Otum 15:6 - Ohwihwim Olehe

⁶ Moa la a nyum oshpa, pa la moandakʼpo a shki otsotse okyku o mbli odlo he lo o ka.

Otum 15:6 Referans Kwoze

MoaIbrani 13:17

O raŋ o gre ba agimi e ka moandakʼpo la olbi nga e kpaŋ odlo mo. Moa a la a kpaŋ esõ bimi a la a dzu a dum mbo, okyku eshi o dzu mo omgbybi ba moa á ba a shri etsko otum mo á ba a shri á da Ahogbrẽ. O wo ba agimi e la e fa olbi e da mo le, moa á kpo otum mo la esõ ekyle. O wo eka he mbo le, moa á kpo lo la esõ ebili. Nga alo ó kpo ó ghwo la gimi mbo.

MoaIbrani 13:7

E dzu moandakʼpo bimi ba ayga la a lu odlo ba Ahogbrẽ a ygi gimi. Agimi e tne aga adzadzi e ka, eka ba moa a la a dzu nga a kpu. Agimi nga e la e mbili obmi ba adlidzi moahi lo.

Otum 15:25

Okyku eka he agi e shki nga e sla moarekyeŋ nga e hom mo otum okro bimi. Moa a ba pa la moakyegiazba ba adlidzi, Abarnaba ta la Oblus.

Otum 21:18

Onda oha nga Oblus a gre ka la gi okyku o ka Eyakubu pa la moandakʼpo ba Eklisiya la a wo ma.

Otum 15:4

Omba moa a gbu Orushalima nga, Eklisiya e yga mo la ovyevye. Moa la a nyum oshpa pa la moandakʼpo a mbo mvye. Moa a lu ayakplo ba Ahogbrẽ a kpo pa la mo a da mo.

Otum 6:2

Okyku eka he moa la a nyum oshpa otsko lo a pla moanwyeotum mvye a shki nga, moa a lu mi le, Alo o wo odzi ba agi e dzu otum Ahogbrẽ e zga nga e la e kla anzho mbo.

Amatiyu 18:20

Okyku eshi okroyaŋ a mbo, ba moare aha, o mbo le atra a shki ma eshko me le, ame e wo ma pa la mo.

Otum 11:30

Moa a pla amgbaŋ nga moa a shri lo a da Abarnaba ta la Eshawlu okyku o da mo a shri lo a da moandakʼpo Eklisiya.

Otum 15:2

Oblus ta la Abarnaba, moa a kʼpi ohwa ta la mo a kla ohe lo a gre eshri. Okyku eka he moa a hwim a lu mi ma Oblus ta la Abarnaba, ta la moakyeŋ ba Antakiya lo a yi Orushalima nga, a lu a da moa la a nyum oshpa pa la moandakʼpo eshri odlo he lo.

Otum 15:22

Okyku eka he moa la a nyum oshpa ta la moandakʼpo lo, ta la Eklisiya pyeŋ, moa a hwim moa a ba a sla moakyeŋ eshki mo, a da mo a yi Antakiya ta la Oblus, ta la Abarnaba. Moa a sla alom moa a bzi ŋa ma Eyahuda, eshko baŋ e ba oha e ri Abasaba, ta la Esila. Moarehwi aha he lo, moanáŋ a bmi pa la mo a gre eshri.

Otum 16:4

Omba moa a la a dzi oklo esku he lo nga, moa a su odaŋ moa la a nyum oshpa pa la moandakʼpo a hwim Orushalima moa a ba a kpo otum ta la lo. Moa a nyuŋ mo ma moa a kpaŋ lo.