Otum 11:12 - Ohwihwim Olehe

¹² Ogbgaodzi o tsa me ma ame e ngli mbo, ma ame e yi pa la mo shoshoŋ. Moanáŋ afĩ hi a gre Esizariya pa la me, agi mvye e gre odne ba Okoniliyu.

Otum 11:12 Referans Kwoze

Otum 8:29

Ogbgaodzi o nyuŋ Efilibu o lu mi le, O yi osusku ta la amato-enyma lo.

MoaOroma 3:22

Ahogbrẽ a shri opyapyaŋ a zga agʼbaha baŋ pa la moarehwi ozhẽ obmi ba adlidzi ta la Eyesu Ekristi angyiŋ. Egʼbakyeŋ e wo ma mbo. Ahogbrẽ a kpo ohi lo okyku areyaŋ a mbo.

2 MoaEtasolonika 2:2

agimi e da ekplokyeŋ e so gimi ayi mbo ku-ku, eka ba moakyeŋ a la a lu ma Onda ba Adigi-odne o sheŋ o ba bgu. Agimi e da ohe lo o kpo gimi ewu esõ mbo. O dzu mbo arekyeŋ angyiŋ a ka nga a lu, o mbo le o dzu mbo arekyeŋ angyiŋ a nyum oshpa nga a lu. O dzu mbo moa a lu ma agi angyiŋ e ta lo akpa bi e ta.

Otum 10:23

Ebitru a da moare atra lo a gre odne eshyẽ nga a da mo a lom odne baŋ a bli endigiŋ. Onda oha aŋa a nyuŋ anzho a vu abgo nga a gre pa la mo. Moakyeŋ eshki moanáŋ ba Ojopa a mbo a gre ka la ŋa otsotse.

Otum 15:9

Aŋa a sko mo ka la gi a zga okyekyeŋ. A kyu mo abgo odlobi mo okyku moa a bmi ba adlidzi.

Otum 10:45

MoaEyahuda la a bmi ba adlidzi, moa la a zgi Ojopa a ba ta la Ebitru, a ka egbregbre ba Ahogbrẽ a shri Ogbgaodzi baŋ a shri a di ototno, a shri a da moa la a wo moaEyahuda mbo a mbo.

Eyohana 16:13

Ambo omba ba Ogbgaodzi ba adlidzi o ba le, ó tsa gimi adlidzi ba ekplo-yaŋ a mbo. Á lu odlo eshrishri eŋa angyiŋ mbo, ambo á lu ekplo baŋ a gno angyiŋ á ba a da gimi. Á lu odlo eshri ayakplo la á ba a kpo.

Amatiyu 1:20

Omba baŋ a wo aga a la a tne eshri lo nga, anwyeadga ba Adigi-odne a ba okro baŋ onze, nga a nyuŋ ŋa a lu mi le, Oyusufu, aŋo ba ogu ba Adawuda, aŋo o fu eha ba o sko ashe boŋ Emeri mbo. Ogbgaodzi angyiŋ o shri onyi lo o daŋ.

Otsotsa 22:17

Ogbgaodzi ta la Anwyeshe a lu mi le, Agimi e ba! Nga e da areyaŋ a mbo la a gno odlo he lo, e daŋ a mbo a lu mi le, Agimi e ba! Areyaŋ a mbo ba oŋo o kpo ŋa nga baŋ a klo o wa ami, a ba a yga ami ba esõ he lo a wa ototno.

Otum 15:7

Ambla moa a kla odlo he lo nzenze nga, Ebitru a kso angyeŋ nga a lu mi le, Agimi anáŋ, agimi e sheŋ e yi, ba Ahogbrẽ a sla me ogbyigbyi okyku o da me e nyum Oshpaodzadzi e ygi moa la a wo moaEyahuda mbo, okyku o da mo a gno nga a bmi ba adlidzi.

Otum 13:4

Ogbgaodzi o da Abarnaba ta la Eshawlu a gre Eselusiya, nga moa a zgi ahe lo a gre anwye-obiŋ moa a bzi lo ma Esapru. Anyuŋ-ondzu a ta lo a kpaŋ.

Otum 13:2

Omba moa a la a hlu Ahogbrẽ eshko nga moa a nyom eshri mo algo, Ogbgaodzi o nyuŋ mo o lu mi le, Agimi e sla Abarnaba ta la Eshawlu e zga agba okyku otum ba ame e bzi mo okyku lo.

Otum 1:15

Ambla elum fi nga moare la a bmi ba adlidzi ta la Eyesu moa a shki eshki. Moa a wo eka endgaekyeŋ la ekʼpoeha. Ebitru a kso nga a nyuŋ mo a lu mi le,

Otum 11:13

Aŋa a lu a da gi ma aŋa a ka anwyeadga ba Ahogbrẽ a tspi odne baŋ nga a nyuŋ ŋa a lu mi le, Okoniliyu, o hom arekyeŋ o daŋ a yi Ojopa, nga a bzi alomakyeŋ moa a bzi ŋa Esima Ebitru a daŋ a ba.

Otum 28:15

Moanáŋ la a wo Oroma moa a gno oshpa bi, nga moa a ba osku ba moa a bzi lo ma Ekyku ba Abiyu, ta la Adne Atra okyku o tsa gi ozhẽ. Omba ba Oblus a ka mo nga, a vye Ahogbrẽ nga eso e gbu ŋa obiŋ.