Otum 17:1 - Ohwihwim Olehe

¹ Moa a kso Efilibi nga, moa a gre Amfiboli ta la Apoloniya, nga moa a bre a gre Etasolonika. Ahe lo anwyeakulu moaEyahuda a wo ma.

Otum 17:1 Referans Kwoze

MoaEfilibi 4:16

Engyi oshushku omba ba ame e klo okpoghwo omba ba ame e wo osku ba Atasolonika, agimi e la e shri lo e kom me.

1 MoaEtasolonika 1:1

Akpa he lo a zgi abgo ba Oblus ta la Esila, ta la Etimoti. A wo okyku moarehwĩ ba Eklisiya ba osku ba Etasolonika la a wo moarehwĩ ba Ahogbrẽ la a wo Adigi, ta la Adigi-odne Eyesu Ekristi. Okpoghwo ta la opyapyaŋ o dzu ka la gimi.

2 MoaEtasolonika 1:1

Akpa he lo a zgi abgo Oblus ta la Esila, ta la Etimoti. Alo a wo okyku moarehwĩ ba Eklisiya ba osku ba Etasolonika. Moa a wo moarehwĩ ba Ahogbrẽ la a wo Adigi, ta la Adigi-odne Eyesu Ekristi.

Otum 20:4

Esopate, anwye Ebiru, aŋa a zgi Eberiya. Aristaku, ta la Esakundu, moa a zgi Etasolonika, moa a gre ka la ŋa. Egayu a zgi Edabe, Etimoti, ta la Etikiku, ta la Otrofimu moa a zgi obiŋ ba Asiya. Moahi lo a mbo a gre ta la Oblus.

2 Etimoti 4:10

Okyku eshi, Edema a zhiŋ a shri eshri baŋ a da obiŋ hi nga a knye a dzu me a zga a gre eŋa Etasolonika. Ekrisiŋ nga a gre eŋa Egalasiya, Etitus nga a gre eŋa Edlamasiya.

Otum 27:2

Agi e gre amgblami ba Adramitiyum. Amgblami lo a wo ozhẽ ba o yi anyu-ami andandandim ba obiŋ ba Asiya, nga a ba o yi oyi. Alo-makyeŋ moa a bzi ŋa ma Aristaku, aŋa a wo a ba obiŋ ba Amasidoniya. Aŋa a zgi Etasolonika. A wo ka la gi.

Otum 17:13

Ambo omba moaEyahuda la a wo osku ba Etasolonika a gno eka ba Oblus a nyum oshpa ba Ahogbrẽ osku ba Eberiya nga, moa a knye a ba nga moa a som eshki ayi.

Otum 17:11

Moare ahe lo a yga mo la ovyevye a gre eka moa a yga mo osku ba Etasolonika. Moare a ngli a gno oshpa lo adzadzi. Okyku eka he, elulum moa a klo aga Akpekpa ba Ahogbrẽ okyku o da mo a ka adlidzi ba odlo ba Oblus a la a lu.

Otum 16:13

Onda Asabat nga, agi e zgi e gre akaŋ ondzu. Agi e la e ka ma agi e hwiŋ anwyeakulu moaEyahuda ma. Agi e dzu obiŋ e lu odlo pa la moashe la a pla a shki ahe lo.

Otum 15:21

Moa a la a tsi odaŋ Omusa ombamba mvye anwyeakulu moaEyahuda onda Asabatyaŋ a mbo. Nga moa a la a nyum oshpa lo oskuyaŋ a mbo.

Otum 14:1

Ewu e sa e kso osku ba Ekoniyom. Oblus ta la Abarnaba moa a gre osku he lo nga, moa a gre anwyeakulu moaEyahuda. Moa a nyum oshpa osheshye nga moaEyahuda ta la moa la a wo moaEyahuda mbo nzenze a bmi ba adlidzi.

Otum 17:10

Okyukyku nga, moanáŋ a knye la Oblus ta la Esila a shri a gre Eberiya. Moa a gbu ahe lo nga, moa a gre anwyeakulu moaEyahuda.

1 MoaEtasolonika 2:2

Agimi e yi eka ba moa a kpo gi ewu, nga moa a dzĩ gi osku ba Efilibi omba ba agi e ba okro bimi osku ba Etasolonika a wo mbo. Ambo Ahogbrẽ a shri oshye-esõ a shri a da gi okyku o da gi e lu Oshpaodzadzi la o zgi okro ba Ahogbrẽ e ygi gimi. Oklaodlo o wo ma egyagi a mbo agi e lu.