Otum 2:1 - Ohwihwim Olehe

¹ Onda olum ba Epentakos, moare la a bmi ba adlidzi mvye a pla a shki okrokyeŋ.

Otum 2:1 Referans Kwoze

MoaOroma 15:6

Okyku o da gimi mvye la enzi ekyekyeŋ e hlu Ahogbrẽ Adaŋ Adigi Eyesu Ekristi eshko.

MoaEfilibi 2:2

O wo ba alo o wo eka he angyiŋ le, ame e la e shĩ gimi, agimi e da aga bimi a dzu akyakyeŋ, nga agimi e dzu la oklo okyekyeŋ, nga e dzu okyekyeŋ esõ, okyku o da me e gno oraŋ.

MoaEfilibi 1:27

Ohuhuhi nga ekplo la e raŋ e gre, o raŋ o gre ba edgu odzudzu bimi o wo eka ba edgu odzudzu ba Oshpaodzadzi ba Ekristi o klo. Okyku o wo ba ame e kpo e gbu e ba e ka gimi mbo a mbo, ame e klo o gno eka bimi e tspi gaŋ ta la ayaŋ akyakyeŋ, nga e la e ta eko otsotse la aga akyakyeŋ sha okyku obmi ba adlidzi ba Oshpaodzadzi he lo.

1 MoaOkorinti 16:8

Ambo ame e zga eso ba o dzu osku ba Afisu ma-me o tsa onda ba Epentakos.

Otum 4:32

Moare la a bmi ba adlidzi mvye, moa a kaŋ eshri a bga osheshye. Arekyeŋ a kom ekplo baŋ a wo alo ma ambambga mbo. Moa a la a gʼba ekployaŋ a mbo moa a wo alo ma otsotse.

Otum 20:16

Oblus a klo a sõ osusku ta la Afisu okyku o daŋ a tpi omba ayi obiŋ ba Asiya mbo. Aŋa a kpo omvro okyku o daŋ a gbu Orushalima shoshoŋ. A klo okyku o daŋ a gbu onda ba Epentakos.

Otum 4:24

Moa a lu a da mo a khwo nga, mo mvye a shki otsotse nga a fa olu a vẽ Ahogbrẽ a lu mi le, Adigi, aŋo o wo la o kpo Ongyeŋ ta la obiŋ hi, ta la anyuŋ ondzu, ta la ekployaŋ a mbo la e dzu ma!

Otum 5:12

Moa la a nyum oshpa a kpo egbregbre ayakplo a gre eshri egi ayi moarehwi. Moare la a bmi ba adlidzi mvye a pla emo a shki enjygu ba Osolomo.

Otum 2:46

Olum ondayaŋ a mbo moa a la a pla emo a shki Anyuŋ-akulu, nga moa a la a ri algo otsotse adne emo, moa a la a ri algo lo la ovyevye nga eso e gbu mo obiŋ.

Otum 1:5

Eyohana a la a kpo moare abaptisma la amihĩ, ambo ambla fi nga moa á kpo gimi abaptisma la Ogbgaodzi.

Otum 1:8

Ambo agimi é hwiŋ ekʼpo omba ba Ogbgaodzi ó gile eshri bimi, nga agimi é dzu moa la a zgi egŋe me osku ba Orushalima ta la obiŋ Eyahuda, ta la Esamariya, ta la okroyaŋ a mbo obiŋ hi.

Otum 4:31

Ambla moa a fa olu a khwo nga, okro moa a shki ma lo o suŋ. Ahogbrẽ a bli mo la Ogbgaodzi nga moa a nyum oshpa Ahogbrẽ la oshye-esõ.