Otum 14:1 - Ohwihwim Olehe

¹ Ewu e sa e kso osku ba Ekoniyom. Oblus ta la Abarnaba moa a gre osku he lo nga, moa a gre anwyeakulu moaEyahuda. Moa a nyum oshpa osheshye nga moaEyahuda ta la moa la a wo moaEyahuda mbo nzenze a bmi ba adlidzi.

Otum 14:1 Referans Kwoze

Otum 18:4

Oblus a la a kla odlo pa la moaEyahuda anwyeakulu moaEyahuda onda Asabatyaŋ a mbo, okyku o daŋ a zhiŋ moaEyahuda ta la moaEgrise.

Otum 13:51

Moa la a nyum oshpa lo a ndza abgo mo nga moa a gre emo osku ba Ekoniyom.

Otum 13:46

Ambo ekakahelo, Oblus ta la Abarnaba, moa a nyum oshpa osheshye a lu mi le, O dzu omgbybi moa a nyum oshpa ba Ahogbrẽ a ygi gimi ori. Agimi e gno lo nga e tla lo. Agimi e ka owlama eso ba gbagbu-amo mbo, okyku eka he agi é dzu gimi é zga nga é yi okro moa la a wo moaEyahuda mbo.

Otum 14:21

Oblus ta la Abarnaba, moa a nyum Oshpaodzadzi osku ba Edabe. Moa hwiŋ moare la a bmi ba adlidzi nzenze. Moa a zgi ahe lo a bla a gre Elistra, moa a zgi Elistra a bla a gre Ekoniyom, moa a zgi ahe lo a bla a gre Antakiya la a wo Ebisidiya.

MoaEgalasiya 3:28

Okyku eka he egʼbakyeŋ e wo agʼbaha ba moaEyahuda pa la moa la a wo moaEyahuda mbo mbo, nga egʼbakyeŋ e wo agʼbaha moawaghrẽ pa la moa la a wo la odzudum mbo. Egʼbakyeŋ e wo agʼbaha moarealom pa la moashe mbo. Agimi e wo okyekyeŋ angyiŋ okŋeobga ta la Ekristi Eyesu.

MoaOroma 10:12

Ozhẽ he lo o hwile okyku areyaŋ a mbo angyiŋ. Ekplokyeŋ e wo ondundum okyku moaEyahuda, pa la moa la a wo moaEyahuda mbo, mbo. Ahogbrẽ a wo okyekyeŋ angyiŋ, Ahogbrẽ angyiŋ a wo Adigi mvye, nga a la a shri owlama nzenze a da areyaŋ a mbo la a vẽ ŋa.

MoaOroma 1:16

Ame e bmi ba adlidzi ta la Oshpaodzadzi la o wo ekʼpo ba Ahogbrẽ, okyku o shla moare la a bmi ba adlidzi. Oriori moaEyahuda, ambla he nga, moa la a wo moaEyahuda mbo.

Otum 19:17

MoaEyahuda pa la moa la a wo moaEyahuda mbo mvye la a wo Afisu a gno oshpa ekplo la e kpo. Okyku eka he moa a kpo eyli, nga moa a ka eshko Adigi-odne Eyesu la ekekʼpo.

Otum 19:8

Oblus a gre anwyeakulu moaEyahuda. Aŋa a la a nyum oshpa osheshye a da moare, nga a la a kla odlo pa la mo. A zga gble okyku o da mo a ka Oreŋ ba Ahogbrẽ a bmye. A kpo eha etra ahe lo.

Otum 18:8

Ekrispa andakʼpo anwyeakulu moaEyahuda a bmi ba adlidzi ta la Adigi-odne. Moa-odne baŋ a mbo pa la moare nzenze ba osku ba Okorinti a la a gno oshpa lo, moa a bmi ba adlidzi nga moa a kpo mo abaptisma.

Otum 17:12

Moare nzenze a bmi ba adlidzi. Moashe moandakʼpo ba Egrise nzenze, pa la moarealom nzenze ba Egrise a bmi ba adlidzi.

Otum 17:4

Moakyeŋ eshki mo moa a bmi ba adlidzi nga moa a lu Oblus ta la Esila ma. Moa-Egrise la a hlu Ahogbrẽ eshko, ta la moashe moandakʼpo a mbo a lu mo ma.

Otum 13:43

Ambla ba eshki e som ayi e khwo nga, moaEyahuda pa la moa la a wo moaEyahuda mbo la a zhiŋ a sõ ozhẽ moaEyahuda, moa a lu Oblus ta la Abarnaba ma. Moa a sa a nyum oshpa, a shĩ mo ma moa a kom adlidzi ba Ahogbrẽ gble.

Otum 11:21

Ekʼpo Ahogbrẽ e wo pa la mo. Okyku eka he moare nzenze a bmi ba adlidzi nga a zhiŋ a lu Adigi ma.

Otum 9:20

A gre anwyeakulu andandandim moaEyahuda nga a nyum oshpa eshri Eyesu, ma Eyesu a wo Anwye Ahogbrẽ.

