Otum 2:4 - Ohwihwim Olehe

⁴ Moa mvye a bli la Ogbgaodzi, nga moa a lu elom andandandim. Ogbgaodzi lo angyiŋ o shri ekʼpo he lo o da mo.

Otum 2:4 Referans Kwoze

Amarku 16:17

Moa la a bmi ba adlidzi á hwiŋ ekʼpo ba Ogbgaodzi okyku o se egbgabi eshko me, nga moa á lu elom andandandim.

Otum 13:52

Moanwyeotum la a wo Antakiya a gno oraŋ a gre eshri. Ahogbrẽ nga a bli mo la Ogbgaodzi.

Otum 4:31

Ambla moa a fa olu a khwo nga, okro moa a shki ma lo o suŋ. Ahogbrẽ a bli mo la Ogbgaodzi nga moa a nyum oshpa Ahogbrẽ la oshye-esõ.

MoAfisu 5:18

Agimi e da owowa o kpo gimi ayi mbo. Alo ó tpi gimi ayi sha angyiŋ. Ambo e da Ogbgaodzi angyiŋ o bli gimi.

1 MoaOkorinti 12:10

Ogbgaodzi nga o shri ekʼpo ba o kpo ayakplo ba egbregbre angyiŋ o shri o da areabze, nga o shri okpogbu ba o nyum oshpa ba Ahogbrẽ o shri o da areabze. Nga Ogbgaodzi o shri ekʼpo ba o gʼba edgu okpogbu la o wo o ba Ogbgaodzi ta la okpogbu la o wo o ba Ogbgaodzi mbo. Ogbgaodzi o shri okpogbu ba o lu odlo la elom andandandim o shri o da areabze, nga o shri okpogbu ba o zhiŋ odlo he lo o shri o da areabze.

Eyohana 14:26

Okpoghwo la o wo Ogbgaodzi ba Adugu á da lo o ba eshko me, ó nye gimi ekployaŋ a mbo, nga ó da gimi e tne aga ekployaŋ a mbo ba ame e lu e da gimi.

Otum 19:6

Oblus a shri abgo a shki mo eshri nga moa a hwiŋ Ogbgaodzi. Moa a hwiŋ Ogbgaodzi a khwo nga moa a lu odlo la elom andandandim, nga moa a nyum oshpa ba Ahogbrẽ.

Otum 10:46

Okyku eshi moa a gno moa a lu odlo la enzi ehe, nga moa a hlu Ahogbrẽ eshko okyku esesla baŋ. Ebitru a lu mi le,

Otum 9:17

Ahananiya a gre odne lo nga, a shri abgo baŋ a shki eshri Eshawlu nga a lu mi le, Anime Eshawlu, Adigi-odne Eyesu eshrishri eŋa angyiŋ a hom me otum. Aŋa angyiŋ aŋo o ka ozhẽ omba boŋ o ba ahe. Aŋa a hom me otum okyku o da me e hwile ŋo ayi, nga moa a bli ŋo la Ogbgaodzi.

Otum 7:55

Ambo Estifanu a bli la Ogbgaodzi. A ka Ongyeŋ, nga a ka ayimom ba esesla ba Ahogbrẽ, nga a ka Eyesu a tspi obgori ba Ahogbrẽ.

Otum 1:5

Eyohana a la a kpo moare abaptisma la amihĩ, ambo ambla fi nga moa á kpo gimi abaptisma la Ogbgaodzi.

1 MoaOkorinti 13:8

Oklo o wo gbagbu-amo. Oshpa la o gre eso o wo ma nzenze, ambo moa a wo okyku omba ple sha angyiŋ. Okpogbu ba o lu elom o wo ma, ambo alo ó khwo. Oyioyi o wo ma, ambo ó bre ó yi.

1 MoaOkorinti 13:1

O wo ba ame e la e lu elom moarehwi ta la elom moanwyeadga ba Ahogbrẽ a mbo, ambo o wo ba ame e wo la oklo ma mbo le, odlo me o dzu eka afõ la a zhle ototno.

