Otum 11:21 - Ohwihwim Olehe

²¹ Ekʼpo Ahogbrẽ e wo pa la mo. Okyku eka he moare nzenze a bmi ba adlidzi nga a zhiŋ a lu Adigi ma.

Otum 11:21 Referans Kwoze

Otum 2:47

Moa a la a hlu Ahogbrẽ eshko nga, moare a la a klo mo. Nga olum ondayaŋ a mbo Ahogbrẽ a la a tsa moare a da mo a ghwo obiŋ nga, Ahogbrẽ a da moare a ghwo obiŋ ombamba pyeŋ. Moare la a lu Ahogbrẽ ma nga a ta ma-ma.

Oluka 1:66

Moare pyeŋ la a gno oshpa he lo moa a zhĩ a lu mi le, Anwye he lo á dzu eshi edgu arehwĩ lo? Okyku eshi o wo zheŋ ba ekʼpo Ahogbrẽ e wo ka la ŋa.

1 MoaEtasolonika 1:5

Okyku eshi agi e shri Oshpaodzadzi he lo e ba e kom gimi la anyu sha mbo, ambo agi e shri lo la ekʼpo, ta la Ogbgaodzi, ta la obibmi ba adlidzi ba oshpa lo bubgu. Agimi e yi eka ba agi e dzu omba ba agi e wo ka la gimi. Alo o wo okyku o kpo o ghwo la gimi angyiŋ.

Otum 9:35

Moarehwi mvye la a wo Elida ta la Esharoŋ, moa a ka ŋa nga moa a zhiŋ a lu Adigi-odne ma.

Otum 11:24

Abarnaba a wo arehwĩ owlama. Aŋa a bli la Ogbgaodzi nga a la a tspi gble ekployaŋ a mbo. Moarehwi nzenze a zhiŋ a lu Adigi ma.

Otum 6:7

Ambla ne nga, odlo Ahogbrẽ o ngla o ta ma-ma. Moa la a bmi ba adlidzi a ta ma-ma ombamba mvye osku ba Orushalima, nga moandakʼpo olu ba Ahogbrẽ nzenze a bmi ba adlidzi.

Otum 5:14

Moare la a bmi ba adlidzi lo, a la a ta ma ombamba mvye. Moa la a bmi ba adlidzi ta la Ahogbrẽ a wo moarealom pa la moashe.

Otum 4:4

Ambo moare nzenze la a gno oshpa lo moa a bmi ba adlidzi. Moa a hwiŋ moare eka ezbietno.

Otum 15:19

Eyakubu a lu mi le, Eka ame e ka, o raŋ o gre bi e kpo moa la a wo moaEyahuda mbo la a zhiŋ a lu Ahogbrẽ ma ewu mbo.