Otum 15:1 - Ohwihwim Olehe

¹ Moarekyeŋ a zgi Eyahuda a ba Antakiya nga moa a nye moanáŋ a lu mi le, Agimi e hwiŋ oshla mbo o wo le moa a sheŋ gimi ongyum eka ba odaŋ ba Omusa o lu ayga dne.

Otum 15:1 Referans Kwoze

MoaEgalasiya 5:6

Okyku eshi, omba ba agi e wo okŋeobga ta la Ekristi Eyesu, osheŋongyum, ta la osheŋongyum mbo, alo o shri ondun-dumokyeŋ o shri o ba mbo ku-ku. Ekplo la e wo edzi, e wo obmi ba adlidzi la o la o kpo otum ozhẽ ba oklo sha angyiŋ.

Otum 15:5

Ambo moakyeŋ eshki moa la a bmi ba adlidzi, la a wo a ba ogu moaEfarisi, moa a kso nga a lu mi le, O dzu omgbybi ba moa a sheŋ ongyum, nga moa a kpaŋ odaŋ ba Omusa.

MoaOkolosi 2:8

Agimi nga e la e nyuŋ e kpo-kpo okyku o da arekyeŋ a vu gimi a ghwo ewu okyku okaobmye ba arehwĩ ta la obile ba ototno mbo. Okũ ohe lo o wo ibu onyenye ba moarehwĩ a la a dzu o nyiŋ lo abgo ototno angyiŋ, ta la egbga ba obiŋ hi la e ri ekʼpo. Okũ lo o wo okro ba Ekristi angyiŋ mbo.

Otum 15:24

Agi e gno ma moakyeŋ eshki bi, a gre a shri eyi odlo a fu, nga a lu odlo la o tpi gimi eso ayi. Agi angyiŋ e hom mo otum e da mo a gre a yi a lu eka he mbo.

Eyohana 7:22

Okyku ba Omusa a jygu gimi odaŋ ma agimi e sheŋ moanwye bimi ongyum. Omusa angyiŋ a zga esi lo mbo, moadigimi angyiŋ a zga esĩ lo. Agimi e la e sheŋ moanwye ongyum onda Asabat.

MoaEgalasiya 2:1

Ambla ba eyi okʼpoenyi ame e bla e gre Orushalima ta la Abarnaba. Ame e da Etitu a mbo a dzi pa la me.

Otum 15:3

Eshki ba Ekristi osku ba Antakiya angyiŋ a hom mo otum. Moa a sõ Efonisha ta la Asamariya. Moa a tsu oshpa a da mo eka moa la a wo moaEyahuda mbo a zhiŋ a lu Ahogbrẽ ma. Moanáŋ a gno oraŋ ta la oshpa he lo nzenze.

Otum 6:14

Agi e gno alom he lo, a lu mi le, Eyesu ba Anazarata á kypi Anyuŋ-akulu lo, nga á nyiŋ ayakplo moadigi a la a kpo nga ba Omusa a nye gi!

MoaOkolosi 2:16

Okyku eka he, agimi e da arekyeŋ a jygu odaŋ eshri ekplo ba agimi e ri nga e wa mbo. O mbo le eshri olum ba esesla, o mbo le eshri oriabgo ba ohwa mbo. O mbo le eshri ba onda ba asabat mbo.

Otum 21:20

Ambla moa a gno oshpa he lo a khwo nga, moa a hlu Ahogbrẽ eshko. Nga moa a nyuŋ Oblus a lu mi le, Anáŋ o ka eka ba ayakplo a wo. MoaEyahuda nzenze la a bmi ba adlidzi a wo ma, moa a la a kpaŋ odaŋ ba Omusa lo adzadzi.

Otum 15:22

Okyku eka he moa la a nyum oshpa ta la moandakʼpo lo, ta la Eklisiya pyeŋ, moa a hwim moa a ba a sla moakyeŋ eshki mo, a da mo a yi Antakiya ta la Oblus, ta la Abarnaba. Moa a sla alom moa a bzi ŋa ma Eyahuda, eshko baŋ e ba oha e ri Abasaba, ta la Esila. Moarehwi aha he lo, moanáŋ a bmi pa la mo a gre eshri.

Otum 1:15

Ambla elum fi nga moare la a bmi ba adlidzi ta la Eyesu moa a shki eshki. Moa a wo eka endgaekyeŋ la ekʼpoeha. Ebitru a kso nga a nyuŋ mo a lu mi le,

Otum 15:23

Moa a hom moahi lo otum la akpa he lo. Moa a ta ma a lu mi le, Agi la e nyum oshpa, ta la moandakʼpo, agi e wo moanigimi. Agimi e shko moanáŋ, moa la a wo moaEyahuda mbo la a wo osku ba Antakiya, ta la Esiriya, ta la Esilisiya.

Otum 15:32

Eyahuda, ta la Esila, moa a wo moarehwi ba Ahogbrẽ a hom mo otum angyiŋ. Moa a lu odlo pa la moanáŋ nzenze, nga moa a gbu mo eso obiŋ.

MoaEgalasiya 6:12

Moa la a klo moare a ka mo moa a wo la anzho adzadzi egʼba, nga o sko ayakplo ba ototno o zga la anyuanyuŋ, moa angyiŋ a la a zga ngre okyku o da gimi e sheŋ ongyum omgbybi. Moa a la a kpo lo okyku eshi moa a bmi okyku o kpo ewu okyku egŋe aki ba Ekristi mbo.