Otum 21:8 - Ohwihwim Olehe

⁸ Agi e kso ahe lo nga onda oha agi e gbu Esizariya. Agi e gre odne ba alom la a nyum oshpa, moa a bzi ŋa Efilibu. Agi e tum odne baŋ angyiŋ. Aŋa a wo eshki moarehwi afoha moa a sla Orushalima.

Otum 21:8 Referans Kwoze

Otum 6:5

Moa-eshki mvye moa a gno oraŋ ta la ohwihwim moa la a nyum oshpa a shri a ba lo. Okyku eka he moa a sla Estifanu, aŋa a wo la obmi ba adlidzi ma, nga a bli la Ogbgaodzi. Nga moa a sa a sla Efilibu, ta la Opokro, ta la Enikano, ta la Etimo, ta la Apamina, ta la Eniklo la a zgi Antakiya. Alom he lo a wo a ba Eyahuda mbo, ambo aŋa a zhiŋ a sõ ozhẽ moaEyahuda.

MoAfisu 4:11

Aŋa angyiŋ a shri okpogbu a shri a da moare. A sla moakyeŋ okyku o da mo a nyum oshpa. Moakyeŋ nga okyku o da mo a dzu moarehwĩ ba Ahogbrẽ a hom mo otum. Moakyeŋ nga okyku o da mo a dzu anwye esku nga a nyum oshpa. Moakyeŋ nga okyku o da mo a dzu moa-opasto. Moakyeŋ okyku o da mo a dzu moa la a nye moare engla.

2 Etimoti 4:5

Ambo aŋo, o vu eŋo o ghwo ozhẽyaŋ a mbo. Aŋo o ta esõ boŋ akpyli, nga o kpo eka ba are la a nye moare Oshpaodzadzi he lo, nga o kpo otum boŋ pyeŋ eka ba awaghrẽ ba Ahogbrẽ.

Otum 28:16

Omba ba agi e gbu Oroma, moa a bmi ba Oblus a dzu eŋa-ŋa. Anwyeakyuŋ a la a kʼpu ŋa.

Otum 16:13

Onda Asabat nga, agi e zgi e gre akaŋ ondzu. Agi e la e ka ma agi e hwiŋ anwyeakulu moaEyahuda ma. Agi e dzu obiŋ e lu odlo pa la moashe la a pla a shki ahe lo.

Otum 16:10

Ambla ba Oblus a ka okoka he lo nga, agi e vu anzho abgo e khwo nga e gre Amasidoniya. Agi e ka tki, Ahogbrẽ a klo bi e yi e nyum Oshpaodzadzi e ygi moarehwi ba Amasidoniya.

Otum 9:30

Omba moanáŋ a gno eka he nga, moa a sko Eshawlu a gre Esizariya nga moa a shri ŋa a gre Atarsu.

Otum 28:11

Ambla ba eha etra nga, agi e gre amgblami la a zgi Alaksandriya, moa a bzi lo ma Ahogbrẽ ba Ahli. Alo a tspi anwye-obiŋ lo omba ba ogbga o bʼbu.

Otum 27:1

Omba ba moa a hwim ba agi é ba e yi obiŋ ba Etali nga moa a shri Oblus pa la moaprusuna ahwõ, a shri a ghwo abgo ba Ojuliyo, andakʼpo moanwyeakyuŋ ba Oroma ba ogʼba moa a bzi lo ma Ogʼba ba Ekeza.

Otum 23:23

Anyuŋ-andakʼpo moanwyeakyuŋ a bzi moandakʼpo moanwyeakyuŋ aha a nyuŋ mo a lu mi le, Agimi e sla moanwyeakyuŋ endgaeha okyku moa á ba a yi Esizariya, ta la ényma ekʼpoefoha, pa la moa la a ta etazhi endgaeha. Agimi e nyuŋ e kpo bimi é ba e kso amgbaŋ atronyi okyukyku hi.

Otum 20:13

Agi e gre amgblami e zgi Otrosa e gre Aso. Oblus a dzi ka la a gi mbo. Agi e gre e yi e sko ŋa osku ba Aso. A da gi e gre amgblami nga, aŋa a dzi adga.

Otum 20:6

Agi e gre amgblami osku ba Efilibi ambla bi e ri Abgo ba Agbrotsa la a nyom mbo. Ambla ba elum etno nga agi e yi e hwiŋ mo osku ba Otrosa. Agi e kpo asati akyeŋ ahe lo.

Otum 18:22

Omba baŋ a gbu Esizariya, a gre Orushalima nga, a shko Eklisiya ahe lo. A zgi ahe lo, a gre Antakiya.

Otum 16:16

Ondakyeŋ nga, omba bi e yi okro o fa olu, agi e ri e sheŋ anwyeshekyeŋ la a wo awaghrẽ ozhẽ. Ogbgabi o la o kpo otum ka la ŋa nga aŋa a la a ka akikiyi. Aŋa a la a hwiŋ amgbaŋ nzenze a la a shri a da moadaŋ-odne okyku eha baŋ la a klo.

Otum 10:1

Osku ba Esizariya, alomakyeŋ a wo ma, eshko baŋ e ri Okoniliyu. Aŋa a wo akapteŋ ba ogʼba moanwyea-kyuŋ ba Oroma. Moa a bzi mo ma, Moanwyeakyuŋ ba ogʼba Etaliya.

Otum 21:16

Moanwyeotumakyeŋ a zgi Esizariya a gre Orushalima ka la gi. Moa a shri gi a gre odne alom ba agi e yi e tum odne baŋ. Eshko alom lo e ri Emanasoŋ. Aŋa a wo a ba Esapru. Aŋa a bmi ba adlidzi ogbyigbyi a mo.