Otum 17:4 - Ohwihwim Olehe

⁴ Moakyeŋ eshki mo moa a bmi ba adlidzi nga moa a lu Oblus ta la Esila ma. Moa-Egrise la a hlu Ahogbrẽ eshko, ta la moashe moandakʼpo a mbo a lu mo ma.

Otum 17:4 Referans Kwoze

Otum 17:12

Moare nzenze a bmi ba adlidzi. Moashe moandakʼpo ba Egrise nzenze, pa la moarealom nzenze ba Egrise a bmi ba adlidzi.

Otum 14:4

Moare ba Ekoniyom a gʼba emo aha. Moakyeŋ a dzu okũ moaEyahuda, moakyeŋ a dzu okũ moa la nyum oshpa.

Otum 13:43

Ambla ba eshki e som ayi e khwo nga, moaEyahuda pa la moa la a wo moaEyahuda mbo la a zhiŋ a sõ ozhẽ moaEyahuda, moa a lu Oblus ta la Abarnaba ma. Moa a sa a nyum oshpa, a shĩ mo ma moa a kom adlidzi ba Ahogbrẽ gble.

2 MoaOkorinti 8:5

Moa a kpo ekplo ba agi e ka e zga aga ba alo ku-ku mbo! Moa a zga esĩ a shri eshri mo a shri a da Adigi-odne, nga okyku oklo ba Ahogbrẽ moa a shri emo a da gi a mbo.

Otum 28:24

Moakyeŋ a bmi ba adlidzi ta la odlo baŋ lo, ambo moakyeŋ a bmi ba adlidzi mbo.

Otum 15:22

Okyku eka he moa la a nyum oshpa ta la moandakʼpo lo, ta la Eklisiya pyeŋ, moa a hwim moa a ba a sla moakyeŋ eshki mo, a da mo a yi Antakiya ta la Oblus, ta la Abarnaba. Moa a sla alom moa a bzi ŋa ma Eyahuda, eshko baŋ e ba oha e ri Abasaba, ta la Esila. Moarehwi aha he lo, moanáŋ a bmi pa la mo a gre eshri.

Otum 13:50

Ambo moaEyahuda a som moandakʼpo ba osku he lo, ta la moashe moa la a wo moaEyahuda mbo ayi. Moashe he lo a zhiŋ a la a hlu Ahogbrẽ eshko. MoaEyahuda a zga esi o kpo Oblus ta la Abarnaba ewu, nga moa a kpo nga moa a kyku mo a sku ogʼba obiŋ hi lo.

Otum 21:28

MoaEyahuda la a zgi Asiya a ba a nyuŋ eshki a lu mi le, Agimi arehwĩ ba Esrayila, e kpo e ghwo! E ka, alom hi angyiŋ a la a yi ekro andandandim a la a nye moare a da mo a dzi moarehwi ba Esrayila ta la odaŋ ba Omusa, ta la Anyuŋ-akulu hi. E ka, ohuhuhi, aŋa a shri moa la a wo moaEyahuda mbo a ba Anyuŋ-akulu eshyẽ. A tpi okro ba esesla ayi.

Otum 19:10

Moa a kpo eka he lo okyku eyi eha. Okyku eka he moare la a wo obiŋ ba Asiya mvye, moaEyahuda pa la moa la a wo moaEyahuda mbo, moa a ba okyku o gno odlo Ahogbrẽ.

Otum 18:4

Oblus a la a kla odlo pa la moaEyahuda anwyeakulu moaEyahuda onda Asabatyaŋ a mbo, okyku o daŋ a zhiŋ moaEyahuda ta la moaEgrise.

Otum 17:34

Moarekyeŋ a bmi ba adlidzi ta la odlo ba Oblus a lu nga moa a lu ŋa ma. Eshki mo ahe lo, alomakyeŋ a wo ma eshko baŋ e ri Ediyonisiyu, aŋa a wo a ba aku eshki ba Ariyobga, ta la ashekyeŋ moa a bzi ŋa Adamari, ta la moakyeŋ.

Otum 17:17

Oblus a la a hwro odlo pa la moaEyahuda, pa la moa la a wo moaEyahuda mbo la a lu Ahogbrẽ ma, anwyeakulu moaEyahuda, nga a la a hwro odlo pa la moare la a ba okyku o gno odlo baŋ okro moare la a shki ma.

Otum 16:3

Oblus a klo o da Etimoti a dzi ka la ŋa. Okyku eka he aŋa a sko ŋa nga a sheŋ ŋa ongyum. A kpo eka he okyku eshi moaEyahuda la a wo ekro he lo moa a yi ba adaŋ Etimoti a wo a ba Egrise angyiŋ.

Otum 15:40

Oblus a sko Esila, nga moanaŋ a vẽ Ahogbrẽ okyku o daŋ a kpaŋ mo.

Otum 15:32

Eyahuda, ta la Esila, moa a wo moarehwi ba Ahogbrẽ a hom mo otum angyiŋ. Moa a lu odlo pa la moanáŋ nzenze, nga moa a gbu mo eso obiŋ.

Otum 15:27

Eyahuda, ta la Esila, moa bi e hom mo otum okro bimi, moa á lu eka ekplo bi e ta akpa e da gimi.

Otum 14:1

Ewu e sa e kso osku ba Ekoniyom. Oblus ta la Abarnaba moa a gre osku he lo nga, moa a gre anwyeakulu moaEyahuda. Moa a nyum oshpa osheshye nga moaEyahuda ta la moa la a wo moaEyahuda mbo nzenze a bmi ba adlidzi.

Otum 4:23

Ambla moa a kyu Ebitru ta la Eyohana abgo nga, moa a gre okro moanáŋ nga moa a lu a da mo eka ba moandakʼpo olu ba Ahogbrẽ, pa la moandakʼpo obiŋ a lu a da mo.

Otum 2:44

Moare la a bmi ba adlidzi mvye, moa a ri ekpom la e wo osheshye, nga moa a la a gʼba anzho moa a wo alo ma otsotse ta la emo.

Eyohana 7:35

MoaEyahuda a la a zhĩ emo a lu mi le, Aŋa á yi ayaŋ angyiŋ ba agi é ba e hwiŋ ŋa mbo? Aŋa á yi esku ba moaEgrise, pa la moaEyahuda a wo ma nga á dzu ma á nye moaEgrise?

Otum 17:10

Okyukyku nga, moanáŋ a knye la Oblus ta la Esila a shri a gre Eberiya. Moa a gbu ahe lo nga, moa a gre anwyeakulu moaEyahuda.

Otum 17:14

Moanáŋ a ka eka he nga, moa a knye la Oblus a shri a gre akaŋ anyuŋ-ondzu. Ambo Esila ta la Eti-moti, moa a ra a dzu Eberiya.