Otum 18:4 - Ohwihwim Olehe

⁴ Oblus a la a kla odlo pa la moaEyahuda anwyeakulu moaEyahuda onda Asabatyaŋ a mbo, okyku o daŋ a zhiŋ moaEyahuda ta la moaEgrise.

Otum 18:4 Referans Kwoze

2 MoaOkorinti 5:11

Agi e yi ekplo la e raŋ e gre ba moa a kpo eyli ba Adigi-odne, okyku eka he agi e la e zga ayi pa la moarehwi. Ahogbrẽ a yi gi zhezheŋ, nga ame e wo la okayiozhẽ ma ba agimi e yi me zhezheŋ eso bimi a mbo.

Otum 28:23

Moa a sla onda ta la Oblus, nga moare nzenze a ba okro Oblus onda lo. A zga endigiŋ ma-me okyukyku Oblus a la a tsa mo, nga a nyum oshpa eshri Oreŋ ba Ahogbrẽ a da mo. A zga gble okyku o da mo a yga odlo Eyesu. A fa ayakplo ba odaŋ ba Omusa, ta la ayakplo ba akpekpa moarehwi ba Ahogbrẽ a hom mo otum.

Otum 17:17

Oblus a la a hwro odlo pa la moaEyahuda, pa la moa la a wo moaEyahuda mbo la a lu Ahogbrẽ ma, anwyeakulu moaEyahuda, nga a la a hwro odlo pa la moare la a ba okyku o gno odlo baŋ okro moare la a shki ma.

Otum 26:28

Agriba a zhĩ Oblus a lu mi le, Ekplu omba he, aŋo o tne aga ma aŋo o zhiŋ me o da me e dzu a ba Ekristi?

Otum 19:26

Agimi e ka nga e sa e gno eka alom moa a bzi ŋa ma Oblus a la a kpo. Aŋa a lu mi ma moahogbrẽ moa a ndga la abgo, ma alo a wo moahogbrẽ angyiŋ mbo. A hwiŋ ozhẽ a zhiŋ moare nzenze osku ba Afisu nga a gba a kpo o zhiŋ obiŋ ba Asiya mvye a mo.

Otum 19:8

Oblus a gre anwyeakulu moaEyahuda. Aŋa a la a nyum oshpa osheshye a da moare, nga a la a kla odlo pa la mo. A zga gble okyku o da mo a ka Oreŋ ba Ahogbrẽ a bmye. A kpo eha etra ahe lo.

Otum 18:13

Moa a lu akuombgu lo a lu mi le, Alom hi, a la a zga ngre okyku o zhiŋ moare a da mo a hlu Ahogbrẽ eshko ozhẽ ba odaŋ mbo!

Otum 17:11

Moare ahe lo a yga mo la ovyevye a gre eka moa a yga mo osku ba Etasolonika. Moare a ngli a gno oshpa lo adzadzi. Okyku eka he, elulum moa a klo aga Akpekpa ba Ahogbrẽ okyku o da mo a ka adlidzi ba odlo ba Oblus a la a lu.

Otum 13:14

Moa a zgi Epega a gre Antakiya ba Ebisidiya. Onda Asabat nga moa a gre anwyeakulu moaEyahuda nga moa a dzu ma.

Oluka 16:31

Ambo Ebrahim a lu mi le, O wo moa á gno odlo Omusa, ta la odlo moarehwi ba Ahogbrẽ a hom otum mbo le, o wo ba arekyeŋ a kso eku a mbo a gre a yi a lu a da mo, moa á bmi ba adlidzi mbo.

Oluka 4:16

Omba he lo Eyesu a gre osku ba Anazarata, okro baŋ a bmye ayi ma. Onda Asabat nga a gre eshki eka baŋ a la a yi. A kso okyku o tsi Akpa ba Ahogbrẽ.

Eyohana 7:35

MoaEyahuda a la a zhĩ emo a lu mi le, Aŋa á yi ayaŋ angyiŋ ba agi é ba e hwiŋ ŋa mbo? Aŋa á yi esku ba moaEgrise, pa la moaEyahuda a wo ma nga á dzu ma á nye moaEgrise?

Otum 9:20

A gre anwyeakulu andandandim moaEyahuda nga a nyum oshpa eshri Eyesu, ma Eyesu a wo Anwye Ahogbrẽ.

Otum 14:1

Ewu e sa e kso osku ba Ekoniyom. Oblus ta la Abarnaba moa a gre osku he lo nga, moa a gre anwyeakulu moaEyahuda. Moa a nyum oshpa osheshye nga moaEyahuda ta la moa la a wo moaEyahuda mbo nzenze a bmi ba adlidzi.

Otum 18:19

Moa a gbu osku ba Afisu. Oblus a dzu Ebriskila ta la Akila a zga ahe lo. Ahe lo, Oblus a gre anwyeakulu moaEyahuda nga, a yi a kla odlo pa la mo.