Otum 2:9 - Ohwihwim Olehe

⁹ Agi e zgi Apatiya, ta la Emediya, ta la Elam, ta la Emesopataniya, ta la Eyahuda, ta la Akapadokiya, ta la Obontu, ta la Asiya,

Otum 2:9 Referans Kwoze

1 Ebitru 1:1

Akpa he lo a zgi abgo ba Ebitru, are la a nyum oshpa ba Eyesu Ekristi. Akpa he lo a wo okyku moarehwĩ ba Ahogbrẽ a sla mo. Moa a som ayi okyku ewu, nga moa a gre a yi a dzu moazhẽ egʼba ebiŋ ba Obontu, ta la Egalasiya, ta la Akapadokiya, ta la Asiya, ta la Ebitaniya.

Otsotsa 1:4

Akpa he lo a zgi abgo ba Eyohana a yi abgo ba moaEklisiya efoha ba egʼba obiŋ ba Asiya. Okpoghwo ta la opyapyaŋ la o zgi okro ba Ahogbrẽ o ba, o dzu o bimi. Ahogbrẽ he lo angyiŋ a wo ma ohuhuhi, nga aŋa angyiŋ a wo ma ayga, nga aŋa angyiŋ á ba a ba. Okpoghwo ta la opyapyaŋ he lo nga o zgi okro ba egbga efoha la e wo egi ayi ba emgbakyiŋ oreŋ ba Ahogbrẽ a mbo,

2 Etimoti 1:15

Aŋo o yi eka ba areyaŋ a mbo obiŋ ba Asiya a tla me a ta ambambga. Efijilu ta la Ehemojeni a mbo, moa a tla me a ta.

Otum 18:2

Ahe lo aŋa a hwiŋ alom ba Eyahuda moa a bzi ŋa ma Akila. Moa a mbre ŋa obiŋ ba Obuntu. Aŋa a zgi Etali a ba ta la ashe baŋ moa a bzi ŋa Ebriskila. Moa a zgi Etali okyku eshi anyuŋ-areŋ moa a bzi ŋa ma Ekladiya a kyku moaEyahuda la a wo obiŋ ba Oroma mvye. Oblus a gre a yi a ka mo.

Otum 16:6

Moa a sõ egʼba obiŋ ba Efragiya ta la Egalasiya, Ogbgaodzi o bmi o da mo a nyum oshpa obiŋ ba Asiya ku-ku mbo.

Otum 19:10

Moa a kpo eka he lo okyku eyi eha. Okyku eka he moare la a wo obiŋ ba Asiya mvye, moaEyahuda pa la moa la a wo moaEyahuda mbo, moa a ba okyku o gno odlo Ahogbrẽ.

Otum 6:9

Ambo moarekyeŋ ba akulu moa a bzi lo ma Moarehwi moa a Shla mo a wo ma. Eshki mo, moaEyahuda la a zgi Esirini ta la Alaksandriya moa a wo a ba akulu he lo. Moahi lo pa la moaEyahuda la a zgi Esilisiya, ta la Asiya moa a zga esi o kla odlo ta la Estifanu.

Otsotsa 1:11

E lu mi le, Aŋo o ta ayakplo boŋ o ka, ambla he nga o shri akpa he lo o shri o kom moaEkilisiya efoha he lo. Moa a wo osku ba Afisu, ta la Esemana, ta la Epegamum, ta la Etatira, ta la Esadi, ta la Efiladelfiya, ta la Eladosiya.

2 MoaOkorinti 1:8

Agimi anáŋ, agi e klo e dzũ gimi okyku edgu ewu ba agi e kpo ogʼba obiŋ ba Asiya angyiŋ. Ewu ba moa a kpo gi e wo egagre nga e lbi e gre eshri. Okyku eka he agi e wo la okayiozhẽ ba o dzu ma la eso mbo.

1 MoaOkorinti 16:19

MoaEklisiya pyeŋ ba ogʼba obiŋ ba Asiya moa a shko gimi. Akila ta la Ebriskila, ta la Eklisiya la a la a shki eshki odne mo, moa a shko gimi la oshko adlidzi ba Ekristi.

MoaOroma 16:5

Ame e shko Eshki ba Ekristi la e shki odne mo a mbo. Ame e shko akyemeazba ba adlidzi, Ebanitu. Aŋa angyiŋ a wo arehwĩ ba ori la a bmi ba adlidzi ta la Ekristi ogʼba obiŋ ba Asiya.

Otum 20:18

Omba moa a ba nga a nyuŋ mo a lu mi le, Agimi e sheŋ e yi eka ame e kpo otum ka la gimi omba ba ame e wo obiŋ ba Asiya.

Otum 20:16

Oblus a klo a sõ osusku ta la Afisu okyku o daŋ a tpi omba ayi obiŋ ba Asiya mbo. Aŋa a kpo omvro okyku o daŋ a gbu Orushalima shoshoŋ. A klo okyku o daŋ a gbu onda ba Epentakos.

Otum 19:31

Moandakʼpo ba obiŋ lo la a wo moakyeŋazba a mbo, moa a hom otum a shri a kom ŋa ma aŋa a yi aku lo mbo.

Otum 19:27

Okyku eka he otum bi hi, ó kpo ó tsi ó gbu. Nga o dzu mbo, aku olo ba ahogbrẽ Atami, á dzu ekplokyeŋ nga mbo, nga ekʼpo baŋ é kpu. Moarehwi ba obiŋ ba Asiya ta la obiŋ hi pyeŋ moa a la a hlu ahogbrẽ he lo eshko!

Otum 7:2

Estifanu a tno ma a lu mi le, Agimi anáŋ ta la agimi adigi! Agimi e ngli e gno odlo me! Ahogbrẽ ba esesla a ba okro Adigi Ebrahim omba baŋ a wo obiŋ ba Emesopataniya ayga Ebrahim a kso a gre Aharaŋ.

Otum 2:8

Moa a kpo anyu a gno elom bi mvye?

Otum 20:4

Esopate, anwye Ebiru, aŋa a zgi Eberiya. Aristaku, ta la Esakundu, moa a zgi Etasolonika, moa a gre ka la ŋa. Egayu a zgi Edabe, Etimoti, ta la Etikiku, ta la Otrofimu moa a zgi obiŋ ba Asiya. Moahi lo a mbo a gre ta la Oblus.

Otum 21:27

Omba ba elum efoha e wo osusku obibli a mo nga, moa-Eyahudakyeŋ ba obiŋ ba Asiya, moa a ka Oblus Anyuŋ-akulu. Moa a shri ambgu a ba eshki nga moa a vu Oblus.

Otum 24:18

Omba ba ame e kpo eka he lo angyiŋ, moa a hwiŋ me Anyuŋ-akulu, ambla ba ame e sheŋ e kpo abgo o nglo eshrlu o khwo bgu. Ambo moarekyeŋ a wo pa la me mbo, nga moa a kpo ambgu mbo.

Otum 27:2

Agi e gre amgblami ba Adramitiyum. Amgblami lo a wo ozhẽ ba o yi anyu-ami andandandim ba obiŋ ba Asiya, nga a ba o yi oyi. Alo-makyeŋ moa a bzi ŋa ma Aristaku, aŋa a wo a ba obiŋ ba Amasidoniya. Aŋa a zgi Etasolonika. A wo ka la gi.