Otum 15:2 - Ohwihwim Olehe

² Oblus ta la Abarnaba, moa a kʼpi ohwa ta la mo a kla ohe lo a gre eshri. Okyku eka he moa a hwim a lu mi ma Oblus ta la Abarnaba, ta la moakyeŋ ba Antakiya lo a yi Orushalima nga, a lu a da moa la a nyum oshpa pa la moandakʼpo eshri odlo he lo.

Otum 15:2 Referans Kwoze

MoaEgalasiya 2:5

Agi e ka e bmi pa la mo tsi mbo ku-ku, okyku o da gi e kpaŋ adlidzi ba Oshpaodzadzi okyku gimi.

2 MoaOkorinti 11:5

Ame e bmi ba ame e wo ambla e gre moa edgu moare la a nyum gimi oshpa, ba agimi e sko mo e zga la anyuanyuŋ hi mbo!

Otum 15:4

Omba moa a gbu Orushalima nga, Eklisiya e yga mo la ovyevye. Moa la a nyum oshpa pa la moandakʼpo a mbo mvye. Moa a lu ayakplo ba Ahogbrẽ a kpo pa la mo a da mo.

Otum 11:30

Moa a pla amgbaŋ nga moa a shri lo a da Abarnaba ta la Eshawlu okyku o da mo a shri lo a da moandakʼpo Eklisiya.

Eyahuda 1:3

Agimi akyemeazba! Ame e zga ayi ngre okyku o da me e ta gimi akpa eshri ba oshla ba agi pyeŋ e pu ma. Ambo ohuhuhi ame e ka, alo o sa o raŋ o gre ba ame e ta gimi akpa, okyku o shĩ gimi okyku o da gimi e ta eko o ta-ta la esõ ekyekyeŋ, okyku obmi ba adlidzi ba Ahogbrẽ a shri a da moarehwĩ baŋ odgo okyekyeŋ nga o khwo.

1 MoaOkorinti 1:1

Akpa he lo a zgi abgo me Oblus. Ahogbrẽ angyiŋ a bzi me okyku o da me e dzu are la a nyum oshpa ba Ekristi Eyesu. Akpa lo a zgi okro ba anigi Osostani bubgu.

Otum 21:18

Onda oha nga Oblus a gre ka la gi okyku o ka Eyakubu pa la moandakʼpo ba Eklisiya la a wo ma.

Otum 16:4

Omba moa a la a dzi oklo esku he lo nga, moa a su odaŋ moa la a nyum oshpa pa la moandakʼpo a hwim Orushalima moa a ba a kpo otum ta la lo. Moa a nyuŋ mo ma moa a kpaŋ lo.

Otum 15:27

Eyahuda, ta la Esila, moa bi e hom mo otum okro bimi, moa á lu eka ekplo bi e ta akpa e da gimi.

Otum 15:25

Okyku eka he agi e shki nga e sla moarekyeŋ nga e hom mo otum okro bimi. Moa a ba pa la moakyegiazba ba adlidzi, Abarnaba ta la Oblus.

Otum 11:12

Ogbgaodzi o tsa me ma ame e ngli mbo, ma ame e yi pa la mo shoshoŋ. Moanáŋ afĩ hi a gre Esizariya pa la me, agi mvye e gre odne ba Okoniliyu.

Otum 10:23

Ebitru a da moare atra lo a gre odne eshyẽ nga a da mo a lom odne baŋ a bli endigiŋ. Onda oha aŋa a nyuŋ anzho a vu abgo nga a gre pa la mo. Moakyeŋ eshki moanáŋ ba Ojopa a mbo a gre ka la ŋa otsotse.