Otum 19:1 - Ohwihwim Olehe

¹ Omba ba Apolos a wo Okorinti, Oblus a zhiŋ a sõ edzidzi obiŋ ba Asiya nga a ba Afisu. Aŋa a hwiŋ moa la a bmi ba adlidzi ahe lo.

Otum 19:1 Referans Kwoze

1 MoaOkorinti 16:12

Nga odlo eshri anime Apolos, ame e la e shĩ ŋa ma a ba pa la moanáŋ ahwõ okyku o kpre gimi o ka. Ambo aŋa nga a zga eso okyku o ba ohuhuhi mbo. Ombayaŋ a mbo baŋ a hwiŋ anvaŋ bgu le, aŋa á ba.

1 MoaOkorinti 1:12

Ame é shri lo é zga ozhẽ hi, areyaŋ a mbo eshki bimi a la a lu ekplo baŋ a klo. Moakyeŋ ma moa a wo ba Oblus, moakyeŋ nga ma moa a wo ba Apolos, moakyeŋ nga ma moa a wo ba Ebitru, moakyeŋ nga ma moa a wo ba Ekristi.

Otum 18:1

Ambla he nga Oblus a kso Atanese a gre Okorinti.

Otum 18:8

Ekrispa andakʼpo anwyeakulu moaEyahuda a bmi ba adlidzi ta la Adigi-odne. Moa-odne baŋ a mbo pa la moare nzenze ba osku ba Okorinti a la a gno oshpa lo, moa a bmi ba adlidzi nga moa a kpo mo abaptisma.

Otum 19:17

MoaEyahuda pa la moa la a wo moaEyahuda mbo mvye la a wo Afisu a gno oshpa ekplo la e kpo. Okyku eka he moa a kpo eyli, nga moa a ka eshko Adigi-odne Eyesu la ekekʼpo.

Otum 19:26

Agimi e ka nga e sa e gno eka alom moa a bzi ŋa ma Oblus a la a kpo. Aŋa a lu mi ma moahogbrẽ moa a ndga la abgo, ma alo a wo moahogbrẽ angyiŋ mbo. A hwiŋ ozhẽ a zhiŋ moare nzenze osku ba Afisu nga a gba a kpo o zhiŋ obiŋ ba Asiya mvye a mo.

Otum 20:16

Oblus a klo a sõ osusku ta la Afisu okyku o daŋ a tpi omba ayi obiŋ ba Asiya mbo. Aŋa a kpo omvro okyku o daŋ a gbu Orushalima shoshoŋ. A klo okyku o daŋ a gbu onda ba Epentakos.

Otum 20:18

Omba moa a ba nga a nyuŋ mo a lu mi le, Agimi e sheŋ e yi eka ame e kpo otum ka la gimi omba ba ame e wo obiŋ ba Asiya.

Otum 21:29

Moa a lu eka he okyku eshi moa a ka Otrofimu alomakyeŋ la a zgi Afisu a ba ta la Oblus otsotse Orushalima. Moa a la a ka ma o dzu mbo, ma Oblus a shri alom lo a gre Anyuŋ-akulu eshyẽ.

1 MoaOkorinti 4:6

Okyku gimi anáŋ sha angyiŋ, ame e la e ta egŋe eshri ba Apolos ta la eme. Ame e kpo otum ta la egi eka egŋe angyiŋ, okyku o da gimi e yi onyenye ba odlo la o lu la, Agimi e la e kpaŋ odaŋ adzadzi. O raŋ o gre ba arekyeŋ eshki bimi a nyom egʼba okyku arekyeŋ nga a la a dzĩ arekyeŋ mbo.

1 MoaOkorinti 15:32

O wo ba ame e kpo ambgu ta la ébyi akla osku ba Afisu okyku oklo ba eso ba arehwĩ angyiŋ, ame é hwiŋ owlamakyeŋ? Enzho lo nga e lu mi le, Agimi e da gi e ri nga e wa okyku eshi akyi agi é kpu. O wo ba moa la a sheŋ a kpu á ba a kso eku angyiŋ mbo le, e da gi e kpaŋ enzho he lo.

1 MoaOkorinti 16:8

Ambo ame e zga eso ba o dzu osku ba Afisu ma-me o tsa onda ba Epentakos.

MoAfisu 1:1

Akpa he lo a zgi abgo Oblus. Aŋa a dzu are la a nyum oshpa ba Ekristi Eyesu okoklo ba Ahogbrẽ angyiŋ. Alo a wo okyku moare la a lu Ahogbrẽ ma la a wo osku ba Afisu, moa la a la a kpo adlidzi esõ mo odzudzu mo ta la Ekristi Eyesu.