Otum 16:1 - Ohwihwim Olehe

¹ Oblus a gre Edabe ta la Elistra. Alomakyeŋ la a bmi ba adlidzi a wo Elistra, eshko baŋ e ri Etimoti. Anaŋ a wo a ba Eyahuda, nga aŋa a bmi ba adlidzi. Ambo adaŋ a wo a ba Egrise.

Otum 16:1 Referans Kwoze

2 Etimoti 1:5

Ame e yi edgu obmi ba adlidzi ba adlidzi boŋ o wo alo ma. Anaŋ anoŋ, Oluwi, ta la anoŋ Oyunesi, moa a wo la edgu obmi ba adlidzi he lo angyiŋ e ma. Ame e yi zhezheŋ boŋ o wo la edgu obmi ba adlidzi he lo a mbo.

2 Etimoti 1:2

Aŋo Etimoti, anwye me ba ame e klo ŋo, Ahogbrẽ la a wo Adigi, ta la Ekristi Eyesu Adigi-odne a shri okpoghwo ta la okayiekŋe, ta la opyapyaŋ a doŋ.

1 Etimoti 1:2

Akpa he lo a wo okyku Etimoti anwye me ba adlidzi ibu obmi ba adlidzi. Ahogbrẽ la a wo Adigi, ta la Ekristi Eyesu Adigi-odne, moa a shri okpoghwo ta la okayiekŋe, ta la opyapyaŋ a shri a doŋ.

1 MoaEtasolonika 3:2

Nga omba lo agi e hom Etimoti otum, aŋa a wo anigi la a la a kpo otum ka la gi otsotse okyku Ahogbrẽ. Aŋa a la a nyum Oshpaodzadzi eshri ba Ekristi. Agi e hom ŋa otum okyku o daŋ a shĩ gimi nga okyku o daŋ a kpo a ghwo la gimi ozhẽ ba obmi ba adlidzi bimi,

1 MoaOkorinti 4:17

Okyku eka he lo angyiŋ, ame e hom Etimoti otum okro bimi. Aŋa a wo anwye me eshko ba Adigi-odne ba ame e klo ŋa nga la a wo adlidzi. Á dzũ gimi eka ozhẽ ba ame e la e sõ ibu ba eso elehe la e wo okro ba Ekristi Eyesu, nga ba ame e la e nye Eshki ba Ekristi okroyaŋ a mbo.

Otum 18:5

Omba ba Esila ta la Etimoti a zgi Amasidoniya a ba nga, moa a hwiŋ Oblus a la a nyum oshpa osheshye pa la moaEyahuda, nga a la a lu mi le, Eyesu angyiŋ a wo Emisiya.

Otum 17:14

Moanáŋ a ka eka he nga, moa a knye la Oblus a shri a gre akaŋ anyuŋ-ondzu. Ambo Esila ta la Eti-moti, moa a ra a dzu Eberiya.

2 MoaEtasolonika 1:1

Akpa he lo a zgi abgo Oblus ta la Esila, ta la Etimoti. Alo a wo okyku moarehwĩ ba Eklisiya ba osku ba Etasolonika. Moa a wo moarehwĩ ba Ahogbrẽ la a wo Adigi, ta la Adigi-odne Eyesu Ekristi.

MoaOkolosi 1:1

Akpa he lo a zgi abgo me Oblus. Ahogbrẽ la okoklo baŋ angyiŋ a da me e dzu are la a nyum oshpa ba Ekristi Eyesu. Akpa lo a zgi abgo ba anigi Etimoti a mbo.

MoaEfilibi 2:19

Ame e ka ayi ozhẽ ibu ba Adigi-odne Eyesu baŋ á da me e hom Etimoti otum okro bimi ambla fi, okyku o da oshpa ba odzudzu bimi o shri oshye-esõ o shri o da me.

MoaOroma 16:21

Etimoti, are la a la a kpo otum pa la me a la a shko gimi. Nga Olusiyu a mbo, ta la Ejasoŋ, ta la Ososibita, moa a shko gimi. Moahi lo moa a wo moaEyahuda angyiŋ.

Otum 14:6

Omba moa la a nyum oshpa a gno eka he a khwo nga, moa a knye a gre Elistra, ta la Edabe, obiŋ ba Elakoniya ta la akekaŋ ba obiŋ hi lo.

MoaIbrani 13:23

Ambo ame e klo ba gimi e yi ba moa a se anigi Etimoti a sku aku bgu. O wo baŋ a ba oshoshoŋ angyiŋ le, ame é daŋ á ba pa la me omba ba ame é ba e ba okro bimi.