Otum 13:9

Okyku eka he Eshawlu ba eshko baŋ e ba oha e ri Oblus, Ogbgaodzi o kpo otum ka la ŋa. A ka Elima dzo nga a nyuŋ ŋa a lu mi le,

Otum 2:11

MoaEyahuda pa la moa la a wo moaEyahuda mbo la a zhiŋ a sõ ozhẽ moaEyahuda a wo ma. Moakyeŋ eshki bi, moa a zgi Ekreta, moakyeŋ moa a zgi Arabiya. Ambo agi egu he lo mvye e gno ayakplo moa a la a lu eshri anyuŋ ayakplo ba Ahogbrẽ a ba a kpo!

Oluka 12:12

Okyku eshi omba he lo, Ogbgaodzi ó tsa gimi eka ekplo bimi é ba e lu.

1 MoaOkorinti 14:18

Ambo ame e vye la Ahogbrẽ baŋ a da me e kpo e gbu nga e lu elom moazhẽ e gre gimi mvye.

MoaOroma 15:13

Ahogbrẽ la a wo esĩ ba okayiozhẽ, a bli gimi la ovyeyaŋ a mbo, ta la opyapyaŋ okyku obmi ba adlidzi bimi ka la ŋa, okyku o da Ogbgaodzi o ta adlidzi bimi ma-ma la ekʼpo baŋ.

Otum 4:8

Ebitru a bli la Ogbgaodzi, okyku eka he a tno mo ma a lu mi le, Agimi andakʼpo moare, pa la moandakʼpo obiŋ,

Eyohana 20:22

A lu odlo eka he a khwo nga a hlu ayaŋ baŋ a ygi mo nga a lu mi le, Agimi e yga Ogbgaodzi.

Oluka 4:1

Eyesu a zgi Ordu a ba, nga a bli la Ogbgaodzi. Ogbgaodzi nga o daŋ a gre akla.

1 Ebitru 1:12

Ahogbrẽ a tsa moarehwĩ baŋ a hom mo otum. A lu ma otum mo lo o wo okyku ohwihwiŋ ba eshri mo angyiŋ mbo. Ma alo o wo okyku gimi angyiŋ. Moa a lu eka he lo angyiŋ eshri ba adlidzi ba agimi e gno ohuhuhi. Moa la a tsa gimi adlidzi lo, moa a wo moanwyeadga ba Oshpaodzadzi, nga moa a lu odlo lo la ekʼpo ba Ogbgaodzi la o zgi Ongyeŋ angyiŋ o ba. Moanwyeadga ba Ahogbrẽ a mbo a klo o ka adlidzi he lo o bmye.

1 MoaOkorinti 14:5

Eka ba ame e ka, o raŋ o gre ba areyaŋ a mbo a kpo a gbu baŋ a lu odlo la elom moazhẽ a gbu. Ambo o raŋ me eso o gre o wo ba areyaŋ a mbo a wo la okpogbu ba o nyum oshpa ba Ahogbrẽ. Okyku eshi are la a nyum oshpa ba odlo ba Ahogbrẽ a wo la owlama a gre are la a lu odlo la elom moazhẽ. O wo eheŋ-ekyeŋ mbo o wo le arekyeŋ a wo ma okyku o zhiŋ lo o da Eklisiya ayga dne alo a wo owlama.

Otum 11:15

Omba ame e lu odlo nga, Ogbgaodzi o gile eshri mo eka baŋ a kpo ka la gi okũ oriori.

Otum 6:5

Moa-eshki mvye moa a gno oraŋ ta la ohwihwim moa la a nyum oshpa a shri a ba lo. Okyku eka he moa a sla Estifanu, aŋa a wo la obmi ba adlidzi ma, nga a bli la Ogbgaodzi. Nga moa a sa a sla Efilibu, ta la Opokro, ta la Enikano, ta la Etimo, ta la Apamina, ta la Eniklo la a zgi Antakiya. Alom he lo a wo a ba Eyahuda mbo, ambo aŋa a zhiŋ a sõ ozhẽ moaEyahuda.

