsotsa he lo ame e ka Adigi-odne a nyuŋ me a lu mi le, O kpo shoshoŋ o kso osku ba Orushalima okyku eshi moare a bmi a yga oshpa boŋ ó ba o nyum eshri me ahe mbo.

Otum 20:22

Ohuhuhi ame e yi Orushalima eka ba Ogbgaodzi o tsa me. Ame e yi Orushalima ohuhuhi, ambo ame e yi ekplo la é ba e kpo a mi lo pa la me mbo.

Otum 2:25

Adawuda a lu odlo eshri baŋ a lu mi le, Ame e ka Adigi egi ayi me ombamba mvye, Aŋa a wo obgori me. Okyku eka he eso é ngʼba me mbo.

Eyohana 16:33

Ame e lu ohe lo e da gimi okyku o da gimi e hwiŋ opyapyaŋ ba eso okro me. O ka, obiŋ hi ó kpo gimi ewu, ambo agimi e ghwo eso! Ame e sheŋ e kpo e gre obiŋ hi bgu!

Eyohana 14:18

Ame é dzu gimi é zga ambambga mbo, ame é yi é bla e ba.

Amatiyu 28:20

Nga e nye mo e da mo a kpaŋ ekployaŋ a mbo ba ame e lu e da gimi. Nga e tne aga e ka! Ame é dzu ka la gimi ombamba pyeŋ, ma-me o tsa onda amom-abgo.

Oluka 16:28

Ame e wo la moanáŋ-alalom atno ma. O daŋ a yi a lu a da mo a nyuŋ a kpo-kpo okyku o da mo a ba okro ba ewu hi mbo.

Otum 22:15

Okyku eshi aŋo ó zgi egŋe okyku ŋa egi ayi moarehwi pyeŋ, eka ekplo boŋ o ka nga o gno.

1 MoaOkorinti 9:1

Ame e wo are la a hwile egʼba mbo? Ame e wo are la a nyum oshpa angyiŋ mbo? Ame e ka Eyesu Adigi-odne mbo? Agimi e zhiŋ okyku otum ba ame e kpo okyku Adigi-odne mbo?