Otum 2:10 - Ohwihwim Olehe

¹⁰ ta la Efragiya, ta la Ebamfiliya, ta la Amasla, ta la obiŋ ba Elibiya osuksu ta la Esirini. Agikyeŋ nga e zgi Oroma e ba.

Otum 2:10 Referans Kwoze

Otum 16:6

Moa a sõ egʼba obiŋ ba Efragiya ta la Egalasiya, Ogbgaodzi o bmi o da mo a nyum oshpa obiŋ ba Asiya ku-ku mbo.

Otum 18:23

Ambla baŋ a ta abyi ahe lo ple nga, a kso a sõ ogʼba obiŋ ba Egalasiya, ta la Efragiya, a shĩ moa la a bmi ba adlidzi.

Otum 15:38

Ambo Oblus a tne aga ma alo o wo odzi moa a shri ŋa mbo, okyku eshi aŋa a dzu pa la mo ma-me moa a kpo otum mo a khwo mbo. A ygi ozhẽ Ebamfiliya a ba eŋa odne.

Otum 13:43

Ambla ba eshki e som ayi e khwo nga, moaEyahuda pa la moa la a wo moaEyahuda mbo la a zhiŋ a sõ ozhẽ moaEyahuda, moa a lu Oblus ta la Abarnaba ma. Moa a sa a nyum oshpa, a shĩ mo ma moa a kom adlidzi ba Ahogbrẽ gble.

Otum 13:13

Oblus ta la moakyeŋazba moa a ba Epega obiŋ ba Ebamfiliya. Ahe lo angyiŋ Eyohana Amarku a dzu mo a zga nga a bla a gre eŋa Orushalima.

2 Etimoti 1:17

Omba baŋ a gbu Oroma nga, aŋa a klo me ma-me o tsa baŋ a hwiŋ me.

MoaOroma 1:15

Okyku eka he ame e zga eso okyku o nyum Oshpaodzadzi o ygi gimi la e wo Oroma a mbo.

Otum 27:5

Agi e bmyi anyuŋ ondzu lo. Alo o wo osusku ta la Esilusiya, ta la Ebamfiliya, nga agi e ba Emira obiŋ ba Elisiya.

Otum 14:24

Ambla moa a kpo otum obiŋ ba Ebisidiya a khwo nga, moa a bla a gre Ebamfiliya.

Otum 11:20

Ambo moa la a bmi ba adlidzi la a zgi Esapru, ta la Esirini a gre Antakiya, moa a nyum oshpa a ygi moa la a wo moaEyahuda mbo a mbo mvye. Moa a nyum Oshpaodzadzi ba Adigi Eyesu a ygi mo.

Amarku 15:21

Omba moanwyeakyuŋ a shri Eyesu a shri a yi okro moa a gŋe moare egŋe aki nga, moa a ka alom moa a bzi ŋa Esima ba obiŋ ba Esirini, moa a vu ŋa a daŋ a shri egŋe aki ba Eyesu. Esima a wo adaŋ Alaksanda ta la Orufu.

Amatiyu 27:32

Omba ba moa a zgi edzi sha nga, moa a ka alomakyeŋ ba Esirini, eshko baŋ e ri Esima. Moa a vu ŋa okyku o daŋ a shri egŋe aki ba Eyesu.

Otsotsa 11:8

Ekom mo nga é lom anyuŋ ozhẽ ba anyuŋ osku he lo. Ahe lo angyiŋ moa a gŋe Adimo-odne egŋe aki omba la o sheŋ o gre mi. Osku lo o wo eka ba osku ba Osodom o mbo le obiŋ ba Amasla.

MoaOroma 1:7

Okyku eka he ame e ta akpa e kom gimi arehwĩ ba Oroma, ba Ahogbrẽ a klo. Aŋa a bzi gimi okyku o da gimi e dzu moarehwi baŋ. Ahogbrẽ la a wo Adigi, ta la Adigi-odne Eyesu Ekristi a kpo a ghwo la gimi nga a shri opyapyaŋ a da gimi.