Otum 6:3

Okyku eka he, agimi anáŋ, o raŋ o gre bimi e sla moanáŋ afoha, moa la ba Ogbgaodzi o kpo otum pa la mo, nga a wo la okaobmye ma. Agi e da moahi lo angyiŋ á ba a kpo otum o gʼba anzho lo.

Otum 1:8

Ambo agimi é hwiŋ ekʼpo omba ba Ogbgaodzi ó gile eshri bimi, nga agimi é dzu moa la a zgi egŋe me osku ba Orushalima ta la obiŋ Eyahuda, ta la Esamariya, ta la okroyaŋ a mbo obiŋ hi.

Oluka 1:15

Okyku eshi, aŋa á dzu are ba esesla egi ayi ba Adigi-odne. Okyku eka he aŋa á wa ami anab la a no mbo, o mbo le a wa ami la a bza mbo ku-ku. Moa á bli ŋa la Ogbgaodzi o zgi omba ba moa a mbre ŋa.

MoAfisu 6:18

Agimi e kpo ohe lo pyeŋ ibu ba olu, nga e vẽ okyku okpoghwo ba Ahogbrẽ. E fa olu ombamba pyeŋ eka ba Ogbgaodzi o tsa gimi. Okyku eka he, e dzu e kʼpu, nga e da esõ e zgi e sku lo mbo, nga e fa olu okyku moarehwĩ ba Ahogbrẽ pyeŋ.

MoAfisu 3:19

E, o kpo o gbu ba agimi e yi oklo baŋ, ambo alo o gre eshri ba agimi e yi lo e fu ma, o mbo le e ka lo e bmye. Amom-abgo ekpyemgbyeŋ nga moa a bli gimi mvye la obiobli ba Ahogbrẽ la o bli.

Otum 11:24

Abarnaba a wo arehwĩ owlama. Aŋa a bli la Ogbgaodzi nga a la a tspi gble ekployaŋ a mbo. Moarehwi nzenze a zhiŋ a lu Adigi ma.

Otum 6:8

Estifanu a wo arehwĩ ba Ahogbrẽ a wo ka la ŋa, nga ekʼpo Ahogbrẽ e wo ka la ŋa. Aŋa a la a kpo ayakplo egbregbre egi ayi moare.

Oluka 21:15

Okyku eshi omba he lo ame é shri edgu odlo bimi é ba e lu é da gimi. Nga ame é shri okaobmye é da gimi, nga moafpu gimi á kpo á gre gimi a gbu mbo, nga á tla odlo bimi a gbu mbo.

Oluka 1:67

Azakariya adaŋ anwye lo a bli la Ogbgaodzi, okyku eka he a ka a lu mi le,

Oluka 1:41

Omba ba Alisabatu a gno oshko ba Emeri a khwo nga, anwye a kpo esku akpyki baŋ. Ogbgaodzi o bli eso Alisabatu.

Amatiyu 10:19

Omba ba moa a shri gimi a gre okro ombgu le, agimi e da esõ e ngʼba gimi okyku ekplo bimi é ba e lu mbo. Omba mi lo, moa á tsa gimi ekplo bimi é ba e lu.

2 Ebitru 1:21

Okyku eshi oshpa ba okaolu he lo o ba ondakyeŋ la okaobmye ba arehwĩ o ka mbo. Ambo Ogbgaodzi angyiŋ o tsa moarehwĩ o da mo a lu oshpa ekplo la e zgi okro ba Ahogbrẽ.

Otum 2:3

Emakyeŋ eka embli ovo e ngla odne lo, nga e kpo otum eshri areyaŋ a mbo eshki lo.

Otum 8:17

Ebitru ta la Eyohana, moa a shki mo abgo eshri, nga moa la a bmi ba adlidzi a yga Ogbgaodzi.

Otum 10:47

Moarehwi hi, moa a yga Ogbgaodzi eka bi a mbo e yga lo. Arekyeŋ a kpo a gbu baŋ a nyom mo o kpo abaptisma la amihĩ?

Otum 15:8

Ahogbrẽ la a yi eso moarehwi, a tsa oklo baŋ okyku moa la a wo moaEyahuda mbo omba baŋ a bli mo la Ogbgaodzi baŋ, eka baŋ a kpo ka la gi.