Otum 13:10 - Ohwihwim Olehe

¹⁰ Aŋo o wo anwye Eshitaŋ angyiŋ! Aŋo o wo afpu ekployaŋ a mbo la e wo edzi. Aŋo o wo la obile ma o gre eshri, nga aŋo o la o zga ngre okyku o zhiŋ adlidzi ba odlo Ahogbrẽ o da lo a dzu akpro.

Otum 13:10 Referans Kwoze

Eyohana 8:44

Agimi e wo moanwye ba adigimi Eshi-taŋ, nga agimi e klo e kpo ekplo ba adigimi lo a klo. Okũ oriori, a wo are la a bga ebga. A bmi ta la adlidzi ondakyeŋ mbo, okyku ba adlidzi a wo ka la ŋa mbo. Omba baŋ a la a sheŋ akpro le, a la a kpo ekplo baŋ a sheŋ a bga ta la alo angyiŋ, okyku eshi aŋa angyiŋ a wo asheŋakpro, nga aŋa angyiŋ a wo adaŋ ba akpro mvye.

MoaEgalasiya 1:7

Adlidzi angyiŋ, oshpakyeŋ ondundum o wo ma okrokyeŋ mbo ku-ku. Ame e lu eka he okyku eshi moarekyeŋ a klo o so gimi ayi nga o nyiŋ Oshpaodzadzi ba Ekristi.

2 MoaOkorinti 11:3

Ame e wo la eyli okyku ba aga eso bimi á zhiŋ á dzu la eshre, nga ba agimi é kyu oklo la o bli abgo. O wo o ba adlidzi angyiŋ okyku Ekristi. Ekakahelo a mi emabi e bile Ahawawu la eda ba akpro.

Amatiyu 13:38

Agbi nga a dzu eka ba obiŋ hi. Eyi edzi nga e dzu eka moare la a wo a ba Oreŋ Ongyeŋ. Eyi ebi nga e dzu eka moare la a wo a ba Eshitaŋ.

1 Eyohana 3:8

Areyaŋ a mbo la a shri eshri baŋ a zga okyku o kpo odlobi le, a wo arehwĩ ba Eshitaŋ angyiŋ. Okyku eshi a zga okũ oriori, odlobi o dzu atsoŋ eda la e gbyi angyiŋ ta la Eshitaŋ. Anwye Ahogbrẽ a ba okyku o jygi etum ba Eshitaŋ angyiŋ.

Oluka 11:52

A ba eshri bimi la e nye odaŋ! Agimi e shri emakuli ba moa a hwile ayizhẽ la a yi odŋe oyioyi e shri e ghre. Agimi eshrishri egimi nga e gre ma mbo. Moa la a klo o yi a mbo agimi e nyom mo.

2 Ebitru 2:15

Moa a sheŋ a dzu ozhẽ la o wo kye a zga, nga moa a ta akpu ozhẽ lo. Moa a zhiŋ a sõ ozhẽ ba Abalam anwye ba Obosoro. Aŋa a klo amgbaŋ baŋ moa a hwiŋ lo ozhẽ ba o kpo ayakplobi.

Otum 20:30

Moakyeŋ eshki bimi, moa á ba nga moa á sheŋ akpro nga, moa á som moa la a bmi ba adlidzi ayi á da mo a lu mo ma.

Amatiyu 23:13

A ba eshri bimi la e nye odaŋ ta la agimi Efarisi! Agimi la e bile moare! Agimi e la e so moare ayi ozhẽ la o yi Oreŋ Ongyeŋ. Agimi a mbo e klo e yi mbo. Moa la a klo a yi a mbo, agimi e nyom mo o gre o yi. [

Amatiyu 15:19

Esõ arehwĩ eshyẽ nga, aga ba o kpo ayakplobi eka o bga ebga, ta la o ri eshra, ta la o kpo ayakplo ba eshre, ta la o kpo ogʼga, ta la o sheŋ akpro, ta la o tpi eshko moare ayi, a wo ma.

Amatiyu 3:7

Omba ba Eyohana a ka moaEfarisi, pa la moaEsaduki nzenze a ba okyku o daŋ a kpo mo abaptisma nga, aŋa a nyuŋ mo a lu mi le, Agimi emabi, ayi a lu a da gimi, bimi é kpo é gbu bimi é gro ombgu ba Ahogbrẽ la ó ba?

Eyohana 1:23

Eyohana a tno mo ma a lu mi le, Ame angyiŋ e wo Enzi la e la e su osu akla e la e lu mi le, E kpo ozhẽ la o wo tsoŋ okyku o da Adigi-odne a dzi ma. Eshaya arehwĩ ba Ahogbrẽ a hom otum, a sheŋ a lu eka he lo.

Oluka 11:39

Okyku eka he nga, Adigi-odne a nyuŋ ŋa a lu mi le, O ka, agimi Efarisi e la e ndza etku bimi e la e wa ami ma egi edzi, ambo agimi e dzu egi eshyẽ e zga. Egi eshyẽ nga, engre ta la odlobi sha e bli lo.

MoAfisu 4:14

Omba he lo nga agi é dzu eka moanwye ba ogbga ba onyenye ba moarehwĩ la a la a bile moare angyiŋ o la o kaŋ mo ayi wayawaya nga mbo. Onyenye he lo o la o da moare a la a ta akpu okyku edgu eda ebi ba obile ba moa a la a kpo.