Otum 23:1 - Ohwihwim Olehe

¹ Oblus a ka moa la a sõ ombgu nga a lu mi le, Agimi anáŋ! Eso me e wo zhezheŋ odzudzu me egi ayi Ahogbrẽ ma-me e bli olum anye he.

Otum 23:1 Referans Kwoze

Otum 24:16

Okyku eka he, ame e zga ngre omba mvye okyku o da me e wo la eso ekyle ma egi ayi ba Ahogbrẽ, pa la moarehwi.

2 Etimoti 1:3

Ame e vye la Ahogbrẽ ba ame e la e kpo otum baŋ la esõ ekyle eka moadigi a mbo a kpo. Ame e vye la Ahogbrẽ ombamba pyeŋ la okyukyku ta la olulum omba ba ame e fa olu e tne aga boŋ.

2 MoaOkorinti 1:12

Agi e wo la onyomegʼba ma okyku eshi enzi ba eso bi e tsa gi zhezheŋ ba esĩ ba odzudzu bi obiŋ hi ta la ekpom bi ka la gimi, e wo ibu ba ohwilesõ ta la adlidzi ba Ahogbrẽ a shri a di angyiŋ. Nga ohe lo o wo la okaobmye ba arehwĩ angyiŋ mbo, ambo alo o wo ibu ekʼpo ba okpoghwo ba Ahogbrẽ angyiŋ.

MoaIbrani 13:18

Agimi e fa olu okyku gi ombamba pyeŋ. Agi e yi zhezheŋ ba agi e wo la enzi esõ la e wo pyapyaŋ egi ayi ba Ahogbrẽ, okyku eshi agi e la e klo o kpo ayakplo la a wo shasha angyiŋ ombamba pyeŋ.

1 MoaOkorinti 4:4

Ame e yi ekplokyeŋ la e wo eshre eso me mbo, ambo alo o tsa ba ame e wo la akpu ma mbo angyiŋ mbo. Adigi-odne sha a kpo a gbu baŋ a sõ me ombgu.

Otum 22:5

Anyuŋ-andakʼpo olu ba Ahogbrẽ pa la moa la a sõ ombgu mvye, moa a yi ba ame e lu adlidzi angyiŋ. Ame e yga akpekpa ba moa a ta a kom moanáŋ ba Eyahuda la a wo Adamasku. Okyku eka he ame e gre a mi lo okyku o vu moa la a lu ozhẽ he lo nga e ta mo aslika nga e shri mo e ba Orushalima okyku o da mo a kpo mo ewu.

2 MoaOkorinti 4:2

Agi e mu eshyẽ ba anzi ekployaŋ a mbo e zga agba. Nga agi e kpo otum la obile mbo, nga agi e kŋe odlo ba Ahogbrẽ e bga ta la akpro mbo. Nga agi e dzu ayimom ba adlidzi angyiŋ egi ayi ba Ahogbrẽ, nga agi e zga gble okyku o kpo otum la aga la a wo adzadzi eso ba areyaŋ a mbo.

Otum 23:6

Omba ba Oblus a yi ba moakyeŋ eshki lo a wo moaEsaduki, nga moakyeŋ a wo moaEfarisi, a nyuŋ moa la a sõ ombgu a lu mi le, Agimi anáŋ! Ame e wo a ba Efarisi anwye moaEfarisi. Moa a sõ me ombgu hi okyku ba ame e bmi ba adlidzi moa la a kpu á ba a sa á kso!

1 Ebitru 3:16

Ambo e kpo lo la esõ ble-ble, nga e fa olbi e shri e di. Agimi e da esõ bimi e dzu kye, okyku o da moa la a dzĩ gimi nga a lu odlo ba ototno eshri ba odzudzu ba odlodzi bimi arehwĩ la e wo moarehwĩ ba Ekristi, okyku o da mo a gbu anzi pa la ayakplo moa a la a lu.

Otum 22:30

Anyuŋ-andakʼpo moanwyeakyuŋ a klo a ka eshyẽ ekplo la e da moaEyahuda a la a kpo Oblus ewu okyku lo. Okyku eka he a da mo a ngla aslika lo a sku Oblus, nga a da mo a bzi moandakʼpo olu ba Ahogbrẽ pa la moandakʼpo ba akuombgu, okyku o da mo a shki eshki. Anyuŋ-andakʼpo moanwyeakyuŋ a da Oblus a kso a tspi egi ayi mo.

Otum 6:15

Moadakʼpo la a sõ ombgu mvye nga, moa a nyom ayi a ka Estifanu, nga moa a ka ayi baŋ a shka ayi leleleŋ eka ayi ba anwyeadga ba Ahogbrẽ.

Otum 22:1

Agimi arealom pa la moanáŋ, pa la moadigi, agimi e ngli e gno odlo ba ame e lu e da gimi!

Amatiyu 5:22

Ambo ohuhuhi ame e lu e da gimi, areyaŋ a mbo la a kpo olom ta la anáŋ, moa á sõ ŋa ombgu, nga areyaŋ a mbo la a bzi anáŋ ma Arehwĩ ba ototno, moa á shri ŋa á yi egi ayi moandakʼpo. Nga areyaŋ a mbo la a bzi anáŋ ma Adro ba ototno, a wo oyla baŋ á yi enzheovo.

Otum 23:15

Okyku eka he, agi e klo bimi pa la moa la a sõ ombgu, e hom otum okro anyuŋ-andakʼpo moanwyeakyuŋ ba Oroma, okyku o daŋ a da Oblus a ba. Agimi e lu eka bimi e klo e mbli odlo lo e ka adzadzi. Ambo agi é hwim okyku o bga ŋa omba baŋ á ba.

Otum 23:20

Anwye lo a tno ma a lu mi le, MoaEyahuda a hwim moa á ba a doŋ o da Oblus a yi akuombgu okyku o da mo a mbli odlo baŋ a ka adzadzi.

Otum 23:28

Ame e mbi e klo e yi e ka ekplo la e kpo nga moa a vu Oblus, okyku eka he ame e shri ŋa e gre akuombgu mo.