Otum 15:4 - Ohwihwim Olehe

⁴ Omba moa a gbu Orushalima nga, Eklisiya e yga mo la ovyevye. Moa la a nyum oshpa pa la moandakʼpo a mbo mvye. Moa a lu ayakplo ba Ahogbrẽ a kpo pa la mo a da mo.

Otum 15:4 Referans Kwoze

Otum 15:12

Moa-eshki mvye a dzu tki nga moa a ngli a gno oshpa ba Oblus ta la Abarnaba a la a lu. Moa a lu eka ba Ahogbrẽ a shri ekʼpo a da mo nga, moa a kpo ayakplo egbregbre egi ayi moa la a wo moaEyahuda mbo.

Otum 14:27

Omba ba moa a gbu Antakiya nga, moa a pla moare Eklisiya mvye a shki, nga moa a lu ayakplo ba Ahogbrẽ a kpo pa la mo mvye a da mo, nga moa a lu eka ba Ahogbrẽ a hwile ozhẽ okyku moa la a wo moaEyahuda mbo a mbo, okyku o da mo a bmi ba adlidzi.

Otum 15:3

Eshki ba Ekristi osku ba Antakiya angyiŋ a hom mo otum. Moa a sõ Efonisha ta la Asamariya. Moa a tsu oshpa a da mo eka moa la a wo moaEyahuda mbo a zhiŋ a lu Ahogbrẽ ma. Moanáŋ a gno oraŋ ta la oshpa he lo nzenze.

MoaOroma 15:18

Ame é tspi osheshye e nyum oshpa ba ekplo ba Ekristi a kpo pa la me, okyku o da me e tsa nga, okyku o da mo a bmi ta la Ahogbrẽ. Ohe lo ó kpo ozhẽ o nyum oshpa, ta la o kpo otum,

Otum 21:17

Omba bi e gbu Orushalima, moanáŋ a shri obamo a shri a da gi adzadzi.

2 Eyohana 1:10

O wo ba arekyeŋ a ba okro bimi la edgu onyenye he lo angyiŋ mbo le, agimi e yga ŋa adne bimi mbo. Nga agimi e nyuŋ ŋa e lu mi le, Opyapyaŋ o dzu ka la ŋo, mbo.

MoaOkolosi 4:10

Aristaku la a wo aku pa la me, a shko gimi. Amarku a mbo la a wo akha Abarnaba a shko gimi. Moa a sheŋ a tsa gimi ayakplo eshri baŋ okyku o da gimi e yga ŋa o wo baŋ a ba.

2 MoaOkorinti 6:1

Agimi e sheŋ e hwiŋ okpoghwo ba Ahogbrẽ. Okyku eka he ibu otum bi ta la Ahogbrẽ, agi e la e vẽ gimi okyku o da gimi e da okpoghwo he lo o tpi ayi ototno mbo.

2 MoaOkorinti 5:19

Oshpa ba agi e la e nyum o la o tsa eka ba Ahogbrẽ a la a ri ekpom ta la areyaŋ a mbo okro Ekristi. Ahogbrẽ a ka a ta akplokyeŋ eshri odlobi mo a zga ma mbo. Ambo a lu oshpa a da gi eka baŋ a zhiŋ mo a da mo a dzu moakyeŋazba.

1 MoaOkorinti 15:10

Ambo okyku okpoghwo ba Ahogbrẽ angyiŋ, ame e zhiŋ e dzu eka ba ame e wo hi. Nga okpoghwo baŋ a kpo a ghwo la me, alo o wo o ba ototno angyiŋ mbo, okyku eshi ame e kpo otum lo osheshye e gre moahwõ pyeŋ la a nyum oshpa. Ambo o wo eka he okyku ba ame angyiŋ e klo mbo, ambo okpoghwo ba Ahogbrẽ angyiŋ o la o kpo otum pa la me.

MoaOroma 15:7

Agimi e bmi ta la egimi okyku eshko ba Ahogbrẽ eka ba Ekristi a bmi ka la gimi.

Otum 21:19

Oblus a shko mo a khwo nga, a tsi oshpa ba ekployaŋ a mbo ba Ahogbrẽ a kpo okro otum baŋ egi ayi moa la a wo moaEyahuda mbo.

Otum 18:27

Apolos a zga eso ba o yi Egrise. Okyku eka he moa la a bmi ba adlidzi osku ba Afisu, moa a kpo a ghwo a ŋa nga moa a ta akpa a shri a daŋ a kom moanáŋ la a wo Egrise. Moa a ta ma moa a yga Apolos la eso ekyekyeŋ. Omba baŋ a wo Egrise, a kpo a ghwo moare la a bmi ba adlidzi okyku okpoghwo ba Ahogbrẽ.

Amatiyu 10:40

Areyaŋ a mbo la a yga gimi le, a yga me angyiŋ, nga areyaŋ a mbo la a yga me le, a yga are la a hom me otum.

Otum 11:30

Moa a pla amgbaŋ nga moa a shri lo a da Abarnaba ta la Eshawlu okyku o da mo a shri lo a da moandakʼpo Eklisiya.

Otum 15:2

Oblus ta la Abarnaba, moa a kʼpi ohwa ta la mo a kla ohe lo a gre eshri. Okyku eka he moa a hwim a lu mi ma Oblus ta la Abarnaba, ta la moakyeŋ ba Antakiya lo a yi Orushalima nga, a lu a da moa la a nyum oshpa pa la moandakʼpo eshri odlo he lo.

Otum 15:6

Moa la a nyum oshpa, pa la moandakʼpo a shki otsotse okyku o mbli odlo he lo o ka.

Otum 15:22

Okyku eka he moa la a nyum oshpa ta la moandakʼpo lo, ta la Eklisiya pyeŋ, moa a hwim moa a ba a sla moakyeŋ eshki mo, a da mo a yi Antakiya ta la Oblus, ta la Abarnaba. Moa a sla alom moa a bzi ŋa ma Eyahuda, eshko baŋ e ba oha e ri Abasaba, ta la Esila. Moarehwi aha he lo, moanáŋ a bmi pa la mo a gre eshri.

Otum 16:4

Omba moa a la a dzi oklo esku he lo nga, moa a su odaŋ moa la a nyum oshpa pa la moandakʼpo a hwim Orushalima moa a ba a kpo otum ta la lo. Moa a nyuŋ mo ma moa a kpaŋ lo.