Otum 17:12 - Ohwihwim Olehe

¹² Moare nzenze a bmi ba adlidzi. Moashe moandakʼpo ba Egrise nzenze, pa la moarealom nzenze ba Egrise a bmi ba adlidzi.

Otum 17:12 Referans Kwoze

MoAfisu 5:14

Okyku eshi ekployaŋ a mbo ba moa a se lo a ta edzi pendeŋ é dzu ayimom angyiŋ a mo. Okyku eka he angyiŋ moa a lu mi le, Aŋo la o ndze enu, O kso eku! Nga Ekristi á shka ayi eshri boŋ.

Otum 13:50

Ambo moaEyahuda a som moandakʼpo ba osku he lo, ta la moashe moa la a wo moaEyahuda mbo ayi. Moashe he lo a zhiŋ a la a hlu Ahogbrẽ eshko. MoaEyahuda a zga esi o kpo Oblus ta la Abarnaba ewu, nga moa a kpo nga moa a kyku mo a sku ogʼba obiŋ hi lo.

1 MoaOkorinti 1:26

Agimi anáŋ, agimi e tne aga eka ba odzudzu bimi o wo omba ba Ahogbrẽ a bzi gimi. Moare fi sha eshki bimi a wo la okaobmye ma, o mbo le a wo la ekʼpo ma, o mbo le a gbu eshko ozhẽ ba aga ba arehwĩ.

Otum 14:1

Ewu e sa e kso osku ba Ekoniyom. Oblus ta la Abarnaba moa a gre osku he lo nga, moa a gre anwyeakulu moaEyahuda. Moa a nyum oshpa osheshye nga moaEyahuda ta la moa la a wo moaEyahuda mbo nzenze a bmi ba adlidzi.

Eyakubu 1:21

Okyku okũ he lo, agimi e kyu edgu ayakplo bimi e la e kpo la a wo eshre, ta la edgu eda ebi abgo. Agimi e shri eshri bimi e shri e da Ahogbrẽ, nga e yga odlo a yle lo esõ bimi. O kpo o gbu ba alo o shri oshla o shri o da gimi.

Eyakubu 1:10

Nga anáŋ la a wo angyiŋ ma, a kpo ovye omba ba Ahogbrẽ a daŋ a tsi a gbu. Okyku eshi moangyiŋ a mbo á bre ayi ototno eka ba ambu-mbwi ba asĩ afpu.

Otum 13:46

Ambo ekakahelo, Oblus ta la Abarnaba, moa a nyum oshpa osheshye a lu mi le, O dzu omgbybi moa a nyum oshpa ba Ahogbrẽ a ygi gimi ori. Agimi e gno lo nga e tla lo. Agimi e ka owlama eso ba gbagbu-amo mbo, okyku eka he agi é dzu gimi é zga nga é yi okro moa la a wo moaEyahuda mbo.

Eyohana 7:17

Areyaŋ a mbo la a bmi nga a la a kpo ekplo ba Ahogbrẽ a klo, á kpo á gbu baŋ á ka á bmye ba onyenye me he o wo o ba Ahogbrẽ angyiŋ le, o wo o ba ekʼpo eshri me angyiŋ.

Amarku 15:43

Oyusufu ba Arimatiya a wo eshki moandakʼpo la a sõ ombgu. A ka ayi ozhẽ okyku oba-ba ba Oreŋ Ahogbrẽ. Onda he lo o wo onda moa a kpo otum a ghwo otno, o dzu onda Ojuma. Oyusufu a gre okro Ebilatu la oshye-esõ, a zhĩ a lu mi le, Andakʼpo, o wo boŋ o bmi le, o da me e sko okom Eyesu e ngybi.

Otum 2:47

Moa a la a hlu Ahogbrẽ eshko nga, moare a la a klo mo. Nga olum ondayaŋ a mbo Ahogbrẽ a la a tsa moare a da mo a ghwo obiŋ nga, Ahogbrẽ a da moare a ghwo obiŋ ombamba pyeŋ. Moare la a lu Ahogbrẽ ma nga a ta ma-ma.