Otum 12:5 - Ohwihwim Olehe

⁵ Okyku eka he moa a dzu Ebitru a zga aku, ambo Eklisiya moa a la a fa olu a vẽ Ahogbrẽ osheshye okyku ŋa.

Otum 12:5 Referans Kwoze

1 MoaOkorinti 12:26

O wo ba evgi ekyeŋ e la e kpo ewu le, évgi ehwõ pyeŋ e la e kpo ewu ta la alo. Nga o wo ba evgi ekyeŋ e hwiŋ otsotsom le, évgi ehwõ e la e kpo ovye ta la alo otsotse.

Eyakubu 5:16

Okyku okũ he lo, agimi e lu odlobi bimi e ygi egimi, nga e fa olu okyku egimi, okyku o da gimi e shaŋ. Olu ba are odlodzi o wo la ekʼpo ma nzenze!

1 MoaEtasolonika 5:17

Nga e fa olu ombamba pyeŋ.

2 MoaOkorinti 1:11

okyku eshi agimi e la e kpo e ghwo la gi okro olu bimi. Okyku eka he nga olu nzenze bimi e la e fa okyku gi, moa á yga lo. Ahogbrẽ nga á shri owlama á shri á da gi, nga moare nzenze moa á si enzi mo ongyeŋ nga á vye la ŋa okyku gi.

Amatiyu 18:19

Nga ame e lu e da gimi e ta ma-ma, o wo ba moare aha obiŋ hi a bmi ta la ekplokyeŋ nga a la a fa olu okyku lo, Adugu la a wo Ongyeŋ, á kpo mo alo.

MoaIbrani 13:3

Agimi e tne aga ba moare ba moa a shri mo a ta aku, eka ba agimi e wo aku pa la mo. Agimi e tne aga ba moare la a la a kpo ewu eka ba agimi e la e kpo ewu lo pa la mo.

Otum 12:12

A yi eka ba akplo lo a wo ma, okyku eka he a gre odne Emeri anaŋ Eyohana Amarku. Moare nzenze a pla emo a shki ahe lo nga a la a fa olu.

Oluka 18:1

Eyesu a ta egŋe he lo a da moanwyeotum baŋ okyku o nye mo, okyku o da mo a fa olu ombamba pyeŋ nga a zga eso ekyekyeŋ.

Otum 12:4

Ambla moa a vu ŋa, moa a shri ŋa a ta aku. Moa a shri ŋa a ghwo abgo ba egʼba enyi ba moanwyeakyuŋ anyianyi, okyku o da mo a kʼpu ŋa. Ehirudu a zga eso ba o se Ebitru a da moaEyahuda ambla ba moa a ri abgo ba Apaska a khwo.

Otum 12:6

Okyukyku ba ayi a kre nga, ba Ehirudu á ba a se moarehwi nga, Ebitru a la a ndze enu agʼbaha moanwyeakyuŋ la a kʼpu ŋa. Moa a ta ŋa aslika, nga moanwyeakyuŋ a tspi ayi-zhẽ aku lo a la a kʼpu.