Otum 21:11 - Ohwihwim Olehe

¹¹ A ba okro bi nga a ngla ashye akpa ba Oblus a bʼbu adga baŋ ta la abgo baŋ nga a lu mi le, Ogbgaodzi o lu mi ma are ashye akpa hi, ma moaEyahuda Orushalima á vu ŋa á bʼbu eka he nga moa á shri ŋa á da moa la a wo moaEyahuda mbo.

Otum 21:11 Referans Kwoze

Otum 21:33

Anyuŋ-andakʼpo a gre keŋ nga a vu Oblus, nga a da mo a bʼbu ŋa la aslika aha. Ambla he nga a zhĩ a lu mi le, Alom he lo a wo ayi angyiŋ? Aŋa a kpo eshi?

Otum 20:23

Ekplokyekyeŋ ame e yi, oskuyaŋ a mbo Ogbgaodzi o la o tsa me o lu ma aslika, ta la ewu, ma moa a dzu a bli me.

1 Ebitru 1:12

Ahogbrẽ a tsa moarehwĩ baŋ a hom mo otum. A lu ma otum mo lo o wo okyku ohwihwiŋ ba eshri mo angyiŋ mbo. Ma alo o wo okyku gimi angyiŋ. Moa a lu eka he lo angyiŋ eshri ba adlidzi ba agimi e gno ohuhuhi. Moa la a tsa gimi adlidzi lo, moa a wo moanwyeadga ba Oshpaodzadzi, nga moa a lu odlo lo la ekʼpo ba Ogbgaodzi la o zgi Ongyeŋ angyiŋ o ba. Moanwyeadga ba Ahogbrẽ a mbo a klo o ka adlidzi he lo o bmye.

MoaIbrani 10:34

Agimi e kpo ewu eka moa-oprusuna. Nga omba ba moa a ngʼga gimi anzho a mbo agimi e ghwo egimi esõ nga e dzu la esõ ekyle. Okyku eshi agimi e yi e wo la ayakplo la a wo owlama a gre mi ma. Ayakplo he lo á dzu ma gbagbu-amo.

MoaIbrani 3:7

Ogbgaodzi ba Ahogbrẽ o lu mi le, O wo bimi e gno enzi ba Ahogbrẽ anye he,

2 Etimoti 2:9

Okyku ba ame e la e nyum Oshpaodzadzi he lo angyiŋ, ewu he e hwiŋ me. O ka, moa a ta me aslika eka ba ame e gre abgo. Ambo odlo ba Ahogbrẽ lo o wo aslika lo ko mbo.

MoAfisu 6:20

Ame e wo oprusuna ohuhuhi okyku ba ame e wo arelatspi okyku Oshpaodzadzi he lo angyiŋ. Ame e vẽ gimi okyku o da gimi e fa olu okyku o da me e hwiŋ oshye ba o nyum oshpa he lo la osheshye eka ba alo o raŋ o gre ba ame e nyum oshpa lo.

MoAfisu 4:1

Ame la e wo oprusuna okyku ba ame e kpo otum okyku Adigi-odne angyiŋ e la e shĩ gimi, okyku o da gimi e dzu la odzudzu ba Ahogbrẽ a shri a zga omba baŋ a bzi gimi.

MoAfisu 3:1

Okyku okũ he lo, ame Oblus la e wo oprusuna ba Ekristi Eyesu okyku gimi la e wo moaEyahuda mbo, ame e la e vẽ Ahogbrẽ.

Otum 28:25

Moa a zhiŋ ogbu nga, moa a la a kla odlo ta la emo ambla ba Oblus a lu mi le, Alo o wo eka he lo angyiŋ. Ogbgaodzi o tsa Eshaya arehwĩ ba Ahogbrẽ a hom otum o daŋ a lu pa la moadigi.

Otum 28:20

Okyku eka he angyiŋ ame e da mo a bzi gimi okyku o da me e lu odlo ka la gimi. Moa a ta me aslika he okyku are ba moarehwi ba Esrayila a ka ayi ozhẽ okyku ŋa.

Otum 28:17

Ambla ba elum etra nga, Oblus a bzi moaEyahuda moa la a wo moandakʼpo, a da mo a ba a shki. Ambla ba moa a ba a shki a khwo nga, a nyuŋ mo a lu mi le, Agimi anáŋ! Ame e kpo moarehwi bi akplokyeŋ mbo, nga ame e tla odzudzu bi e yga okro moadigi mbo, ambo moa a vu me Orushalima nga a shri me a da moaOroma.

Otum 26:29

Oblus a tno ma a lu mi le, O wo ba alo o wo ela omba sha a mbo, o mbo le o wo ba alo o wo omba nzenze a mbo, olu me okro Ahogbrẽ o wo okyku o da areyaŋ a mbo la a gno odlo me anye he, a zhiŋ a dzu eka ba ame e wo he. Ambo ekplo ekyekyeŋ, aslika la a wo abgo me he dne!

Otum 24:27

Ambla ba eyi eha e bre nga, Obosiyo Efestu a nyiŋ a dzu ogomna. Omba ba Efliki a kyu otum abgo, a klo o raŋ moaEyahuda eso, okyku eka he a dzu Oblus a zga aku.

Otum 22:25

Ambla moa a bʼbu ŋa endzi a khwo nga, moa á ba a yla ŋa nga, Oblus a nyuŋ andakʼpo la a tspi okro lo a lu mi le, O boŋ o ka, alo o wo shasha angyiŋ moa a bga arehwĩ ba Oroma andzu eka he? Moa a ka a sõ ŋa ombgu a mbo mbo nga moa a hwiŋ ŋa la akpu mbo.

Otum 16:6

Moa a sõ egʼba obiŋ ba Efragiya ta la Egalasiya, Ogbgaodzi o bmi o da mo a nyum oshpa obiŋ ba Asiya ku-ku mbo.

Otum 13:2

Omba moa a la a hlu Ahogbrẽ eshko nga moa a nyom eshri mo algo, Ogbgaodzi o nyuŋ mo o lu mi le, Agimi e sla Abarnaba ta la Eshawlu e zga agba okyku otum ba ame e bzi mo okyku lo.

Otum 9:16

Nga, ame é tsa ŋa ewu baŋ á ba a kpo okyku me.

Eyohana 18:1

Ambla ba Eyesu a fa olu a khwo, aŋa ta la moanwyeotum baŋ moa a bmyi ongre ba ehwlo ba Ekidro. Agbi a wo ahe lo. Eyesu pa la moanwyeotum baŋ moa a gre lo.

Otum 8:29

Ogbgaodzi o nyuŋ Efilibu o lu mi le, O yi osusku ta la amato-enyma lo.

Otum 21:4

Agi e hwiŋ moa la a bmi ba adlidzi ahe lo. Agi e dzu pa la mo okyku asati akyeŋ. Ekʼpo Ogbgaodzi o tsa mo o da mo a nyuŋ Oblus ma a yi Orushalima mbo.

1 Etimoti 4:1

Ogbgaodzi o lu zhezheŋ o lu ma moabze á tla ozhẽ ba Eyesu omba ba amom-abgo. Nga moa á fa olbi á da egbgabi la e sheŋ akpro, nga moa á yga onyenye ba ábili.