Otum 13:16 - Ohwihwim Olehe

¹⁶ Oblus a kso angyeŋ nga a si abgo baŋ nga a lu mi le, Agimi anáŋ ba Esrayila pa la moa la a wo moaEyahuda mbo la a wo ahe, la e lu Ahogbrẽ ma, agimi e ngli atuŋ e gno odlo me.

Otum 13:16 Referans Kwoze

Otum 12:17

A tsa mo obgo moa a dzu tki, nga a lu a da mo eka ba Ahogbrẽ a se ŋa aku. A nyuŋ mo a lu mi le, Agimi e lu e da Eyakubu ta la moanáŋ ahwõ mvye. A lu eka he a khwo nga, a gre eŋa egi ehwõ.

Otum 13:26

Agimi anáŋ, agimi anwye ba Ebrahim, pa la moa la a wo moaEyahuda mbo, la a wo ahe mvye la a la a hlu Ahogbrẽ eshko, moa a shri oshpa ba oshla he lo a kom gi angyiŋ!

Otum 10:2

Aŋa a wo are la a kpo eyli Ahogbrẽ. Aŋa pa la moa-odne baŋ mvye, moa a la a hlu Ahogbrẽ eshko. Aŋa a la a zga gble nzenze okyku o kpo o ghwo moaEyahuda la a kpo ekŋe, nga a fa olu ombamba mvye.

Otsotsa 2:29

O wo ba agimi e wo la atuŋ ma le, e ngli atuŋ e gno odlo ba Ogbgaodzi o lu o ygi moaEklisiya!

Otsotsa 2:17

O wo ba agimi e wo la atuŋ ma le, agimi e ngli atuŋ e gno odlo ba Ogbgaodzi o la o lu o da moaEklisiya. Moare la a sheŋ a hwiŋ okpogre, ame é fa amana la a ghre é shri é da mo. Nga ame é shri ezhim ekyle é shri é da areyaŋ a mbo eshki mo. Nga moa á ta eshko elehe angyiŋ e ma. Arekyeŋ á yi lo mbo ku-ku, o wo le are la á ba a yga lo dne.

Otsotsa 2:11

O wo ba agimi e wo la atuŋ ba o ngli o gno odlo le, agimi e ngli atuŋ e gno odlo ba Ogbgaodzi o la o lu o ygi moaEklisiya. Moare la a kpo a gre le, eku ba oha é ta mo etsa mbo ku-ku.

Otsotsa 2:7

O wo ba agimi e wo la atuŋ ba o ngli o gno odlo le, agimi e ngli atuŋ e gno odlo ba Ogbgaodzi o la o lu o ygi moaEklisiya! Moare la a sheŋ a hwiŋ okpogre, ame é da mo ozhẽ okyku o da mo a ri ágbro ba esĩ aki ba esõ la a fu Agbi ba Ahogbrẽ.

Otum 22:22

Moare a la a ngli atuŋ a gno odlo Oblus ma-me o tsa baŋ a lu odlo he lo a khwo. Ambla he nga moa a lu odlo angyangyeŋ a lu mi le, E da mo a ngʼba edgu are he a sku obiŋ hi! E bga ŋa! A tse ma ba o dzu ma mbo.

Otum 21:40

Anyuŋ-andakʼpo lo a bmi, okyku eka he Oblus a vre ambgu nga a ta moare abgo. Omba ba moare a dzu tki nga, a lu odlo la olom moaEyahuda.

Otum 19:33

Moakyeŋ a lu mi ma Alaksanda angyiŋ a da mo a shki, okyku eshi moaEyahuda a daŋ a gre ozhẽ. Okyku eka he Alaksanda a tsa abgo nga, a klo o lu odlo la o shla eshri baŋ egi ayi moare.

Otum 13:46

Ambo ekakahelo, Oblus ta la Abarnaba, moa a nyum oshpa osheshye a lu mi le, O dzu omgbybi moa a nyum oshpa ba Ahogbrẽ a ygi gimi ori. Agimi e gno lo nga e tla lo. Agimi e ka owlama eso ba gbagbu-amo mbo, okyku eka he agi é dzu gimi é zga nga é yi okro moa la a wo moaEyahuda mbo.

Otum 10:35

Areyaŋ a mbo la a kpo eyli baŋ, nga la a kpo ayakplo la a wo shasha egi ayi baŋ bgu le, a wo a ba oguyaŋ a mbo, Ahogbrẽ á yga ŋa.

Otum 3:12

Omba ba Ebitru a ka eka he nga, a nyuŋ eshki a lu mi le, Agimi arehwĩ ba Esrayila, okyku eshi agimi e da ekplo he lo e dzu egbregbre ka la gimi nga e la e ka gi dzo? Eka bimi e ka, la ekʼpo bi o mbo okyku bi e wo moarehwi ba Ahogbrẽ angyiŋ agi e da alom hi a dzi?

Otum 2:22

Agimi arehwĩ ba Esrayila, agimi e ngli e gno odlo he lo! Eyesu ba Anazarata a wo arehwĩ ba Ahogbrẽ a daŋ a kpo ayakplo egbregbre andandandim okyku o tsa gimi. Agimi e yi eka he lo, okyku baŋ a kpo ekployaŋ a mbo ahe ka la gimi.

Otum 2:14

Ambla he nga Ebitru a kso angyeŋ pa la moa la a nyum oshpa okʼpoakyeŋ, nga a lu odlo osheshye eshki a lu mi le, Agimi Eyahuda ta la areyaŋ a mbo la a dzu Orushalima, agimi e ngli e gno ekplo ame e klo o lu o da gimi ohuhuhi.

Oluka 1:50

Aŋa a ka moa la a kpo eyli baŋ mvye ayiekŋe. A zga ekplu hi a yi ekplu ehwõ a la a kpo eka he lo.

Amatiyu 11:15

Agimi e ngli atuŋ e gno o wo bimi e wo atuŋ ba o gno odlo ma le!

Oluka 23:40

Ambo ahwõ a nyuŋ are he lo a lu mi le, Alom, aŋo o kpo eyli Ahogbrẽ mbo? Aŋo o ka, agi pyeŋ e wo ahe okyku edgu ombgu okyekyeŋ angyiŋ.

Oluka 1:22

Omba ba Azakariya a zgi edzi nga, a kpla egba pa la moare a gbu mbo. Omba he lo moare a ka a bmye baŋ a yi a ka okoka Anyuŋ-akulu. A lu odlo a gbu mbo, o wo le a tsa abgo sha.