Otum 21:28

MoaEyahuda la a zgi Asiya a ba a nyuŋ eshki a lu mi le, Agimi arehwĩ ba Esrayila, e kpo e ghwo! E ka, alom hi angyiŋ a la a yi ekro andandandim a la a nye moare a da mo a dzi moarehwi ba Esrayila ta la odaŋ ba Omusa, ta la Anyuŋ-akulu hi. E ka, ohuhuhi, aŋa a shri moa la a wo moaEyahuda mbo a ba Anyuŋ-akulu eshyẽ. A tpi okro ba esesla ayi.

Otum 20:21

MoaEyahuda, pa la moa-Egrise, ame e shĩ mo osheshye ma moa a zhiŋ ogbu a dzu odlobi mo a zga nga a lu Ahogbrẽ ma, nga a bmi ba adlidzi ta la Adigi Eyesu.

Otum 17:17

Oblus a la a hwro odlo pa la moaEyahuda, pa la moa la a wo moaEyahuda mbo la a lu Ahogbrẽ ma, anwyeakulu moaEyahuda, nga a la a hwro odlo pa la moare la a ba okyku o gno odlo baŋ okro moare la a shki ma.

Otum 16:1

Oblus a gre Edabe ta la Elistra. Alomakyeŋ la a bmi ba adlidzi a wo Elistra, eshko baŋ e ri Etimoti. Anaŋ a wo a ba Eyahuda, nga aŋa a bmi ba adlidzi. Ambo adaŋ a wo a ba Egrise.

Otum 14:2

Ambo moaEyahuda la a bmi ba adlidzi mbo a ghwo moa la a wo moaEyahuda mbo elom atuŋ nga a da mo a klo odlo pa la moanáŋ

Otum 13:5

Omba moa a gbu osku ba Esalami, moa a nyum oshpa ba Ahogbrẽ anwyeakulu moaEyahuda nzenze. Eyohana Amarku a ba pa la mo okyku o kpo o ghwo a mo.

Eyohana 12:20

MoaEgrise moa a wo eshki moare la a gre Orushalima okyku oriabgo lo.

Eyohana 7:35

MoaEyahuda a la a zhĩ emo a lu mi le, Aŋa á yi ayaŋ angyiŋ ba agi é ba e hwiŋ ŋa mbo? Aŋa á yi esku ba moaEgrise, pa la moaEyahuda a wo ma nga á dzu ma á nye moaEgrise?

MoaOkolosi 3:11

Okyku ohe lo, egʼba eka ba egʼba moaEyahuda pa la moa la a wo moaEyahuda mbo, ta la are la a sheŋ ongyum, ta la are la a sheŋ ongyum mbo, ta la are la a wo evbu, ta la are la a hwile ayi mbo, ta la awaghrẽ, ta la are la a wo awaghrẽ mbo, e wo ma mbo. Ambo Ekristi angyiŋ a wo ekployaŋ a mbo. Ekristi nga a wo ékployaŋ a mbo!

MoaEgalasiya 2:3

Akyemeazba la a ri Etitu a wo a ba Egrise angyiŋ, ambo moa a vu ŋa omgbybi okyku o daŋ a sheŋ ongyum mbo.

Otum 19:10

Moa a kpo eka he lo okyku eyi eha. Okyku eka he moare la a wo obiŋ ba Asiya mvye, moaEyahuda pa la moa la a wo moaEyahuda mbo, moa a ba okyku o gno odlo Ahogbrẽ.

Amarku 7:26

Ashe lo a wo azhẽ ba Esiriya obiŋ ba Efonisha. A vẽ Eyesu okyku o daŋ a se ogbgabi a sku anwye baŋ.

Otum 2:47

Moa a la a hlu Ahogbrẽ eshko nga, moare a la a klo mo. Nga olum ondayaŋ a mbo Ahogbrẽ a la a tsa moare a da mo a ghwo obiŋ nga, Ahogbrẽ a da moare a ghwo obiŋ ombamba pyeŋ. Moare la a lu Ahogbrẽ ma nga a ta ma-ma.

Otum 14:19

MoaEyahudakyeŋ a zgi Antakiya ba Ebisidiya ta la Ekoniyom a ba. Moa a ba a zhiŋ moare eshri, nga moa a da mo a tra Oblus ézhim nga moa a dra ŋa a sku osku lo. Moa a ka ma o dzu mbo, ma a kpu.

Otum 16:2

Moanáŋ mvye osku ba Elistra ta la Ekoniyom, moa a klo Etimoti a gre eshri.

2 Etimoti 3:11

Aŋo nga o ka eka ba ame e la e kpo avuolo nga e kpo ewu. Aŋo o yi edgu ayakplo pyeŋ la a la a kpo pa la me omba ba ame e wo osku ba Antakiya, ta la Ekoniyom, ta la Elistra. Aŋo o yi eka ba ame e kpo ekŋe e gre eshri! Ambo Ahogbrẽ a shla me abgo ewu he lo pyeŋ.