Otum 13:25 - Ohwihwim Olehe

²⁵ Omba ba Eyohana a wo osusku ba o kpo otum baŋ a khwo nga, a nyuŋ moare a lu mi le, Eka bimi e ka, ame e wo ayi angyiŋ? Ame angyiŋ e wo are bimi e la e ka ayi ozhẽ mbo! Ambo agimi e ka! Aŋa á ba ambla me, nga ame e tse ma ba ame e ngla akpadga baŋ mbo.

Otum 13:25 Referans Kwoze

Amatiyu 3:11

Ame e la e kpo gimi abaptisma la amihĩ okyku o tsa ba agimi e ghwo obiŋ bgu. Ambo are la á ba a ba ambla me, aŋa á kpo gimi abaptisma la Ogbgaodzi, ta la ovo. Aŋa a wo ekʼpo a gre me, nga ame e tse ma ba ame e sko akpadga baŋ mbo.

Amarku 1:7

A su a da moare a lu mi le, Are la á ba ambla me, a wo ekʼpo ma a gre me, ame e tse ma ba ame e gbyle e ngla akpadga baŋ mbo.

Otum 20:24

Ambo ame e sko eso me e da lo e dzu ekplokyeŋ mbo. Okyku eshi ame e klo o bli otum ba Adigi Eyesu a shri a da me, ba ame e kpo. Otum ozgi egŋe Oshpaodzadzi ba okpoghwo ba Ahogbrẽ.

Otsotsa 11:7

Ambla ba moa a su odlo lo a khwo bgu le, ebyi la e zgi enzhe la e gyuŋ mgbyimgbyimgbyiŋ, e kpo ambgu pa la mo. Aŋa á kpo á gre mo nga á bga mo.

2 Etimoti 4:7

Ame e kpo ekployaŋ a mbo ba ame e kpo e gbu okyeoknye he lo. Ame e sheŋ e knye lo e bli. Nga ame e kpaŋ la obmi ba adlidzi lo.

2 MoaOkorinti 4:5

Agi e la e nyum oshpa ba eshri bi angyiŋ mbo. Ambo agi e la e nyum oshpa ba Eyesu Ekristi, aŋa angyiŋ a wo Adigi-odne. Nga agi e wo moawaghrẽ bimi sha angyiŋ okyku Eyesu.

Otum 19:4

Oblus a tno ma a lu mi le, Abaptisma ba Eyohana a wo okyku moa la a sheŋ a zhiŋ bgu. Eyohana a nyuŋ moarehwi ba Esrayila a lu mi ma moa a bmi ba adlidzi ta la are la á ba a ba ambla baŋ. Aŋa a mi a wo Eyesu.

Otum 13:36

Adawuda a kpo otum Ahogbrẽ omba baŋ a wo ma. Omba baŋ a kpu, moa a ngybi ŋa engu moadaŋ, nga a vrẽ.

Eyohana 7:18

Are la a lu odlo ekyku eshri baŋ, a klo o gbu eshko angyiŋ. Are la a klo o da are la a hom ŋa otum angyiŋ a gbu eshko, are he lo a la a kpo adlidzi, nga a la a kpo ekplokyeŋ bli-bli mbo.

Eyohana 4:34

Eyesu a tno mo ma a lu mi le, Algori me angyiŋ a wo o kpo otum eka ba are la a hom me otum a klo nga okyku o kpo otum baŋ o khwo.

Eyohana 1:36

Omba ba Eyohana a ka Eyesu a ba nga, a lu mi le, E ka Anwye Ekylu ba Ahogbrẽ!

Eyohana 1:34

Eyohana a sa a lu mi le, Ame e ka lo, ame e sa e lu e da gimi, adlidzi, aŋa a wo Anwye Ahogbrẽ angyiŋ.

Eyohana 1:29

Onda ba oha nga Eyohana a ka Eyesu a ba okro baŋ, nga a lu mi le, E ka Anwye Ekylu ba Ahogbrẽ la a la a sko odlobi ba obiŋ hi mvye!