Otum 22:12 - Ohwihwim Olehe

¹² Alomakyeŋ a wo ma eshko baŋ e ri Ahananiya. A wo are la a lu Ahogbrẽ ma adzadzi, nga a la a kpaŋ odaŋ Ahogbrẽ. MoaEyahuda pyeŋ la a wo Adamasku a la a ka ŋa la olbi.

Otum 22:12 Referans Kwoze

Otum 10:22

Moa a tno ma a lu mi le, Andakʼpo Okoniliyu angyiŋ a hom gi otum. Aŋa a wo arehwĩ adzadzi angyiŋ. Aŋa a la a hlu Ahogbrẽ eshko, nga moaEyahuda a fa olbi a daŋ nzenze. Anwyeadga ba Ahogbrẽ a nyuŋ ŋa a lu mi ma aŋa a bzi ŋo okyku o doŋ o ba o yi odne baŋ, okyku o doŋ o lu ekplo la e wo ma o daŋ a gno.

Otum 6:3

Okyku eka he, agimi anáŋ, o raŋ o gre bimi e sla moanáŋ afoha, moa la ba Ogbgaodzi o kpo otum pa la mo, nga a wo la okaobmye ma. Agi e da moahi lo angyiŋ á ba a kpo otum o gʼba anzho lo.

3 Eyohana 1:12

Areyaŋ a mbo a la a tsom Edemetriyu. Adlidzi a mbo ababgo baŋ a lu odlo la o wo odzi eshri baŋ. Nga agi a mbo e sa e ta egŋe bi e pu ma. Agimi e yi ba ekplo ba agi e lu he lo e wo adlidzi angyiŋ.

MoaIbrani 11:2

Moarehwĩ ba ogbyi, Ahogbrẽ a bmi pa la mo okyku obmi ba adlidzi ba moa a wo la alo ma angyiŋ.

1 Etimoti 3:7

O raŋ o gre baŋ a wo are ba moare la a wo Eklisiya mbo a ka ŋa la olbi, okyku o da mo a ta ŋa anzi nga a daŋ a tsi a gbu amgbaŋ ba Eshitaŋ mbo.

2 MoaOkorinti 6:8

Moa a la a ka gi la ekekʼpo, nga moa a la a sa a ta gi anzi. Nga moa a dzĩ gi nga moa a tsom gi. Moa a la a kpo ka la gi eka bi e wo moa la a sheŋ akpro, ambo agi e la e lu adlidzi.

Otum 17:4

Moakyeŋ eshki mo moa a bmi ba adlidzi nga moa a lu Oblus ta la Esila ma. Moa-Egrise la a hlu Ahogbrẽ eshko, ta la moashe moandakʼpo a mbo a lu mo ma.

Otum 8:2

Moare la a bmi ba adlidzi la a ra angyiŋ a ngybi Estifanu. Moa a wu okũ nzenze okyku ŋa.

Oluka 2:25

Alomakyeŋ a la a dzu Orushalima, eshko baŋ e ri Esimiyo. A wo arehwĩ ba eda edzi, nga a wo are la a kpo eyli Ahogbrẽ. A ka ayi ozhẽ okyku omba ba moaEsrayila á ba a hwiŋ oshla. Ogbgaodzi o wo ka la ŋa.