Otum 15:9 - Ohwihwim Olehe

⁹ Aŋa a sko mo ka la gi a zga okyekyeŋ. A kyu mo abgo odlobi mo okyku moa a bmi ba adlidzi.

Otum 15:9 Referans Kwoze

MoAfisu 3:6

Eshyẽ he lo angyiŋ e wo Oshpaodzadzi. Ibu ba ozhẽ he lo angyiŋ moa la a wo moaEyahuda mbo pa la moaEyahuda, a pu owlama ba Ahogbrẽ. Moa a dzu évgi ba egʼba ekyekyeŋ angyiŋ a mo. Nga moa a mbo a wo la ogʼba ohwihwim ba Ahogbrẽ a hwim okro ba Ekristi Eyesu.

Otum 10:28

A nyuŋ mo a lu mi le, Agimi e sheŋ e yi ba arehwĩ ba Eyahuda, ba ozhẽ baŋ a sõ o nyom ŋa okyku o daŋ a kaŋ a bga pa la moa la a wo moaEyahuda mbo. Ambo Ahogbrẽ a tsa me a lu mi ma ame e shrlu arekyeŋ mbo.

MoaOkolosi 3:11

Okyku ohe lo, egʼba eka ba egʼba moaEyahuda pa la moa la a wo moaEyahuda mbo, ta la are la a sheŋ ongyum, ta la are la a sheŋ ongyum mbo, ta la are la a wo evbu, ta la are la a hwile ayi mbo, ta la awaghrẽ, ta la are la a wo awaghrẽ mbo, e wo ma mbo. Ambo Ekristi angyiŋ a wo ekployaŋ a mbo. Ekristi nga a wo ékployaŋ a mbo!

MoaEgalasiya 5:6

Okyku eshi, omba ba agi e wo okŋeobga ta la Ekristi Eyesu, osheŋongyum, ta la osheŋongyum mbo, alo o shri ondun-dumokyeŋ o shri o ba mbo ku-ku. Ekplo la e wo edzi, e wo obmi ba adlidzi la o la o kpo otum ozhẽ ba oklo sha angyiŋ.

MoaEgalasiya 3:28

Okyku eka he egʼbakyeŋ e wo agʼbaha ba moaEyahuda pa la moa la a wo moaEyahuda mbo mbo, nga egʼbakyeŋ e wo agʼbaha moawaghrẽ pa la moa la a wo la odzudum mbo. Egʼbakyeŋ e wo agʼbaha moarealom pa la moashe mbo. Agimi e wo okyekyeŋ angyiŋ okŋeobga ta la Ekristi Eyesu.

1 MoaOkorinti 1:2

Agimi Eklisiya ba Ahogbrẽ la e wo osku ba Okorinti, pa la moarehwi pyeŋ ba Ahogbrẽ a bzi mo okyku o da mo a dzu moarehwi baŋ, moa la a wo moarehwi baŋ okro ba okŋeo-bga ba Ekristi Eyesu, nga pa la moarehwi ba okroyaŋ a mbo la a hlu Adigi-odne Eyesu Ekristi la a wo Adimo-odne, ta la Adigi-odne eshko.

MoaOroma 3:22

Ahogbrẽ a shri opyapyaŋ a zga agʼbaha baŋ pa la moarehwi ozhẽ obmi ba adlidzi ta la Eyesu Ekristi angyiŋ. Egʼbakyeŋ e wo ma mbo. Ahogbrẽ a kpo ohi lo okyku areyaŋ a mbo.

Otum 11:12

Ogbgaodzi o tsa me ma ame e ngli mbo, ma ame e yi pa la mo shoshoŋ. Moanáŋ afĩ hi a gre Esizariya pa la me, agi mvye e gre odne ba Okoniliyu.

1 Ebitru 1:22

Nga ohuhuhi, agimi e sheŋ e nyuŋ eshri bimi e ndza ozhẽ ba okpaŋ adlidzi, nga agimi e dzu la oklo ba adlidzi okyku moanigimi la a bmi ba adlidzi a mbo. Okyku eka he nga agimi e la e klo egimi la esõ bimi pyeŋ.

Otum 10:34

Ebitru a lu mi le, Ame e ka e bmye ohuhuhi ba Ahogbrẽ a sko gi mvye a zga okyekyeŋ angyiŋ.

1 MoaOkorinti 7:18

O wo ba are ba moa a sheŋ ŋa ongyum a yga obzi ba Ahogbrẽ le, o raŋ o gre baŋ a ghre lo mbo. Nga o wo ba are ba moa a sheŋ ŋa ongyum mbo a yga obzi ba Ahogbrẽ le, aŋa a da mo a sheŋ ŋa ongyum okyku lo mbo.

MoaOroma 9:24

Agi angyiŋ aŋa a sla gi. A sla moare eshki moaEyahuda sha mbo, ambo a sla moare eshki moa la a wo moaEyahuda mbo a mbo.

MoaOroma 3:9

Agi Eyahuda e gno oraŋ e gre moa la a wo moaEyahuda mbo? Otsitsi a mbo mbo! Ame e sheŋ e tsa gimi bgu, moaEyahuda, ta la moahwõ mvye, moa a wo moawaghrẽ ba odlobi angyiŋ.

Otum 14:27

Omba ba moa a gbu Antakiya nga, moa a pla moare Eklisiya mvye a shki, nga moa a lu ayakplo ba Ahogbrẽ a kpo pa la mo mvye a da mo, nga moa a lu eka ba Ahogbrẽ a hwile ozhẽ okyku moa la a wo moaEyahuda mbo a mbo, okyku o da mo a bmi ba adlidzi.

Otum 14:1

Ewu e sa e kso osku ba Ekoniyom. Oblus ta la Abarnaba moa a gre osku he lo nga, moa a gre anwyeakulu moaEyahuda. Moa a nyum oshpa osheshye nga moaEyahuda ta la moa la a wo moaEyahuda mbo nzenze a bmi ba adlidzi.

Otum 10:15

Ambo Ebitru a tno ŋa ma a lu mi le, Adigi-odne, o kpo o gbu mbo ku-ku! Ame e taŋ ema la e wo eshre e ka mbo.