Otum 20:4 - Ohwihwim Olehe

⁴ Esopate, anwye Ebiru, aŋa a zgi Eberiya. Aristaku, ta la Esakundu, moa a zgi Etasolonika, moa a gre ka la ŋa. Egayu a zgi Edabe, Etimoti, ta la Etikiku, ta la Otrofimu moa a zgi obiŋ ba Asiya. Moahi lo a mbo a gre ta la Oblus.

Otum 20:4 Referans Kwoze

Otum 19:29

Odlo he lo o kso eso moare osku lo mvye. Moare a gre a yi a vu Egayu, ta la Aristaku. Moaha he lo a wo moarehwi ba Amasidoniya angyiŋ. Moa a la a dzi ta la Oblus. Moa a vu mo a shri a gre anyuŋ aku moa a la a shki ma.

2 Etimoti 4:20

Erastu a ra a dzu Okorinti, nga ame e dzu Otrofimu e zga Emilatu okyku eshi aŋa a wo oshye mbo.

MoAfisu 6:21

Etikiku la a wo anigi ba adlidzi, aŋa nga a wo awaghrẽ ba adlidzi ibu otum ba Adigi-odne. Aŋa á shri oshpa ekployaŋ a mbo eshri me á shri á da gimi okyku o da gimi e yi eka ba ame e wo otum he lo e la e kpo.

Etitu 3:12

Omba ba ame e hom Atema o mbo le Etikiku otum okro boŋ le, o zga gble o ba o ka me osku ba Enikapoli. Ame e zga esõ ba o dzu ahe lo omba ba afpe.

2 Etimoti 4:12

Ame e hom Etikiku otum e daŋ a gre Afisu.

MoaOkolosi 4:7

Anigi ba moa a bzi ŋa ma Etikiku, a wo anwye-odne ba adlidzi angyiŋ. Aŋa a la a kpo otum ba Adigi-odne otsotse pa la me. Aŋa á shri oshpa me á shri á da gimi.

Otum 21:29

Moa a lu eka he okyku eshi moa a ka Otrofimu alomakyeŋ la a zgi Afisu a ba ta la Oblus otsotse Orushalima. Moa a la a ka ma o dzu mbo, ma Oblus a shri alom lo a gre Anyuŋ-akulu eshyẽ.

Otum 16:1

Oblus a gre Edabe ta la Elistra. Alomakyeŋ la a bmi ba adlidzi a wo Elistra, eshko baŋ e ri Etimoti. Anaŋ a wo a ba Eyahuda, nga aŋa a bmi ba adlidzi. Ambo adaŋ a wo a ba Egrise.

Otum 14:6

Omba moa la a nyum oshpa a gno eka he a khwo nga, moa a knye a gre Elistra, ta la Edabe, obiŋ ba Elakoniya ta la akekaŋ ba obiŋ hi lo.

MoaOkolosi 4:10

Aristaku la a wo aku pa la me, a shko gimi. Amarku a mbo la a wo akha Abarnaba a shko gimi. Moa a sheŋ a tsa gimi ayakplo eshri baŋ okyku o da gimi e yga ŋa o wo baŋ a ba.

3 Eyohana 1:1

Akpa he lo a zgi abgo ba Andakʼpo, A yi abgo ba Egayu, arehwĩ ba ame e klo ŋa nzenze.

Efilimo 1:24

Moa la a kpo otum pa la me otsotse moa a ri Amarku, ta la Aristaku, ta la Edema, ta la Oluka. Moa pyeŋ a shko ŋo.

2 Etimoti 1:2

Aŋo Etimoti, anwye me ba ame e klo ŋo, Ahogbrẽ la a wo Adigi, ta la Ekristi Eyesu Adigi-odne a shri okpoghwo ta la okayiekŋe, ta la opyapyaŋ a doŋ.

