Otum 16:5 - Ohwihwim Olehe

⁵ Obmi ba adlidzi ba Eklisiya lo o ta ma-ma. Moa a tspi osheshye nga moa a sa a ta ma-ma elulum.

Otum 16:5 Referans Kwoze

Otum 9:31

Okyku eka he eshki ba Ekristi ba obiŋ Eyahuda mvye, ta la Egalili, ta la Asamariya, moa a hwiŋ odzudum omba he lo. Moa a nyum oshpa nga moa a ta ma-ma, okyku moa a dzu la eyli Adigi-odne eso mo, nga Ogbgaodzi o kpo o ghwo la mo.

Otum 2:47

Moa a la a hlu Ahogbrẽ eshko nga, moare a la a klo mo. Nga olum ondayaŋ a mbo Ahogbrẽ a la a tsa moare a da mo a ghwo obiŋ nga, Ahogbrẽ a da moare a ghwo obiŋ ombamba pyeŋ. Moare la a lu Ahogbrẽ ma nga a ta ma-ma.

Otum 6:7

Ambla ne nga, odlo Ahogbrẽ o ngla o ta ma-ma. Moa la a bmi ba adlidzi a ta ma-ma ombamba mvye osku ba Orushalima, nga moandakʼpo olu ba Ahogbrẽ nzenze a bmi ba adlidzi.

1 Ebitru 5:10

Ambo ambla bimi e la e kpo ewu okyku omba ple le, Ahogbrẽ ba okpoghwo pyeŋ la a bzi gimi okyku o da gimi e pu ka la ŋa odzudzu ba esesla ba gbagbu-amo okro ba okŋeo-bga ta la Ekristi, aŋa angyiŋ ababgo baŋ, á ba a bli gimi. Nga aŋa á shri oghwo-esõ, ta la oshye, ta la esĩ la e wo zhezheŋ á shri á da gimi.

Otum 15:41

A sõ Esiriya ta la Esilisiya okyku o shĩ moanáŋ ba Eshki ba Ekristi andandandim.

MoaOkolosi 2:6

Agimi e sheŋ e yga Ekristi Eyesu eka Adigi-odne, okyku eka he, agimi e dzi odzi okro okŋeobga ba Eyesu.

1 MoaOkorinti 15:58

Okyku eka he agimi anáŋ, e tspi osheshye kye, nga e kpo otum bimi ombamba pyeŋ okyku Adigi-odne. Agimi a mbo e sheŋ e yi ba otumyaŋ a mbo bimi e kpo ozhẽ ba Adigi-odne, ba alo o wo otum ba ototno mbo.

MoaOroma 16:25

E da gi e hlu Ahogbrẽ eshko! Okyku eshi aŋa a kpo a gbu baŋ a da gimi e tspi la osheshye obmi ba adlidzi bimi. O wo eka he angyiŋ Oshpaodzadzi ba ame e nyum he lo. O wo eshri ba Eyesu Ekristi. O wo eka ba eshyẽ ba adlidzi he lo ba moa a ta lo edzi. Alo o mbi o ghre ba ogbyigbyi.

Otum 12:24

Odlo Ahogbrẽ o la o ngla nga o ta ma-ma.

MoaIbrani 13:9

Agimi e da edgu onyenyekyeŋ la o wo ondundum o sko gimi o sku ozhẽ ba adlidzi lo mbo. O wo odzi ba esõ bi e hwiŋ oshye okro ba okpoghwo ba Ahogbrẽ. O wo ozhẽ ba okpaŋ odaŋ ba algo angyiŋ mbo. Moa la a la a kpaŋ edgu odaŋ he lo, moa a hwiŋ owlama akplokyeŋ ba alo mbo ku-ku.

2 MoaEtasolonika 2:16

Nga Adigi-odne Eyesu Ekristi ta la Ahogbrẽ la a wo Adigi la a klo gi, okyku okpoghwo baŋ a shri oshye-esõ ba gbagbu-amo ta la okayiozhẽ la o wo odzi a shri a da gi,

1 MoaEtasolonika 3:13

Ozhẽ he lo angyiŋ aŋa á da esõ bimi e tspi osheshye. Nga agimi é tspi la obiobli la esesla egi ayi ba Ahogbrẽ bi la a wo Adigi omba ba Adigi-odne Eyesu á ba pa la moarehwĩ baŋ.

1 MoaEtasolonika 3:2

Nga omba lo agi e hom Etimoti otum, aŋa a wo anigi la a la a kpo otum ka la gi otsotse okyku Ahogbrẽ. Aŋa a la a nyum Oshpaodzadzi eshri ba Ekristi. Agi e hom ŋa otum okyku o daŋ a shĩ gimi nga okyku o daŋ a kpo a ghwo la gimi ozhẽ ba obmi ba adlidzi bimi,

MoaEgalasiya 5:1

Agi e wo la odzudum ma. Ekristi a sheŋ a shri odzudum a da gi! Okyku eka he agimi e tspi eka moarehwi la a wo la odzudum ma, nga agimi e bmi e dzu moawaghrẽ nga mbo.

Otum 11:21

Ekʼpo Ahogbrẽ e wo pa la mo. Okyku eka he moare nzenze a bmi ba adlidzi nga a zhiŋ a lu Adigi ma.

Otum 5:14

Moare la a bmi ba adlidzi lo, a la a ta ma ombamba mvye. Moa la a bmi ba adlidzi ta la Ahogbrẽ a wo moarealom pa la moashe.

Otum 4:4

Ambo moare nzenze la a gno oshpa lo moa a bmi ba adlidzi. Moa a hwiŋ moare eka ezbietno.