Ayizhẽ Anyuŋ-akulu moa a bzi lo ma Ayizhẽ Adzadzi, moa a shri alomakyeŋ baŋ a buŋ adga omba moa a mbre ŋa, a zga ma. Moa a la a shri ŋa a yi a zga ayizhẽ he lo elulum okyku o daŋ a vẽ amgbaŋ ta la moa la a yi olu.
A tno ma a lu mi le, Andakʼpo, ame e wo arekyeŋ ma baŋ a shri me a ghwo ami omba ba moa a kpo ami esku mbo. Omba ba ame e klo o gre ma, moahwõ a la a gre me ori.
Oblus ta la Abarnaba, moa a nyum Oshpaodzadzi osku ba Edabe. Moa hwiŋ moare la a bmi ba adlidzi nzenze. Moa a zgi ahe lo a bla a gre Elistra, moa a zgi Elistra a bla a gre Ekoniyom, moa a zgi ahe lo a bla a gre Antakiya la a wo Ebisidiya.
Oblus a gre Edabe ta la Elistra. Alomakyeŋ la a bmi ba adlidzi a wo Elistra, eshko baŋ e ri Etimoti. Anaŋ a wo a ba Eyahuda, nga aŋa a bmi ba adlidzi. Ambo adaŋ a wo a ba Egrise.
Aŋo nga o ka eka ba ame e la e kpo avuolo nga e kpo ewu. Aŋo o yi edgu ayakplo pyeŋ la a la a kpo pa la me omba ba ame e wo osku ba Antakiya, ta la Ekoniyom, ta la Elistra. Aŋo o yi eka ba ame e kpo ekŋe e gre eshri! Ambo Ahogbrẽ a shla me abgo ewu he lo pyeŋ.