Otum 19:8 - Ohwihwim Olehe

⁸ Oblus a gre anwyeakulu moaEyahuda. Aŋa a la a nyum oshpa osheshye a da moare, nga a la a kla odlo pa la mo. A zga gble okyku o da mo a ka Oreŋ ba Ahogbrẽ a bmye. A kpo eha etra ahe lo.

Otum 19:8 Referans Kwoze

Otum 1:3

Ambla baŋ a kso ongybi a khwo nga, a dzu obiŋ hi elum ekʼpoenyi. Omba he lo, Eyesu a da moa la a nyum oshpa baŋ a ka ŋa engyi oshushku. Okyku eka he moa la a nyum oshpa baŋ a bmi ba adlidzi zhezheŋ baŋ a kso ongybi. Moa a ka ŋa nga a sa a nye mo ayakplo eshri Oreŋ ba Ahogbrẽ.

Otum 28:23

Moa a sla onda ta la Oblus, nga moare nzenze a ba okro Oblus onda lo. A zga endigiŋ ma-me okyukyku Oblus a la a tsa mo, nga a nyum oshpa eshri Oreŋ ba Ahogbrẽ a da mo. A zga gble okyku o da mo a yga odlo Eyesu. A fa ayakplo ba odaŋ ba Omusa, ta la ayakplo ba akpekpa moarehwi ba Ahogbrẽ a hom mo otum.

Eyahuda 1:3

Agimi akyemeazba! Ame e zga ayi ngre okyku o da me e ta gimi akpa eshri ba oshla ba agi pyeŋ e pu ma. Ambo ohuhuhi ame e ka, alo o sa o raŋ o gre ba ame e ta gimi akpa, okyku o shĩ gimi okyku o da gimi e ta eko o ta-ta la esõ ekyekyeŋ, okyku obmi ba adlidzi ba Ahogbrẽ a shri a da moarehwĩ baŋ odgo okyekyeŋ nga o khwo.

Otum 19:9

Ambo moakyeŋ a shye eshri a gre eshri, okyku eka he moa a bmi ba adlidzi mbo. Moa a lu odlobi eshri Ozhẽ ba Adigi-odne egi ayi ba eshki mvye. Okyku eka he nga, Oblus pa la moa la a bmi ba adlidzi moa a zhiŋ ogbu nga a dzu mo a zga. Aŋa a la a kla odlo elulum pa la moare aku engla ba Etiranu.

Otum 18:19

Moa a gbu osku ba Afisu. Oblus a dzu Ebriskila ta la Akila a zga ahe lo. Ahe lo, Oblus a gre anwyeakulu moaEyahuda nga, a yi a kla odlo pa la mo.

Otum 18:4

Oblus a la a kla odlo pa la moaEyahuda anwyeakulu moaEyahuda onda Asabatyaŋ a mbo, okyku o daŋ a zhiŋ moaEyahuda ta la moaEgrise.

Otum 17:17

Oblus a la a hwro odlo pa la moaEyahuda, pa la moa la a wo moaEyahuda mbo la a lu Ahogbrẽ ma, anwyeakulu moaEyahuda, nga a la a hwro odlo pa la moare la a ba okyku o gno odlo baŋ okro moare la a shki ma.

Otum 14:1

Ewu e sa e kso osku ba Ekoniyom. Oblus ta la Abarnaba moa a gre osku he lo nga, moa a gre anwyeakulu moaEyahuda. Moa a nyum oshpa osheshye nga moaEyahuda ta la moa la a wo moaEyahuda mbo nzenze a bmi ba adlidzi.

Otum 13:46

Ambo ekakahelo, Oblus ta la Abarnaba, moa a nyum oshpa osheshye a lu mi le, O dzu omgbybi moa a nyum oshpa ba Ahogbrẽ a ygi gimi ori. Agimi e gno lo nga e tla lo. Agimi e ka owlama eso ba gbagbu-amo mbo, okyku eka he agi é dzu gimi é zga nga é yi okro moa la a wo moaEyahuda mbo.

Otum 13:14

Moa a zgi Epega a gre Antakiya ba Ebisidiya. Onda Asabat nga moa a gre anwyeakulu moaEyahuda nga moa a dzu ma.

Otum 18:26

A lu odlo osheshye anwyeakulu moaEyahuda. Omba moa Ebriskila ta la Akila a gno odlo baŋ nga, moa a shri ŋa a gre odne nga moa a sla odlo Ahogbrẽ adzadzi a daŋ a ka.

Otum 19:7

Moare he lo a wo otsko.

Otum 19:10

Moa a kpo eka he lo okyku eyi eha. Okyku eka he moare la a wo obiŋ ba Asiya mvye, moaEyahuda pa la moa la a wo moaEyahuda mbo, moa a ba okyku o gno odlo Ahogbrẽ.

Otum 20:31

Agimi e nyuŋ e ka, nga e tne aga e ka adzadzi, ame la amanyi ayi me nzenze e la e nye areyaŋ a mbo eshki bimi olulum, ta la okyukyku ma-me eyi etra.