Otum 12:12 - Ohwihwim Olehe

¹² A yi eka ba akplo lo a wo ma, okyku eka he a gre odne Emeri anaŋ Eyohana Amarku. Moare nzenze a pla emo a shki ahe lo nga a la a fa olu.

Otum 12:12 Referans Kwoze

Otum 12:5

Okyku eka he moa a dzu Ebitru a zga aku, ambo Eklisiya moa a la a fa olu a vẽ Ahogbrẽ osheshye okyku ŋa.

Efilimo 1:24

Moa la a kpo otum pa la me otsotse moa a ri Amarku, ta la Aristaku, ta la Edema, ta la Oluka. Moa pyeŋ a shko ŋo.

Otum 13:5

Omba moa a gbu osku ba Esalami, moa a nyum oshpa ba Ahogbrẽ anwyeakulu moaEyahuda nzenze. Eyohana Amarku a ba pa la mo okyku o kpo o ghwo a mo.

Otum 12:25

Abarnaba ta la Eshawlu moa a kpo otum mo a khwo Orushalima nga moa a bla a ba Antakiya. Moa a da Eyohana Amarku a gre pa la mo.

2 Etimoti 4:11

Ohuhuhi, Oluka sha a wo pa la me ahe. Aŋo o da Amarku a ba otsotse ka la ŋo, okyku eshi aŋa a mbo á kpo á gbu baŋ á kpo á ghwo la me otum he lo.

MoaOkolosi 4:10

Aristaku la a wo aku pa la me, a shko gimi. Amarku a mbo la a wo akha Abarnaba a shko gimi. Moa a sheŋ a tsa gimi ayakplo eshri baŋ okyku o da gimi e yga ŋa o wo baŋ a ba.

Otum 13:13

Oblus ta la moakyeŋazba moa a ba Epega obiŋ ba Ebamfiliya. Ahe lo angyiŋ Eyohana Amarku a dzu mo a zga nga a bla a gre eŋa Orushalima.

Otum 16:40

Oblus ta la Esila, moa a zgi a khwo nga moa a vu ozhẽ a gre odne Elidiya. Moa a ka moanáŋ ahe lo, moa a shi mo a khwo nga, moa a kso a sku osku he lo.

Otum 4:23

Ambla moa a kyu Ebitru ta la Eyohana abgo nga, moa a gre okro moanáŋ nga moa a lu a da mo eka ba moandakʼpo olu ba Ahogbrẽ, pa la moandakʼpo obiŋ a lu a da mo.

1 Ebitru 5:13

Moanigi ba Eklisiya ba Ahabila ba Ahogbrẽ a sla mo, moa a la a shko gimi. Anwye me la a ri Amarku a mbo a la a shko gimi.