Otum 28:15

Moanáŋ la a wo Oroma moa a gno oshpa bi, nga moa a ba osku ba moa a bzi lo ma Ekyku ba Abiyu, ta la Adne Atra okyku o tsa gi ozhẽ. Omba ba Oblus a ka mo nga, a vye Ahogbrẽ nga eso e gbu ŋa obiŋ.

Otum 18:2

Ahe lo aŋa a hwiŋ alom ba Eyahuda moa a bzi ŋa ma Akila. Moa a mbre ŋa obiŋ ba Obuntu. Aŋa a zgi Etali a ba ta la ashe baŋ moa a bzi ŋa Ebriskila. Moa a zgi Etali okyku eshi anyuŋ-areŋ moa a bzi ŋa ma Ekladiya a kyku moaEyahuda la a wo obiŋ ba Oroma mvye. Oblus a gre a yi a ka mo.

Otum 13:1

Eklisiya osku ba Antakiya, moarehwi ba Ahogbrẽ a hom otum, pa la moa la a nye moare odlo Ahogbrẽ a wo ma. Moahi lo a ri Abarnaba, ta la Esimiyo ba moa a bzi ŋa Ahwĩ, ta la Olusu ba Esirini, ta la Amaniyi anwye-odne ba ogomna Ehirudu, ta la Eshawlu.

Otum 6:9

Ambo moarekyeŋ ba akulu moa a bzi lo ma Moarehwi moa a Shla mo a wo ma. Eshki mo, moaEyahuda la a zgi Esirini ta la Alaksandriya moa a wo a ba akulu he lo. Moahi lo pa la moaEyahuda la a zgi Esilisiya, ta la Asiya moa a zga esi o kla odlo ta la Estifanu.

Otum 6:5

Moa-eshki mvye moa a gno oraŋ ta la ohwihwim moa la a nyum oshpa a shri a ba lo. Okyku eka he moa a sla Estifanu, aŋa a wo la obmi ba adlidzi ma, nga a bli la Ogbgaodzi. Nga moa a sa a sla Efilibu, ta la Opokro, ta la Enikano, ta la Etimo, ta la Apamina, ta la Eniklo la a zgi Antakiya. Alom he lo a wo a ba Eyahuda mbo, ambo aŋa a zhiŋ a sõ ozhẽ moaEyahuda.

Amatiyu 2:15

Aŋa a dzu ahe lo angyiŋ o tsa ba Ehirudu a kpu. Ohe lo o kpo okyku o bli ekplo ba Adigi-odne a da arehwĩ baŋ a hom otum a lu. A lu mi le, Ame e bzi anwye me obiŋ ba Amasla.

Otum 23:11

Okyukyku onda he lo nga, Adigi-odne a tspi egi ayi Oblus a nyuŋ ŋa a lu mi le, Aŋo Oblus o ghwo eso! Aŋo o sheŋ o zgi egŋe me Orushalima bgu, nga aŋo ó kpo ekaka-helo Oroma.

Amatiyu 23:15

A ba eshri bimi la e nye odaŋ, ta la agimi Efarisi! Agimi la e bile moare! Agimi e la e dzi okyku o nyum oshpa nzenze ebiŋ endandandim, ambo are akyekyeŋ sha agimi e hwiŋ. Nga agimi e zhiŋ are he lo a zga are la á yi enzheovo ma-me a gre gimi engyi eha.

Otum 2:11

MoaEyahuda pa la moa la a wo moaEyahuda mbo la a zhiŋ a sõ ozhẽ moaEyahuda a wo ma. Moakyeŋ eshki bi, moa a zgi Ekreta, moakyeŋ moa a zgi Arabiya. Ambo agi egu he lo mvye e gno ayakplo moa a la a lu eshri anyuŋ ayakplo ba Ahogbrẽ a ba a kpo!

Otum 17:21

Moarehwi ba Atanese mvye ta la moazhẽ la a dzu Atanese, moa a klo o la o lu ayakplo ahe nga o ngli o gno ayakplo ahe. Moa a la a klo edgu ayakplo he lo a gre eshri.