1 Etimoti 1:1

Akpa he lo a zgi abgo me Oblus, are la a nyum oshpa ba Ekristi Eyesu la okoklo ba Ahogbrẽ la a wo Areoshla bi ta la Ekristi Eyesu la a wo okayiozhẽ bi.

MoaEfilibi 2:19

Ame e ka ayi ozhẽ ibu ba Adigi-odne Eyesu baŋ á da me e hom Etimoti otum okro bimi ambla fi, okyku o da oshpa ba odzudzu bimi o shri oshye-esõ o shri o da me.

2 MoaOkorinti 1:19

Okyku eshi Eyesu Ekristi la a wo Anwye ba Ahogbrẽ, ba Esila ta la Etimoti ta la me, bi e nyum oshpa baŋ egi ayi bimi, Ekristi a wo are la a wo obibmi ta la ototla angyiŋ mbo. Ambo aŋa a wo obibmi ba Ahogbrẽ angyiŋ.

2 MoaOkorinti 1:1

Akpa he lo a zgi abgo ba Oblus are la a nyum oshpa ba Ekristi Eyesu, eka ba Ahogbrẽ a sheŋ a sla. Akpa he lo a zgi abgo ba Etimoti anigi bubgu. Alo a wo okyku Eklisiya ba Ahogbrẽ osku ba Okorinti, pa la moarehwi ba Ahogbrẽ la a wo obiŋ ba Egrise.

MoaOroma 16:23

Adime-odne la a ri Egayu, aŋa arehwĩ ba Eklisiya la e shki eshki odne baŋ, aŋa a mbo a shko gimi. Erastu la a wo are la a shri amgbaŋ a zga ba osku lo ta la anigi Ekwatu, moa a shko gimi. [

MoaOroma 16:21

Etimoti, are la a la a kpo otum pa la me a la a shko gimi. Nga Olusiyu a mbo, ta la Ejasoŋ, ta la Ososibita, moa a shko gimi. Moahi lo moa a wo moaEyahuda angyiŋ.

Otum 27:2

Agi e gre amgblami ba Adramitiyum. Amgblami lo a wo ozhẽ ba o yi anyu-ami andandandim ba obiŋ ba Asiya, nga a ba o yi oyi. Alo-makyeŋ moa a bzi ŋa ma Aristaku, aŋa a wo a ba obiŋ ba Amasidoniya. Aŋa a zgi Etasolonika. A wo ka la gi.

Otum 17:1

Moa a kso Efilibi nga, moa a gre Amfiboli ta la Apoloniya, nga moa a bre a gre Etasolonika. Ahe lo anwyeakulu moaEyahuda a wo ma.

Otum 14:20

Ambo omba moanáŋ a ba a ta ŋa a kpaŋ nga, a kso nga a bla a gre osku eshyẽ. Onda oha nga Oblus ta la Abarnaba, moa a gre Edabe.

Otum 2:9

Agi e zgi Apatiya, ta la Emediya, ta la Elam, ta la Emesopataniya, ta la Eyahuda, ta la Akapadokiya, ta la Obontu, ta la Asiya,

Otum 16:6

Moa a sõ egʼba obiŋ ba Efragiya ta la Egalasiya, Ogbgaodzi o bmi o da mo a nyum oshpa obiŋ ba Asiya ku-ku mbo.

Otum 17:13

Ambo omba moaEyahuda la a wo osku ba Etasolonika a gno eka ba Oblus a nyum oshpa ba Ahogbrẽ osku ba Eberiya nga, moa a knye a ba nga moa a som eshki ayi.

Otum 20:16

Oblus a klo a sõ osusku ta la Afisu okyku o daŋ a tpi omba ayi obiŋ ba Asiya mbo. Aŋa a kpo omvro okyku o daŋ a gbu Orushalima shoshoŋ. A klo okyku o daŋ a gbu onda ba Epentakos.

Otum 20:18

Omba moa a ba nga a nyuŋ mo a lu mi le, Agimi e sheŋ e yi eka ame e kpo otum ka la gimi omba ba ame e wo obiŋ ba Asiya.