1 Etimoti 1:18

Aŋo Etimoti anwye me, ame e shri odaŋ he lo e ghwo ŋo abgo. Odaŋ he lo o wo eshri ekplo ba moa a ka nga a lu odlo eshri boŋ ogbyigbyi angyiŋ. Okyku eka he o da odlo he lo angyiŋ o dzu anzho eko boŋ ibu eko edzadzi boŋ o la o ta he lo,

1 MoaEtasolonika 1:1

Akpa he lo a zgi abgo ba Oblus ta la Esila, ta la Etimoti. A wo okyku moarehwĩ ba Eklisiya ba osku ba Etasolonika la a wo moarehwĩ ba Ahogbrẽ la a wo Adigi, ta la Adigi-odne Eyesu Ekristi. Okpoghwo ta la opyapyaŋ o dzu ka la gimi.

MoaEfilibi 1:1

Akpa he lo a zgi abgo Oblus ta la Etimoti, moawaghrẽ ba Ekristi Eyesu. Alo a wo okyku moarehwĩ la a lu Ahogbrẽ ma pyeŋ la a dzu osku ba Efilibi, moa la a bmi ba adlidzi ta la Ekristi Eyesu, pa la moandakʼpo ba Eklisiya, pa la moa la a kpo a ghwo la mo.

Otum 19:22

Okyku eka he nga, a hom Etimoti, ta la Erastu otum a da mo a gre Amasidoniya. Moahi lo a la a kpo a ghwo a ŋa. A ta abyi obiŋ ba Asiya ple ayga.

2 Etimoti 3:11

Aŋo nga o ka eka ba ame e la e kpo avuolo nga e kpo ewu. Aŋo o yi edgu ayakplo pyeŋ la a la a kpo pa la me omba ba ame e wo osku ba Antakiya, ta la Ekoniyom, ta la Elistra. Aŋo o yi eka ba ame e kpo ekŋe e gre eshri! Ambo Ahogbrẽ a shla me abgo ewu he lo pyeŋ.

1 MoaEtasolonika 3:6

Ohuhuhi nga Etimoti a zgi okro bimi a ba okro bi, nga a shri oshpa ba o raŋ gi esõ eshri obmi ba adlidzi bimi, ta la oklo bimi a mbo a shri a ba. A lu a da gi a lu ma agimi e lu odlo odzi eshri bi ombamba pyeŋ. Nga a lu ma agimi e wo la ekhwo ma okyku o ka gi eka bi a mbo e wo la ekhwo ma okyku o ka gimi.

2 MoaOkorinti 1:19

Okyku eshi Eyesu Ekristi la a wo Anwye ba Ahogbrẽ, ba Esila ta la Etimoti ta la me, bi e nyum oshpa baŋ egi ayi bimi, Ekristi a wo are la a wo obibmi ta la ototla angyiŋ mbo. Ambo aŋa a wo obibmi ba Ahogbrẽ angyiŋ.

2 MoaOkorinti 1:1

Akpa he lo a zgi abgo ba Oblus are la a nyum oshpa ba Ekristi Eyesu, eka ba Ahogbrẽ a sheŋ a sla. Akpa he lo a zgi abgo ba Etimoti anigi bubgu. Alo a wo okyku Eklisiya ba Ahogbrẽ osku ba Okorinti, pa la moarehwi ba Ahogbrẽ la a wo obiŋ ba Egrise.

1 MoaOkorinti 7:14

Okyku eshi alom la a bmi ba adlidzi mbo, a kpo a gbu baŋ a zhiŋ a lu Ahogbrẽ ma okyku ashe he lo. Nga ashe la a bmi ba adlidzi mbo, a kpo a gbu baŋ a zhiŋ a lu Ahogbrẽ ma okyku alom la a lu Ahogbrẽ ma he lo. Ambo o wo ba alo o wo eka he angyiŋ mbo le, moanwye mo moa á dzu eka moanwye ba evbu ototno. Ambo ozhẽ he sha moa á ba a lu Ahogbrẽ ma.

Otum 14:21

Oblus ta la Abarnaba, moa a nyum Oshpaodzadzi osku ba Edabe. Moa hwiŋ moare la a bmi ba adlidzi nzenze. Moa a zgi ahe lo a bla a gre Elistra, moa a zgi Elistra a bla a gre Ekoniyom, moa a zgi ahe lo a bla a gre Antakiya la a wo Ebisidiya.

Otum 14:1

Ewu e sa e kso osku ba Ekoniyom. Oblus ta la Abarnaba moa a gre osku he lo nga, moa a gre anwyeakulu moaEyahuda. Moa a nyum oshpa osheshye nga moaEyahuda ta la moa la a wo moaEyahuda mbo nzenze a bmi ba adlidzi.

1 MoaOkorinti 16:10

O wo ba Etimoti a ba okro bimi le, agimi e yga ŋa la ovyevye, okyku eshi a la a kpo otum okyku Adigi-odne eka ba ame a mbo e kpo otum okyku Adigi-odne.

Efilimo 1:1

Akpa he lo a zgi abgo me Oblus ba moa a vu a ta aku okyku Ekristi Eyesu, alo a zgi abgo ba anigi Etimoti bubgu. Agi e ta lo e kom ŋo akyegiazba Efilimo la a kpo otum ka la gi otsotse,