Otum 16:2 - Ohwihwim Olehe

² Moanáŋ mvye osku ba Elistra ta la Ekoniyom, moa a klo Etimoti a gre eshri.

Otum 16:2 Referans Kwoze

2 Etimoti 3:15

Nga o sheŋ o yi boŋ o yi Akpa ba Ahogbrẽ ba esesla, a zga omba boŋ o yi o wo anwye afifi. Okro obmi ba adlidzi ta la Ekristi Eyesu, Akpa ba Ahogbrẽ ba esesla he lo, a wo la ekʼpo ba ó shri okaobmye la ó shri oshla ó doŋ.

1 Etimoti 5:10

Nga o raŋ o gre baŋ a wo are la a wo la eda edzi ba moare a yi ŋa la alo. Nga baŋ a wo ashe la a la a nye moanwye baŋ adzadzi nga a la a yga moazhẽ la anyu eŋo-eŋo odne baŋ. O raŋ o gre baŋ a dzu awaghrẽ ba moarehwĩ la a lu Ahogbrẽ ozhẽyaŋ a mbo, nga baŋ a dzu are la a kpo a ghwo la moa la a wo ewu. Nga o raŋ o gre baŋ a dzu are la a shri eshri baŋ a di okyku o kpo otum andandandim la o wo odzi.

MoaIbrani 11:2

Moarehwĩ ba ogbyi, Ahogbrẽ a bmi pa la mo okyku obmi ba adlidzi ba moa a wo la alo ma angyiŋ.

2 Etimoti 3:11

Aŋo nga o ka eka ba ame e la e kpo avuolo nga e kpo ewu. Aŋo o yi edgu ayakplo pyeŋ la a la a kpo pa la me omba ba ame e wo osku ba Antakiya, ta la Ekoniyom, ta la Elistra. Aŋo o yi eka ba ame e kpo ekŋe e gre eshri! Ambo Ahogbrẽ a shla me abgo ewu he lo pyeŋ.

1 Etimoti 3:7

O raŋ o gre baŋ a wo are ba moare la a wo Eklisiya mbo a ka ŋa la olbi, okyku o da mo a ta ŋa anzi nga a daŋ a tsi a gbu amgbaŋ ba Eshitaŋ mbo.

Otum 16:40

Oblus ta la Esila, moa a zgi a khwo nga moa a vu ozhẽ a gre odne Elidiya. Moa a ka moanáŋ ahe lo, moa a shi mo a khwo nga, moa a kso a sku osku he lo.

Otum 14:21

Oblus ta la Abarnaba, moa a nyum Oshpaodzadzi osku ba Edabe. Moa hwiŋ moare la a bmi ba adlidzi nzenze. Moa a zgi ahe lo a bla a gre Elistra, moa a zgi Elistra a bla a gre Ekoniyom, moa a zgi ahe lo a bla a gre Antakiya la a wo Ebisidiya.

Otum 13:51

Moa la a nyum oshpa lo a ndza abgo mo nga moa a gre emo osku ba Ekoniyom.

Otum 6:3

Okyku eka he, agimi anáŋ, o raŋ o gre bimi e sla moanáŋ afoha, moa la ba Ogbgaodzi o kpo otum pa la mo, nga a wo la okaobmye ma. Agi e da moahi lo angyiŋ á ba a kpo otum o gʼba anzho lo.

1 Etimoti 5:25

Ozhezhẽ he lo angyiŋ, moa a la a ka otum ba owlama zheŋ, nga etum la e wo zheŋ mbo, moa á kpo á gbu moa á ghre lo mbo.

Otum 1:15

Ambla elum fi nga moare la a bmi ba adlidzi ta la Eyesu moa a shki eshki. Moa a wo eka endgaekyeŋ la ekʼpoeha. Ebitru a kso nga a nyuŋ mo a lu mi le,

Otum 14:1

Ewu e sa e kso osku ba Ekoniyom. Oblus ta la Abarnaba moa a gre osku he lo nga, moa a gre anwyeakulu moaEyahuda. Moa a nyum oshpa osheshye nga moaEyahuda ta la moa la a wo moaEyahuda mbo nzenze a bmi ba adlidzi.

Otum 14:6

Omba moa la a nyum oshpa a gno eka he a khwo nga, moa a knye a gre Elistra, ta la Edabe, obiŋ ba Elakoniya ta la akekaŋ ba obiŋ hi lo.

MoaEfilibi 2:22

Agimi a mbo e yi eka baŋ a tsa owlama eshri baŋ zhezheŋ. Agimi e yi eka baŋ a dzu eka anwye me angyiŋ, nga eka baŋ a la a kpo otum ta la adaŋ okyku Oshpaodzadzi he lo.