Otum 16:9 - Ohwihwim Olehe

⁹ Onda he lo okyukyku nga, Oblus a ka okoka. Okoka he lo, aŋa a ka alom ba Amasidoniya nga a vẽ ŋa a lu mi le, Aŋo o ba Amasidoniya okyku o kpo o ghwo la gi!

Otum 16:9 Referans Kwoze

Otum 19:21

Ambla ba ayakplo he a kpo nga, Oblus a zga eso ba o yi Amasidoniya nga o yi Egrise, nga o bla o ba o yi Orushalima. Oblus a lu mi le, Ambla ba ame e gre a mi lo bgu le, ame é bre é yi Oroma.

Otum 18:5

Omba ba Esila ta la Etimoti a zgi Amasidoniya a ba nga, moa a hwiŋ Oblus a la a nyum oshpa osheshye pa la moaEyahuda, nga a la a lu mi le, Eyesu angyiŋ a wo Emisiya.

MoaOroma 15:26

Okyku eshi moa la a lu Ahogbrẽ ma obiŋ ba Amasidoniya, ta la Egrise, moa a shri okpoghwo okyku o kpo o ghwo la moaekŋe eshki moa la a lu Ahogbrẽ ma osku ba Orushalima.

Otum 20:1

Ambla ba eso e gbu moare obiŋ nga, Oblus a bzi moa la a bmi ba adlidzi mvye nga a lu odlo okyku o shĩ mo, nga a shri oyiamo a da mo. Nga a kso a gre Amasidoniya.

1 MoaEtasolonika 4:10

Agimi nga e sheŋ e kpo eka he lo pa la moanáŋ pyeŋ la a wo Amasidoniya. Okyku eka he agi e vẽ gimi okyku o da gimi e kpo lo e ta ma-ma.

2 MoaOkorinti 12:7

Moa a da ezga ba egʼba e hwiŋ me, ahe lo e la e kpo otum eka anwyeadga ba Eshitaŋ. Moa a da lo e hwiŋ me okyku o da me e nyom onyomegʼba okyku ayakplo ba egbregbre ba ame e ka lo mbo, nga okyku o yla me andzu nga o nyom me onyomegʼba.

2 MoaOkorinti 11:9

Nga omba ba ame e wo ka la gimi, ame e kpo gimi ewu okyku okpoghwokyeŋ mbo omba ba ame e gbaŋ amgbaŋ. Okyku eshi moanáŋ la a zgi Amasidoniya a ba, moa a shri ekployaŋ a mbo a shri a kom me ma. Eka ba alo o wo ayga, alo ó ba o sa ó dzu asheŋayi-asheŋayi mi. Ame é da eme é dzu olbi okro bimi mbo ku-ku!

2 MoaOkorinti 9:2

Ame e yi ba agimi e klo e kpo e ghwo, okyku eka he ame e tsom gimi egi ayi moarehwi ba Amasidoniya. Ame e lu mi le, Moanáŋ la a wo obiŋ ba Egrise a sheŋ a sko eso a zga okyku o kpo o ghwo ba ayiesosõ a mo. Ekhwo bimi e wo la alo ma, e da moare nzenze eshki mo a zga ngre okyku okpoghwo.

2 MoaOkorinti 8:1

Agimi anáŋ, agi e klo bimi e yi ekplo ba okpoghwo ba Ahogbrẽ a kpo Eklisiya pyeŋ, ogʼba obiŋ ba Amasidoniya.

2 MoaOkorinti 7:5

Ambo ambla ba agi e gbu Amasidoniya, agi e wo la esõ-egbubiŋ ma mbo ku-ku. Oklodlo o wo okroyaŋ a mbo. Moa a la a kʼpi ohwa pa la moahwõ, okyku eka he eyli e wo gi eso.

Otum 20:3

A dzu Egrise eha etra. A vu eŋa abgo, a klo o ba o yi Esiriya, a mbo a gno ma moaEyahuda a fu eshri okyku o vu ŋa. Okyku eka he a zga eso ba o sõ Amasidoniya.

Otum 10:30

Okoniliyu a tno ma a lu mi le, Omba he, eka he la olulum la amgbaŋ atra, omba ba ame e fa olu odne me, nga arekyeŋ la a ygi aknye la a shka ayi leleleŋ a ba a tspi egi ayi me.

Otum 10:3

Olulum onda-kyeŋ, omba amgbaŋ atra, Okoniliyu a ka okoka. Ibu okoka he lo, aŋa a ka anwyeadga ba Ahogbrẽ a gre a ba odne baŋ nga a nyuŋ ŋa a lu mi le, Okoniliyu!

Otum 9:38

O zgi Ojopa o yi Elida o gyuŋ nzenze mbo. Omba moanwyeotum ba Ojopa a gno ba Ebitru a wo Elida nga, moa a hom moare aha otum okro baŋ a lu mi le, O wo boŋ o bmi le, o knye o ba okro bi oshoshoŋ.

Otum 16:10

Ambla ba Oblus a ka okoka he lo nga, agi e vu anzho abgo e khwo nga e gre Amasidoniya. Agi e ka tki, Ahogbrẽ a klo bi e yi e nyum Oshpaodzadzi e ygi moarehwi ba Amasidoniya.

Otum 16:12

Agi e zgi Eniyapoli e gre Efilibi, osku he lo o gyuŋ la anyuŋ-ondzu. Osku he lo o wo ori anwye ogʼba obiŋ ba Amasidoniya. MoaOroma a la a ri ekʼpo ahe lo. Agi e kpo elum oshushku ahe lo.

Otum 19:22

Okyku eka he nga, a hom Etimoti, ta la Erastu otum a da mo a gre Amasidoniya. Moahi lo a la a kpo a ghwo a ŋa. A ta abyi obiŋ ba Asiya ple ayga.

Otum 19:29

Odlo he lo o kso eso moare osku lo mvye. Moare a gre a yi a vu Egayu, ta la Aristaku. Moaha he lo a wo moarehwi ba Amasidoniya angyiŋ. Moa a la a dzi ta la Oblus. Moa a vu mo a shri a gre anyuŋ aku moa a la a shki ma.

Otum 27:2

Agi e gre amgblami ba Adramitiyum. Amgblami lo a wo ozhẽ ba o yi anyu-ami andandandim ba obiŋ ba Asiya, nga a ba o yi oyi. Alo-makyeŋ moa a bzi ŋa ma Aristaku, aŋa a wo a ba obiŋ ba Amasidoniya. Aŋa a zgi Etasolonika. A wo ka la gi.