Otum 15:5 - Ohwihwim Olehe

⁵ Ambo moakyeŋ eshki moa la a bmi ba adlidzi, la a wo a ba ogu moaEfarisi, moa a kso nga a lu mi le, O dzu omgbybi ba moa a sheŋ ongyum, nga moa a kpaŋ odaŋ ba Omusa.

Otum 15:5 Referans Kwoze

Otum 15:1

Moarekyeŋ a zgi Eyahuda a ba Antakiya nga moa a nye moanáŋ a lu mi le, Agimi e hwiŋ oshla mbo o wo le moa a sheŋ gimi ongyum eka ba odaŋ ba Omusa o lu ayga dne.

Otum 21:20

Ambla moa a gno oshpa he lo a khwo nga, moa a hlu Ahogbrẽ eshko. Nga moa a nyuŋ Oblus a lu mi le, Anáŋ o ka eka ba ayakplo a wo. MoaEyahuda nzenze la a bmi ba adlidzi a wo ma, moa a la a kpaŋ odaŋ ba Omusa lo adzadzi.

Otum 15:24

Agi e gno ma moakyeŋ eshki bi, a gre a shri eyi odlo a fu, nga a lu odlo la o tpi gimi eso ayi. Agi angyiŋ e hom mo otum e da mo a gre a yi a lu eka he mbo.

Otum 24:5

Agi e ka tki, alom he lo a wo are la a wo oyla, nga a la a tpi okro ayi. Aŋa a la a sla eshki moaEyahuda ayi ayaŋ a mbo obiŋ hi. Nga a sa a wo andakʼpo ba eshki moa a bzi lo ma Anazari.

Amatiyu 3:7

Omba ba Eyohana a ka moaEfarisi, pa la moaEsaduki nzenze a ba okyku o daŋ a kpo mo abaptisma nga, aŋa a nyuŋ mo a lu mi le, Agimi emabi, ayi a lu a da gimi, bimi é kpo é gbu bimi é gro ombgu ba Ahogbrẽ la ó ba?

Otum 5:17

Anyuŋ-andakʼpo olu ba Ahogbrẽ, pa la moandakʼpo la a kpo otum ka la ŋa, moare ba ogu Esaduki moa a kpo efpu moa la a nyum oshpa lo a gre eshri. Okyku eka he moa a zga eso o vu mo.

Otum 24:14

Ame e bmi ta la odlo he egi ayi boŋ. Ame e lu Ahogbrẽ moadigi ma, nga ame e la e sõ Ozhẽ moa a la a lu mi ma alo o wo o ba akpro. Nga ame e bmi ta la ekployaŋ a mbo moa a ta odaŋ ba Omusa, ta la akpekpa moarehwi ba Ahogbrẽ a hom mo otum.

Otum 28:22

Agi e klo e gno ekplo boŋ o ka, okyku eshi agi e yi zhezheŋ okroyaŋ a mbo moare a la a lu odlo ototno eshri ozhẽ he lo.

1 MoaOkorinti 7:18

O wo ba are ba moa a sheŋ ŋa ongyum a yga obzi ba Ahogbrẽ le, o raŋ o gre baŋ a ghre lo mbo. Nga o wo ba are ba moa a sheŋ ŋa ongyum mbo a yga obzi ba Ahogbrẽ le, aŋa a da mo a sheŋ ŋa ongyum okyku lo mbo.

MoaEgalasiya 2:11

Omba ba Ebitru a ba osku Antakiya ame e shraŋ ŋa eshki, okyku eshi aŋa a ta akpu zhezheŋ.

MoaEgalasiya 2:14

Omba ba ame e ka ba moa a dzi ozhẽ shasha ta la adlidzi ba Oshpaodzadzi mbo, ame e nyuŋ Ebitru egi ayi moare pyeŋ e lu mi le, Aŋo o wo a ba Eyahuda angyiŋ, ambo aŋo o la o dzu eka are la a wo a ba Eyahuda mbo. Aŋo o la o dzu eka a ba Eyahuda angyiŋ mbo. Okyku eshi aŋo o klo o vu moa la a wo moaEyahuda mbo omgbybi okyku o da mo a dzu eka moaEyahuda?