Otum 11:16 - Ohwihwim Olehe

¹⁶ Ame nga e sa e tne aga ekplo ba Adigi a lu mi le, Eyohana a la a kpo abaptisma la amihĩ, ambo ame é kpo gimi abaptisma la Ogbgaodzi.

Otum 11:16 Referans Kwoze

Otum 1:5

Eyohana a la a kpo moare abaptisma la amihĩ, ambo ambla fi nga moa á kpo gimi abaptisma la Ogbgaodzi.

Amarku 1:8

Ame e la e kpo gimi abaptisma la amihĩ, ambo aŋa á kpo gimi abaptisma la Ogbgaodzi.

Eyohana 14:26

Okpoghwo la o wo Ogbgaodzi ba Adugu á da lo o ba eshko me, ó nye gimi ekployaŋ a mbo, nga ó da gimi e tne aga ekployaŋ a mbo ba ame e lu e da gimi.

Oluka 3:16

Ambo Eyohana a nyuŋ mo pyeŋ a lu mi le, Ame e la e kpo gimi abaptisma la amihĩ, ambo are la a gre me la ekʼpo á ba. Ame e tse ma ku-ku ba ame e gbyle e ngla akpadga baŋ mbo. Aŋa á kpo gimi abaptisma ta la Ogbgaodzi, ta la ovo.

Amatiyu 3:11

Ame e la e kpo gimi abaptisma la amihĩ okyku o tsa ba agimi e ghwo obiŋ bgu. Ambo are la á ba a ba ambla me, aŋa á kpo gimi abaptisma la Ogbgaodzi, ta la ovo. Aŋa a wo ekʼpo a gre me, nga ame e tse ma ba ame e sko akpadga baŋ mbo.

1 MoaOkorinti 12:13

Nga ekakahelo, agi Eyahuda pa la moa la a wo moaEyahuda mbo, pa la moa la a wo moawaghrẽ, pa la moa la a wo moawaghrẽ mbo, moa a kpo gi abaptisma ibu ba egʼba ekyekyeŋ, la Ogbgaodzi okyekyeŋ. Moa a shri Ogbgaodzi okyekyeŋ he lo angyiŋ a da gi pyeŋ okyku o da gi e yga.

Otum 20:35

Okro ayakplo nzenze ame e la e tsa gimi eka ba alo o dzu omgbybi bimi e kpo ngre eka he okyku o kpo o ghwo la moagogro. E tne aga odlo ba Eyesu eshrishri eŋa a lu ma oraŋ o wo ofoadi o gre oyayga.

Eyohana 16:4

Ame e lu he lo e da gimi okyku omba ba moa a kpo gimi edgu ayakplo he lo, o da gimi e tne aga e fu ma. Ame e lu odlo he lo e da gimi oriori mbo okyku ba ame e yi e wo ka la gimi.

Eyohana 1:33

Omba he lo, ame e yi ŋa mbo, ambo Ahogbrẽ la a da me e kpo abaptimsa la amihĩ a nyuŋ me a lu mi le, Aŋo ó ka Ogbgaodzi ó gile eshri alom he lo. Alom he lo angyiŋ a la a kpo moare abaptisma la Ogbgaodzi.

Eyohana 1:26

Eyohana a tno mo ma a lu mi le, Ame e kpo moare abaptisma la amihĩ, ambo eshki bimi are ba agimi e yi ŋa mbo a tspi ka la gimi.

2 Ebitru 3:1

Agimi akyemeazba! Akpa he a wo akpa ba oha angyiŋ ba ame e ta gimi. Akpekpa ahaha lo pyeŋ, ame e zga ngre okyku o dzu gimi eshri ayakplo he lo ibu o tne gimi aga la a wo adzi esõ bimi.

Oluka 24:8

Ambla he nga moashe lo a tne aga odlo ba Eyesu a lu.

Amatiyu 3:6

Moare a zgi egŋe odlobi mo nga aŋa a kpo mo abaptisma ondzu ba Ordu.