12 Agi e zgi Eniyapoli e gre Efilibi, osku he lo o gyuŋ la anyuŋ-ondzu. Osku he lo o wo ori anwye ogʼba obiŋ ba Amasidoniya. MoaOroma a la a ri ekʼpo ahe lo. Agi e kpo elum oshushku ahe lo.
Agimi e yi eka ba moa a kpo gi ewu, nga moa a dzĩ gi osku ba Efilibi omba ba agi e ba okro bimi osku ba Etasolonika a wo mbo. Ambo Ahogbrẽ a shri oshye-esõ a shri a da gi okyku o da gi e lu Oshpaodzadzi la o zgi okro ba Ahogbrẽ e ygi gimi. Oklaodlo o wo ma egyagi a mbo agi e lu.
Akpa he lo a zgi abgo Oblus ta la Etimoti, moawaghrẽ ba Ekristi Eyesu. Alo a wo okyku moarehwĩ la a lu Ahogbrẽ ma pyeŋ la a dzu osku ba Efilibi, moa la a bmi ba adlidzi ta la Ekristi Eyesu, pa la moandakʼpo ba Eklisiya, pa la moa la a kpo a ghwo la mo.
Agi e gre amgblami osku ba Efilibi ambla bi e ri Abgo ba Agbrotsa la a nyom mbo. Ambla ba elum etno nga agi e yi e hwiŋ mo osku ba Otrosa. Agi e kpo asati akyeŋ ahe lo.
Onda he lo okyukyku nga, Oblus a ka okoka. Okoka he lo, aŋa a ka alom ba Amasidoniya nga a vẽ ŋa a lu mi le, Aŋo o ba Amasidoniya okyku o kpo o ghwo la gi!
Ambla ba Oblus a ka okoka he lo nga, agi e vu anzho abgo e khwo nga e gre Amasidoniya. Agi e ka tki, Ahogbrẽ a klo bi e yi e nyum Oshpaodzadzi e ygi moarehwi ba Amasidoniya.
Omba ba Esila ta la Etimoti a zgi Amasidoniya a ba nga, moa a hwiŋ Oblus a la a nyum oshpa osheshye pa la moaEyahuda, nga a la a lu mi le, Eyesu angyiŋ a wo Emisiya.
Ambla ba ayakplo he a kpo nga, Oblus a zga eso ba o yi Amasidoniya nga o yi Egrise, nga o bla o ba o yi Orushalima. Oblus a lu mi le, Ambla ba ame e gre a mi lo bgu le, ame é bre é yi Oroma.
Odlo he lo o kso eso moare osku lo mvye. Moare a gre a yi a vu Egayu, ta la Aristaku. Moaha he lo a wo moarehwi ba Amasidoniya angyiŋ. Moa a la a dzi ta la Oblus. Moa a vu mo a shri a gre anyuŋ aku moa a la a shki ma.
Ambla ba eso e gbu moare obiŋ nga, Oblus a bzi moa la a bmi ba adlidzi mvye nga a lu odlo okyku o shĩ mo, nga a shri oyiamo a da mo. Nga a kso a gre Amasidoniya.
A dzu Egrise eha etra. A vu eŋa abgo, a klo o ba o yi Esiriya, a mbo a gno ma moaEyahuda a fu eshri okyku o vu ŋa. Okyku eka he a zga eso ba o sõ Amasidoniya.
Agi e gre amgblami ba Adramitiyum. Amgblami lo a wo ozhẽ ba o yi anyu-ami andandandim ba obiŋ ba Asiya, nga a ba o yi oyi. Alo-makyeŋ moa a bzi ŋa ma Aristaku, aŋa a wo a ba obiŋ ba Amasidoniya. Aŋa a zgi Etasolonika. A wo ka la gi.
Okyku eshi moa la a lu Ahogbrẽ ma obiŋ ba Amasidoniya, ta la Egrise, moa a shri okpoghwo okyku o kpo o ghwo la moaekŋe eshki moa la a lu Ahogbrẽ ma osku ba Orushalima.